śrīgāyatrīstotravarṇanam
śrīgāyatrīstotravarṇanam nārada uvāva bhaktānukampin sarvajña hṛdayaṃ pāpanāśanam |
gāyatryāḥ kathitaṃ tasmādgāyatryāḥ stotramīraya
||1||श्रीगायत्रीस्तोत्रवर्णनम् नारद उवाव भक्तानुकम्पिन् सर्वज्ञ हृदयं पापनाशनम् ।
गायत्र्याः कथितं तस्माद्गायत्र्याः स्तोत्रमीरय
śrīnārāyaṇa uvāca
ādiśakte jaganmātarbhaktānugrahakāriṇi |
sarvatra vyāpike'nante śrīsandhye te namo'stu te
||2||आदिशक्ते जगन्मातर्भक्तानुग्रहकारिणि ।
सर्वत्र व्यापिकेऽनन्ते श्रीसन्ध्ये ते नमोऽस्तु ते
tvameva sandhyā gāyatrī sāvitrī ca sarasvatī |
bāhmī ca vaiṣṇavī raudrī raktā śvetā sitetarā
||3||त्वमेव सन्ध्या गायत्री सावित्री च सरस्वती ।
बाह्मी च वैष्णवी रौद्री रक्ता श्वेता सितेतरा
prātarbālā ca madhyāhne yauvanasthā bhavetpunaḥ |
vṛddhā sāyaṃ bhagavatī cintyate munibhiḥ sadā
||4||प्रातर्बाला च मध्याह्ने यौवनस्था भवेत्पुनः ।
वृद्धा सायं भगवती चिन्त्यते मुनिभिः सदा
haṃsasthā garuḍārūḍhā tathā vṛṣabhavāhinī |
ṛgvedādhyāyinī bhūmau dṛśyate yā tapasvibhiḥ
||5||हंसस्था गरुडारूढा तथा वृषभवाहिनी ।
ऋग्वेदाध्यायिनी भूमौ दृश्यते या तपस्विभिः
yajurvedaṃ paṭhantī ca antarikṣe virājate |
sā sāmagāpi sarveṣu bhrāmyamāṇā tathā bhuvi
||6||यजुर्वेदं पठन्ती च अन्तरिक्षे विराजते ।
सा सामगापि सर्वेषु भ्राम्यमाणा तथा भुवि
rudralokaṃ gatā tvaṃ hi viṣṇulokanivāsinī |
tvameva brahmaṇo loke'martyānugrahakāriṇī
||7||रुद्रलोकं गता त्वं हि विष्णुलोकनिवासिनी ।
त्वमेव ब्रह्मणो लोकेऽमर्त्यानुग्रहकारिणी
saptarṣiprītijananī māyā bahuvarapradā |
śivayoḥ karanetrotthā hyaśrusvedasamudbhavā
||8||सप्तर्षिप्रीतिजननी माया बहुवरप्रदा ।
शिवयोः करनेत्रोत्था ह्यश्रुस्वेदसमुद्भवा
ānandajananī durgā daśadhā paripaḍhyate |
vareṇyā varadā caiva variṣṭhā varavarṇinī
||9||आनन्दजननी दुर्गा दशधा परिपढ्यते ।
वरेण्या वरदा चैव वरिष्ठा वरवर्णिनी
gariṣṭhā ca varārhā ca varārohā ca saptamī |
nīlagaṅgā tathā sandhyā sarvadā bhogamokṣadā
||10||गरिष्ठा च वरार्हा च वरारोहा च सप्तमी ।
नीलगङ्गा तथा सन्ध्या सर्वदा भोगमोक्षदा
bhāgīrathī martyaloke pātāle bhogavatyapi |
trilokavāhinī devī sthānatrayanivāsinī
||11||भागीरथी मर्त्यलोके पाताले भोगवत्यपि ।
त्रिलोकवाहिनी देवी स्थानत्रयनिवासिनी
bhūrlokasthā tvamevāsi dharitrī lokadhāriṇī |
bhuvo loke vāyuśaktiḥ svarloke tejasāṃ nidhiḥ
||12||भूर्लोकस्था त्वमेवासि धरित्री लोकधारिणी ।
भुवो लोके वायुशक्तिः स्वर्लोके तेजसां निधिः
maharloke mahāsiddhirjanaloke janetyapi |
tapasvinī tapoloke satyaloke tu satyavāk
||13||महर्लोके महासिद्धिर्जनलोके जनेत्यपि ।
तपस्विनी तपोलोके सत्यलोके तु सत्यवाक्
kamalā viṣṇuloke ca gāyatrī brahmalokadā |
rudraloke sthitā gaurī harārdhāṅganivāsinī
||14||कमला विष्णुलोके च गायत्री ब्रह्मलोकदा ।
रुद्रलोके स्थिता गौरी हरार्धाङ्गनिवासिनी
ahamo mahataścaiva prakṛtistvaṃ hi gīyase |
sāmyāvasthātmikā tvaṃ hi śabalabrahmarūpiṇī
||15||अहमो महतश्चैव प्रकृतिस्त्वं हि गीयसे ।
साम्यावस्थात्मिका त्वं हि शबलब्रह्मरूपिणी
tataḥ parā parā śaktiḥ paramā tvaṃ hi gīyase |
icchāśaktiḥ kriyāśaktirjñānaśaktistriśaktidā
||16||ततः परा परा शक्तिः परमा त्वं हि गीयसे ।
इच्छाशक्तिः क्रियाशक्तिर्ज्ञानशक्तिस्त्रिशक्तिदा
gaṅgā ca yamunā caiva vipāśā ca sarasvatī |
sarayūrdevikā sindhurnarmadairāvatī tathā
||17||गङ्गा च यमुना चैव विपाशा च सरस्वती ।
सरयूर्देविका सिन्धुर्नर्मदैरावती तथा
godāvarī śatadrūśca kāverī devalokagā |
kauśikī candrabhāgā ca vitastā ca sarasvatī
||18||गोदावरी शतद्रूश्च कावेरी देवलोकगा ।
कौशिकी चन्द्रभागा च वितस्ता च सरस्वती
gaṇḍakī tāpinī toyā gomatī vetravatyapi |
iḍā ca piṅgalā caiva suṣumṇā ca tṛtīyakā
||19||गण्डकी तापिनी तोया गोमती वेत्रवत्यपि ।
इडा च पिङ्गला चैव सुषुम्णा च तृतीयका
gāndhārī hastijihvā ca pūṣāpūṣā tathaiva ca |
alambuṣā kuhūścaiva śaṅkhinī prāṇavāhinī
||20||गान्धारी हस्तिजिह्वा च पूषापूषा तथैव च ।
अलम्बुषा कुहूश्चैव शङ्खिनी प्राणवाहिनी
nāḍī ca tvaṃ śarīrasthā gīyase prāktanairbudhaiḥ |
hṛtpadmasthā prāṇaśaktiḥ kaṇṭhasthā svapnanāyikā
||21||नाडी च त्वं शरीरस्था गीयसे प्राक्तनैर्बुधैः ।
हृत्पद्मस्था प्राणशक्तिः कण्ठस्था स्वप्ननायिका
tālusthā tvaṃ sadādhārā bindusthā bindumālinī |
mūle tu kuṇḍalīśaktirvyāpinī keśamūlagā
||22||तालुस्था त्वं सदाधारा बिन्दुस्था बिन्दुमालिनी ।
मूले तु कुण्डलीशक्तिर्व्यापिनी केशमूलगा
śikhāmadhyāsanā tvaṃ hi śikhāgre tu manonmanī |
kimanyadbahunoktena yatkiñcijjagatītraye
||23||शिखामध्यासना त्वं हि शिखाग्रे तु मनोन्मनी ।
किमन्यद्बहुनोक्तेन यत्किञ्चिज्जगतीत्रये
tatsarvaṃ tvaṃ mahādevi śriye sandhye namo'stu te |
itīdaṃ kīrtitaṃ stotraṃ sandhyāyāṃ bahupuṇyadam
||24||तत्सर्वं त्वं महादेवि श्रिये सन्ध्ये नमोऽस्तु ते ।
इतीदं कीर्तितं स्तोत्रं सन्ध्यायां बहुपुण्यदम्
mahāpāpapraśamanaṃ mahāsiddhividhāyakam |
ya idaṃ kīrtayetstotraṃ sandhyākāle samāhitaḥ
||25||महापापप्रशमनं महासिद्धिविधायकम् ।
य इदं कीर्तयेत्स्तोत्रं सन्ध्याकाले समाहितः
aputraḥ prāpnuyātyutraṃ dhanārthī dhanamāpnuyāt |
sarvatīrthatapodānayajñayogaphalaṃ labhet
||26||अपुत्रः प्राप्नुयात्युत्रं धनार्थी धनमाप्नुयात् ।
सर्वतीर्थतपोदानयज्ञयोगफलं लभेत्
bhogānbhuktvā ciraṃ kālamante mokṣamavāpnuyāt |
tapasvibhiḥ kṛtaṃ stotraṃ snānakāle tu yaḥ paṭhet
||27||भोगान्भुक्त्वा चिरं कालमन्ते मोक्षमवाप्नुयात् ।
तपस्विभिः कृतं स्तोत्रं स्नानकाले तु यः पठेत्
yatra kutra jale magnaḥ sandhyāmajjanajaṃ phalam |
labhate nātra sandehaḥ satyaṃ satyaṃ ca nārada
||28||यत्र कुत्र जले मग्नः सन्ध्यामज्जनजं फलम् ।
लभते नात्र सन्देहः सत्यं सत्यं च नारद
śṛṇuyādyo'pi tadbhaktyā sa tu pāpātpramucyate |
pīyūṣasadṛśaṃ vākyaṃ sandhyoktaṃ nāraderitam
||29||शृणुयाद्योऽपि तद्भक्त्या स तु पापात्प्रमुच्यते ।
पीयूषसदृशं वाक्यं सन्ध्योक्तं नारदेरितम्
iti śrīmaddevībhāgavate mahāpurāṇe'ṣṭādaśasāhasryāṃ saṃhitāyāṃ dvādaśaskandhe śrīgāyatrīstotravarṇanaṃ nāma pañcamo'dhyāyaḥ || 5 ||