vinā snānena gaṃgāyā nṛṇāṃ janmaniratharkam
agastya uvāca
vinā snānena gaṃgāyā nṛṇāṃ janmaniratharkam ||
upāyāṃtaramastyanyadyena snānaphalaṃ labhet
||1||विना स्नानेन गंगाया नृणां जन्मनिरथर्कम् ॥
उपायांतरमस्त्यन्यद्येन स्नानफलं लभेत्
aśaktānāṃ ca paṃgūnāmālasyopahatātmanām ||
dūradeśāṃtarasthānāṃ gaṃgāsnānaṃ kathaṃ bhavet
||2||अशक्तानां च पंगूनामालस्योपहतात्मनाम् ॥
दूरदेशांतरस्थानां गंगास्नानं कथं भवेत्
dānaṃ vā'tha vrataṃvā'tha maṃtraḥstotrajapo'thavā ||
tīrthāṃtarābhiṣeko vā devatopāsanaṃ tu vā
||3||दानं वाऽथ व्रतंवाऽथ मंत्रःस्तोत्रजपोऽथवा ॥
तीर्थांतराभिषेको वा देवतोपासनं तु वा
yadyastikiṃcitṣaḍvaktra gaṃgāsnānaphalapradam ||
vidhānāṃtaramātreṇa tadvada praṇatāya me
||4||यद्यस्तिकिंचित्षड्वक्त्र गंगास्नानफलप्रदम् ॥
विधानांतरमात्रेण तद्वद प्रणताय मे
tvatto na vedaskaṃdānyo gaṃgāgarbha samudbhava ||
paraṃ svargataraṃgiṇyā mahimānaṃ mahāmate
||5||त्वत्तो न वेदस्कंदान्यो गंगागर्भ समुद्भव ॥
परं स्वर्गतरंगिण्या महिमानं महामते
skaṃda uvāca
saṃti puṇyajalānīha sarāṃsi sarito mune ||
sthāne sthāne ca tīrthāni jitātmādhyuṣitāni ca
||6||संति पुण्यजलानीह सरांसि सरितो मुने ॥
स्थाने स्थाने च तीर्थानि जितात्माध्युषितानि च
dṛṣṭapratyayakārīṇi mahāmahima bhāṃjyapi ||
paraṃ svargataraṃgiṇyāḥ koṭyaṃśopi na tatra vai
||7||दृष्टप्रत्ययकारीणि महामहिम भांज्यपि ॥
परं स्वर्गतरंगिण्याः कोट्यंशोपि न तत्र वै
anenaivānumānena buddhyasva kalaśodbhava ||
dadhre gaṃgottamāṃgena devadevena śaṃbhunā
||8||अनेनैवानुमानेन बुद्ध्यस्व कलशोद्भव ॥
दध्रे गंगोत्तमांगेन देवदेवेन शंभुना
snānakāle'nya tīrtheṣu japyate jāhnavī janaiḥ ||
vinā viṣṇupadīṃ kvānyatsamarthamaghamocane
||9||स्नानकालेऽन्य तीर्थेषु जप्यते जाह्नवी जनैः ॥
विना विष्णुपदीं क्वान्यत्समर्थमघमोचने
gaṃgāsnānaphalaṃ brahmangaṃgāyāmeva labhyate ||
yathā drākṣāphalasvādo drākṣāyāmeva nānyataḥ
||10||गंगास्नानफलं ब्रह्मन्गंगायामेव लभ्यते ॥
यथा द्राक्षाफलस्वादो द्राक्षायामेव नान्यतः
astyupāya iha tvekaḥ syādyenāvikalaṃ phalam ||
snānasya devasarito mahāguhyatamo mune
||11||अस्त्युपाय इह त्वेकः स्याद्येनाविकलं फलम् ॥
स्नानस्य देवसरितो महागुह्यतमो मुने
śivabhaktāya śāṃtāya viṣṇubhaktiparāya ca ||
śraddhālave tvāstikāya garbhavāsamupukṣave
||12||शिवभक्ताय शांताय विष्णुभक्तिपराय च ॥
श्रद्धालवे त्वास्तिकाय गर्भवासमुपुक्षवे
kathanīyaṃ na cānyasya kasyacitkenacitkvacit ||
idaṃ rahasyaṃ paramaṃ mahāpātakanāśanam
||13||कथनीयं न चान्यस्य कस्यचित्केनचित्क्वचित् ॥
इदं रहस्यं परमं महापातकनाशनम्
mahāśreyaskaraṃ puṇyaṃ manorathakaraṃ param ||
dyunadīprītijanakaṃ śivasaṃtoṣasaṃtati
||14||महाश्रेयस्करं पुण्यं मनोरथकरं परम् ॥
द्युनदीप्रीतिजनकं शिवसंतोषसंतति
nāmnāṃ sahasragaṃgāyāḥ stavarājeṣuśo bhanam ||
japyānāṃ paramaṃ japyaṃ vedopaniṣadāsamam
||15||नाम्नां सहस्रगंगायाः स्तवराजेषुशो भनम् ॥
जप्यानां परमं जप्यं वेदोपनिषदासमम्
japanīyaṃ prayannena mauninā vācakaṃ vinā ||
śucisthāneṣu śucinā suspaṣṭākṣarameva ca
||16||जपनीयं प्रयन्नेन मौनिना वाचकं विना ॥
शुचिस्थानेषु शुचिना सुस्पष्टाक्षरमेव च
skaṃda uvāca
oṃnamo gaṃgādevyai ||
oṃkārarūpiṇyajarā'tulā'namatā'mṛtasravā ||
atyudārā'bhayā'śokā'lakanaṃdā'mṛtā'malā
||17||ॐनमो गंगादेव्यै ॥
ॐकाररूपिण्यजराऽतुलाऽनमताऽमृतस्रवा ॥
अत्युदाराऽभयाऽशोकाऽलकनंदाऽमृताऽमला
anāthavatsalā'moghā'pāṃyoniramṛtapradā ||
avyaktalakṣaṇā'kṣobhyā 'navacchinnā'parājitā
||18||अनाथवत्सलाऽमोघाऽपांयोनिरमृतप्रदा ॥
अव्यक्तलक्षणाऽक्षोभ्या ऽनवच्छिन्नाऽपराजिता
anāthanāthā'bhīṣṭārthasiddhidā'naṃgavardhinī ||
aṇimādiguṇā'dhārāgragaṇyā'līkahāriṇī
||19||अनाथनाथाऽभीष्टार्थसिद्धिदाऽनंगवर्धिनी ॥
अणिमादिगुणाऽधाराग्रगण्याऽलीकहारिणी
aciṃtyaśaktiranaghā'dbhutarūpā'ghahāriṇī ||
adrirājasutā'ṣṭāṃgayogasiddhipradā'cyutā
||20||अचिंत्यशक्तिरनघाऽद्भुतरूपाऽघहारिणी ॥
अद्रिराजसुताऽष्टांगयोगसिद्धिप्रदाऽच्युता
akṣuṇṇaśaktirasudā'naṃtatīrthā'mṛtodakā ||
anaṃtamahimā'pārā'naṃtasaukhyapradā'nnadā
||21||अक्षुण्णशक्तिरसुदाऽनंततीर्थाऽमृतोदका ॥
अनंतमहिमाऽपाराऽनंतसौख्यप्रदाऽन्नदा
aśeṣadevatāmūrtiraghorā'mṛtarūpiṇī ||
avidyājālaśamanī hyapratarkyagatipradā
||22||अशेषदेवतामूर्तिरघोराऽमृतरूपिणी ॥
अविद्याजालशमनी ह्यप्रतर्क्यगतिप्रदा
aśeṣavighnasaṃhartrī tvaśeṣaguṇaguṃphitā ||
ajñānatimirajyotiranugrahaparāyaṇā
||23||अशेषविघ्नसंहर्त्री त्वशेषगुणगुंफिता ॥
अज्ञानतिमिरज्योतिरनुग्रहपरायणा
abhirāmā'navadyāṃgyanaṃtasārā'kalaṃkinī ||
ārogyadā''naṃdavallī tvāpannārtivināśinī
||24||अभिरामाऽनवद्यांग्यनंतसाराऽकलंकिनी ॥
आरोग्यदाऽऽनंदवल्ली त्वापन्नार्तिविनाशिनी
āścaryamūrtirāyuṣyā hyāḍhyā''dyā''prā''ryasevitā ||
āpyāyinyāptavidyā''khyātvānaṃdā''śvāsadāyinī
||25||आश्चर्यमूर्तिरायुष्या ह्याढ्याऽऽद्याऽऽप्राऽऽर्यसेविता ॥
आप्यायिन्याप्तविद्याऽऽख्यात्वानंदाऽऽश्वासदायिनी
ālasyaghnyāpadāṃ haṃtrī hyānaṃdāmṛtavarṣiṇī ||
irāvatīṣṭadātrīṣṭā tviṣṭāpūrtaphalapradā
||26||आलस्यघ्न्यापदां हंत्री ह्यानंदामृतवर्षिणी ॥
इरावतीष्टदात्रीष्टा त्विष्टापूर्तफलप्रदा
itihāsaśrutīḍyārthā tvihāmutraśubhapradā ||
ijyāśīlasamijyeṣṭhā tviṃdrādiparivaṃditā
||27||इतिहासश्रुतीड्यार्था त्विहामुत्रशुभप्रदा ॥
इज्याशीलसमिज्येष्ठा त्विंद्रादिपरिवंदिता
ilālaṃkāramāleddhā tviṃdirāramyamaṃdirā ||
idiṃdirādisaṃsevyā tvīśvarīśvaravallabhā
||28||इलालंकारमालेद्धा त्विंदिरारम्यमंदिरा ॥
इदिंदिरादिसंसेव्या त्वीश्वरीश्वरवल्लभा
ītibhītihareḍyā ca tvīḍanīya caritrabhṛt ||
utkṛṣṭaśaktirutkṛṣṭoḍupamaṃḍalacāriṇī
||29||ईतिभीतिहरेड्या च त्वीडनीय चरित्रभृत् ॥
उत्कृष्टशक्तिरुत्कृष्टोडुपमंडलचारिणी
uditāṃbaramārgosroragalokavihāriṇī ||
ukṣorvarotpalotkuṃbhā upeṃdracaraṇadravā
||30||उदितांबरमार्गोस्रोरगलोकविहारिणी ॥
उक्षोर्वरोत्पलोत्कुंभा उपेंद्रचरणद्रवा
udanvatpūrtihetuścodārotsāhapravardhinī ||
udvegaghnyuṣṇaśamanī uṣṇaraśmisutā priyā
||31||उदन्वत्पूर्तिहेतुश्चोदारोत्साहप्रवर्धिनी ॥
उद्वेगघ्न्युष्णशमनी उष्णरश्मिसुता प्रिया
utpatti sthiti saṃhārakāriṇyuparicāriṇī ||
ūrjaṃ vahaṃtyūrjadharorjāvatī cormimālinī
||32||उत्पत्ति स्थिति संहारकारिण्युपरिचारिणी ॥
ऊर्जं वहंत्यूर्जधरोर्जावती चोर्मिमालिनी
ūrdhvaretaḥpriyordhvādhvā hyūrmilordhvagatipradā ||
ṛṣivṛṃdastutarddhiśca ṛṇatrayavināśinī
||33||ऊर्ध्वरेतःप्रियोर्ध्वाध्वा ह्यूर्मिलोर्ध्वगतिप्रदा ॥
ऋषिवृंदस्तुतर्द्धिश्च ऋणत्रयविनाशिनी
ṛtaṃbhararddhidātrī ca ṛksvarūpā ṛjupriyā ||
ṛkṣamārgavaharkṣārcirṛjumārgapradarśinī
||34||ऋतंभरर्द्धिदात्री च ऋक्स्वरूपा ऋजुप्रिया ॥
ऋक्षमार्गवहर्क्षार्चिर्ऋजुमार्गप्रदर्शिनी
edhitā'khiladharmārthātvekaikāmṛtadāyinī ||
edhanīyasvabhāvaijyā tvejitā śeṣapātakā
||35||एधिताऽखिलधर्मार्थात्वेकैकामृतदायिनी ॥
एधनीयस्वभावैज्या त्वेजिता शेषपातका
aiśvaryadaiśvaryarūpā hyaitihyaṃ hyaiṃdavī dyutiḥ ||
ojasvinyoṣadhīkṣetramojodaudanadāyinī
||36||ऐश्वर्यदैश्वर्यरूपा ह्यैतिह्यं ह्यैंदवी द्युतिः ॥
ओजस्विन्योषधीक्षेत्रमोजोदौदनदायिनी
oṣṭhāmṛtaunnatyadātrī tvauṣadhaṃ bhavarogiṇām ||
audāryacaṃcuraupeṃdrī tvaugrīhyaumeyarūpiṇī
||37||ओष्ठामृतौन्नत्यदात्री त्वौषधं भवरोगिणाम् ॥
औदार्यचंचुरौपेंद्री त्वौग्रीह्यौमेयरूपिणी
aṃbarādhvavahāṃ'vaṣṭhāṃ varamālāṃbujekṣaṇā ||
aṃbikāṃbumahāyoniraṃdhodāṃdhakahāriṇī
||38||अंबराध्ववहांऽवष्ठां वरमालांबुजेक्षणा ॥
अंबिकांबुमहायोनिरंधोदांधकहारिणी
aṃśumālāhyaṃśumatī tvaṃgīkṛtaṣaḍānanā ||
aṃdhatāmisrahaṃtryaṃdhuraṃ janāhyaṃjanāvatī
||39||अंशुमालाह्यंशुमती त्वंगीकृतषडानना ॥
अंधतामिस्रहंत्र्यंधुरं जनाह्यंजनावती
kalyāṇakāriṇī kāmyā kamalotpalagaṃdhinī ||
kumudvatī kamalinī kāṃtiḥ kalpitadāyinī
||40||कल्याणकारिणी काम्या कमलोत्पलगंधिनी ॥
कुमुद्वती कमलिनी कांतिः कल्पितदायिनी
kāṃcanākṣī kāmadhenuḥ kīrtikṛtkleśanāśinī ||
kratuśreṣṭhā kratuphalā karmabaṃdhavibhedinī
||41||कांचनाक्षी कामधेनुः कीर्तिकृत्क्लेशनाशिनी ॥
क्रतुश्रेष्ठा क्रतुफला कर्मबंधविभेदिनी
kamalākṣī klamaharā kṛśānutapanadyutiḥ ||
karuṇārdrā ca kalyāṇī kalikalmaṣanāśinī ||
kāmarūpākriyāśaktiḥ kamalotpalamālinī ||
kūṭasthā karuṇākāṃtā karmayānā kalāvatī
||43||कमलाक्षी क्लमहरा कृशानुतपनद्युतिः ॥
करुणार्द्रा च कल्याणी कलिकल्मषनाशिनी ॥
कामरूपाक्रियाशक्तिः कमलोत्पलमालिनी ॥
कूटस्था करुणाकांता कर्मयाना कलावती
kamalākalpalatikā kālīkaluṣavairiṇī ||
kamanīyajalākamrā kapardisukapardagā
||44||कमलाकल्पलतिका कालीकलुषवैरिणी ॥
कमनीयजलाकम्रा कपर्दिसुकपर्दगा
kālakṛṭapraśamanī kadaṃbakusumapriyā ||
kāliṃdī kelilalitā kalakallolamālikā
||45||कालकृटप्रशमनी कदंबकुसुमप्रिया ॥
कालिंदी केलिललिता कलकल्लोलमालिका
krāṃtalokatrayākaṃḍūḥ kaṃḍūtanayavatsalā ||
khaḍginī khaḍgadhārābhā khagā khaṃḍeṃdudhāriṇī
||46||क्रांतलोकत्रयाकंडूः कंडूतनयवत्सला ॥
खड्गिनी खड्गधाराभा खगा खंडेंदुधारिणी
khekhelagāminī khasthā khaṃḍeṃdutilakapriyā ||
khecarīkhecarīvaṃdyā khyātiḥ khyātipradāyinī
||47||खेखेलगामिनी खस्था खंडेंदुतिलकप्रिया ॥
खेचरीखेचरीवंद्या ख्यातिः ख्यातिप्रदायिनी
khaṃḍitapraṇatāghaughā khalabuddhivināśinī ||
khātainaḥ kaṃdasaṃdohā khaḍgakhaṭvāṃga(?) kheṭinī
||48||खंडितप्रणताघौघा खलबुद्धिविनाशिनी ॥
खातैनः कंदसंदोहा खड्गखट्वांग(?) खेटिनी
kharasaṃtāpaśamanī khaniḥ pīyūṣapāthasām ||
gaṃgā gaṃdhavatī gaurī gaṃdharvanagarapriyā
||49||खरसंतापशमनी खनिः पीयूषपाथसाम् ॥
गंगा गंधवती गौरी गंधर्वनगरप्रिया
gaṃbhīrāṃgī guṇamayī gatātaṃkā gatipriyā ||
gaṇanāthāṃbikā gītā gadyapadyapariṣṭutā
||50||गंभीरांगी गुणमयी गतातंका गतिप्रिया ॥
गणनाथांबिका गीता गद्यपद्यपरिष्टुता
gāṃdhārī garbhaśamanī gatibhraṣṭagatipradā ||
gomatī guhyavidyāgaurgoptrī gaganagāminī
||51||गांधारी गर्भशमनी गतिभ्रष्टगतिप्रदा ॥
गोमती गुह्यविद्यागौर्गोप्त्री गगनगामिनी
gotrapravardhinī guṇyā guṇātītā guṇāgraṇīḥ ||
guhāṃbikā girisutā goviṃdāṃghrisamudbhavā
||52||गोत्रप्रवर्धिनी गुण्या गुणातीता गुणाग्रणीः ॥
गुहांबिका गिरिसुता गोविंदांघ्रिसमुद्भवा
guṇanīyacaritrā ca gāyatrī giriśapriyā ||
gūḍharūpā guṇavatī gurvī gauravavardhinī
||53||गुणनीयचरित्रा च गायत्री गिरिशप्रिया ॥
गूढरूपा गुणवती गुर्वी गौरववर्धिनी
grahapīḍāharā guṃdrā garaghnī gānavatsalā ||
gharmahaṃtrī ghṛtavatī ghṛtatuṣṭipradāyinī
||54||ग्रहपीडाहरा गुंद्रा गरघ्नी गानवत्सला ॥
घर्महंत्री घृतवती घृततुष्टिप्रदायिनी
ghaṃṭāravapriyā ghorā'ghaughavidhvaṃsakāriṇī ||
ghrāṇatuṣṭikarī ghoṣā ghanānaṃdā ghanapriyā
||55||घंटारवप्रिया घोराऽघौघविध्वंसकारिणी ॥
घ्राणतुष्टिकरी घोषा घनानंदा घनप्रिया
ghātukā ghṛrṇitajalā ghṛṣṭapātakasaṃtatiḥ ||
ghaṭakoṭiprapītāpā ghaṭitāśeṣamaṃgalā
||56||घातुका घृर्णितजला घृष्टपातकसंततिः ॥
घटकोटिप्रपीतापा घटिताशेषमंगला
ghṛṇāvatī ghṛṇanidhirghasmarā ghūkanādinī ||
ghusṛṇā piṃjaratanurghargharā ghargharasvanā
||57||घृणावती घृणनिधिर्घस्मरा घूकनादिनी ॥
घुसृणा पिंजरतनुर्घर्घरा घर्घरस्वना
caṃdrikā caṃdrakāṃtāṃbuścaṃcadāpā caladyutiḥ ||
cinmayī citirūpā ca caṃdrāyutaśanānanā
||58||चंद्रिका चंद्रकांतांबुश्चंचदापा चलद्युतिः ॥
चिन्मयी चितिरूपा च चंद्रायुतशनानना
cāṃpeyalocanā cāruścārvaṃgī cārugāminī ||
cāryā cāritranilayā citrakṛccitrarūpiṇī
||59||चांपेयलोचना चारुश्चार्वंगी चारुगामिनी ॥
चार्या चारित्रनिलया चित्रकृच्चित्ररूपिणी
caṃpaścaṃdanaśucyaṃbuścarcanīyā cirasthirā ||
cārucaṃpakamālāḍhyā camitāśeṣa duṣkutā
||60||चंपश्चंदनशुच्यंबुश्चर्चनीया चिरस्थिरा ॥
चारुचंपकमालाढ्या चमिताशेष दुष्कुता
cidākāśavahāciṃtyā caṃcaccāmaravījitā ||
coritāśeṣavṛjinā caritāśeṣamaṃḍalā
||61||चिदाकाशवहाचिंत्या चंचच्चामरवीजिता ॥
चोरिताशेषवृजिना चरिताशेषमंडला
cheditākhilapāpaughā chadmaghnī chalahāriṇī ||
channatriviṣṭapa talā choṭitāśeṣabaṃdhanā
||62||छेदिताखिलपापौघा छद्मघ्नी छलहारिणी ॥
छन्नत्रिविष्टप तला छोटिताशेषबंधना
churitāmṛtadhāraughā chinnaināśchaṃdagāminī ||
chatrīkṛtamarālaughā chaṭīkṛtanijāmṛtā
||63||छुरितामृतधारौघा छिन्नैनाश्छंदगामिनी ॥
छत्रीकृतमरालौघा छटीकृतनिजामृता
jāhnavī jyā jaganmātā japyā jaṃghālavīcikā ||
jayā janārdanaprītā juṣaṇīyā jagaddhitā
||64||जाह्नवी ज्या जगन्माता जप्या जंघालवीचिका ॥
जया जनार्दनप्रीता जुषणीया जगद्धिता
jīvanaṃ jīvanaprāṇā jagajjyeṣṭhā jaganmayī ||
jīvajīvātulatikā janmijanmanibarhiṇī
||65||जीवनं जीवनप्राणा जगज्ज्येष्ठा जगन्मयी ॥
जीवजीवातुलतिका जन्मिजन्मनिबर्हिणी
jāḍyavidhvaṃsanakarī jagadyonirjalāvilā ||
jagadānaṃdajananī jalajā jalajekṣaṇā
||66||जाड्यविध्वंसनकरी जगद्योनिर्जलाविला ॥
जगदानंदजननी जलजा जलजेक्षणा
janalocanapīyūṣā jaṭātaṭavihāriṇī ||
jayaṃtī jaṃjapūkaghnī janitajñānavigrahā
||67||जनलोचनपीयूषा जटातटविहारिणी ॥
जयंती जंजपूकघ्नी जनितज्ञानविग्रहा
jhallarī vādyakuśalā jhalajjhālajalāvṛtā ||
jhiṃṭīśavaṃdyā jhāṃkārakāriṇī jharjharāvatī
||68||झल्लरी वाद्यकुशला झलज्झालजलावृता ॥
झिंटीशवंद्या झांकारकारिणी झर्झरावती
ṭīkitāśeṣapātālā ṭaṃkikainodripāṭane ||
ṭaṃkāranṛtyatkallolā ṭīkanīyamahātaṭā
||69||टीकिताशेषपाताला टंकिकैनोद्रिपाटने ॥
टंकारनृत्यत्कल्लोला टीकनीयमहातटा
ḍaṃbarapravahāḍīna rājahaṃsakulākulā ||
ḍamaḍḍamaruhastā ca ḍāmarokta mahāṃḍakā
||70||डंबरप्रवहाडीन राजहंसकुलाकुला ॥
डमड्डमरुहस्ता च डामरोक्त महांडका
ḍhaukitāśeṣanirvāṇā ḍhakkānādacalajjalā ||
ḍhuṃḍhivighneśajananī ḍhaṇaḍḍhuṇitapātakā
||71||ढौकिताशेषनिर्वाणा ढक्कानादचलज्जला ॥
ढुंढिविघ्नेशजननी ढणड्ढुणितपातका
tarpaṇītīrthatīrthā ca tripathā tridaśeśvarī ||
trilokagoptrī toyeśī trailokyaparivaṃditā
||72||तर्पणीतीर्थतीर्था च त्रिपथा त्रिदशेश्वरी ॥
त्रिलोकगोप्त्री तोयेशी त्रैलोक्यपरिवंदिता
tāpatritayasaṃhartrī tejobalavivardhinī ||
trilakṣyā tāraṇī tārā tārāpatikarārcitā
||73||तापत्रितयसंहर्त्री तेजोबलविवर्धिनी ॥
त्रिलक्ष्या तारणी तारा तारापतिकरार्चिता
trailokyapāvanī puṇyā tuṣṭidā tuṣṭirūpiṇī ||
tṛṣṇāchettrī tīrthamātā ttrivikramapadodbhavā
||74||त्रैलोक्यपावनी पुण्या तुष्टिदा तुष्टिरूपिणी ॥
तृष्णाछेत्त्री तीर्थमाता त्त्रिविक्रमपदोद्भवा
tapomayī taporūpā tapaḥstoma phalapradā ||
trailokyavyāpinī tṛptistṛptikṛttattvarūpiṇī
||75||तपोमयी तपोरूपा तपःस्तोम फलप्रदा ॥
त्रैलोक्यव्यापिनी तृप्तिस्तृप्तिकृत्तत्त्वरूपिणी
trailokyasuṃdarī turyā turyātītapadapradā ||
trailokyalakṣmīstripadī tathyātimiracaṃdrikā
||76||त्रैलोक्यसुंदरी तुर्या तुर्यातीतपदप्रदा ॥
त्रैलोक्यलक्ष्मीस्त्रिपदी तथ्यातिमिरचंद्रिका
tejogarbhā tapaḥsārā tripurāri śirogṛhā ||
trayīsvarūpiṇī tanvī tapanāṃgajabhītinut
||77||तेजोगर्भा तपःसारा त्रिपुरारि शिरोगृहा ॥
त्रयीस्वरूपिणी तन्वी तपनांगजभीतिनुत्
taristaraṇijāmitraṃ tarpitāśeṣapūrvajā ||
tulāvirahitā tīvrapāpatūlatanūnapāt
||78||तरिस्तरणिजामित्रं तर्पिताशेषपूर्वजा ॥
तुलाविरहिता तीव्रपापतूलतनूनपात्
dāridryadamanī dakṣā duṣprekṣā divyamaṃḍanā ||
dīkṣāvatīdurāvāpyā drākṣāmadhuravāribhṛt
||79||दारिद्र्यदमनी दक्षा दुष्प्रेक्षा दिव्यमंडना ॥
दीक्षावतीदुरावाप्या द्राक्षामधुरवारिभृत्
darśitānekakutukā duṣṭadurjayaduḥkhahṛt ||
dainyahṛdduritaghnī ca dānavāri padābjajā
||80||दर्शितानेककुतुका दुष्टदुर्जयदुःखहृत् ॥
दैन्यहृद्दुरितघ्नी च दानवारि पदाब्जजा
daṃdaśūkaviṣaghrī ca dāritāghaughasaṃtatiḥ ||
drutādeva drumacchannā durvārāghavighātinī
||81||दंदशूकविषघ्री च दारिताघौघसंततिः ॥
द्रुतादेव द्रुमच्छन्ना दुर्वाराघविघातिनी
damagrāhyā devamātā devalokapradarśinī ||
devadevapriyādevī dikpālapadadāyinī
||82||दमग्राह्या देवमाता देवलोकप्रदर्शिनी ॥
देवदेवप्रियादेवी दिक्पालपददायिनी
dīrghāyuḥkāriṇī dīrghā dogdhrī dūṣaṇavarjitā ||
dugdhāṃbuvāhinī dohyā divyā divyagatipradā
||83||दीर्घायुःकारिणी दीर्घा दोग्ध्री दूषणवर्जिता ॥
दुग्धांबुवाहिनी दोह्या दिव्या दिव्यगतिप्रदा
dyunadī dīnaśaraṇaṃ dehidehanivāriṇī ||
drāghīyasī dāghahaṃtrī ditapātakasaṃtatiḥ
||84||द्युनदी दीनशरणं देहिदेहनिवारिणी ॥
द्राघीयसी दाघहंत्री दितपातकसंततिः
dūradeśāṃtaracarī durgamā devavallabhā ||
durvṛttaghnī durvigāhyā dayādhārā dayāvatī
||85||दूरदेशांतरचरी दुर्गमा देववल्लभा ॥
दुर्वृत्तघ्नी दुर्विगाह्या दयाधारा दयावती
durāsadā dānaśīlā drāviṇī druhiṇastutā ||
daityadānavasaṃśuddhikartrī durbuddhihāriṇī
||86||दुरासदा दानशीला द्राविणी द्रुहिणस्तुता ॥
दैत्यदानवसंशुद्धिकर्त्री दुर्बुद्धिहारिणी
dānasārā dayāsārā dyāvābhūmivigāhinī ||
dṛṣṭādṛṣṭaphalaprāptirdevatāvṛṃdavaṃditā
||87||दानसारा दयासारा द्यावाभूमिविगाहिनी ॥
दृष्टादृष्टफलप्राप्तिर्देवतावृंदवंदिता
dīrghavratā dīrghadṛṣṭirdīptatoyā durālabhā ||
daṃḍayitrī daṃḍanītirduṣṭadaṃḍadharārcitā
||88||दीर्घव्रता दीर्घदृष्टिर्दीप्ततोया दुरालभा ॥
दंडयित्री दंडनीतिर्दुष्टदंडधरार्चिता
durodaraghnī dāvārcirdravadravyaikaśevadhiḥ ||
dīnasaṃtāpaśamanī dātrī davathuvairiṇī
||89||दुरोदरघ्नी दावार्चिर्द्रवद्रव्यैकशेवधिः ॥
दीनसंतापशमनी दात्री दवथुवैरिणी
darīvidāraṇaparā dāṃtā dāṃtajanapriyā ||
dāritādritaṭā durgā durgāraṇyapracāriṇī
||90||दरीविदारणपरा दांता दांतजनप्रिया ॥
दारिताद्रितटा दुर्गा दुर्गारण्यप्रचारिणी
dharmadravā dharmadhurā dhenurdhīrā dhṛtirdhruvā ||
dhenudānaphalasparśā dharmakāmārthamokṣadā
||91||धर्मद्रवा धर्मधुरा धेनुर्धीरा धृतिर्ध्रुवा ॥
धेनुदानफलस्पर्शा धर्मकामार्थमोक्षदा
dharmormivāhinī dhuryā dhātrī dhātrīvibhūṣaṇam ||
dharmiṇī dharmaśīlā ca dhanvikoṭikṛtāvanā
||92||धर्मोर्मिवाहिनी धुर्या धात्री धात्रीविभूषणम् ॥
धर्मिणी धर्मशीला च धन्विकोटिकृतावना
dhyātṛpāpaharā dhyeyā dhāvanī dhūtakalmaṣā ||
dharmadhārā dharmasārā dhanadā dhanavardhinī
||93||ध्यातृपापहरा ध्येया धावनी धूतकल्मषा ॥
धर्मधारा धर्मसारा धनदा धनवर्धिनी
dharmādharmaguṇacchettrī dhattūrakusumapriyā ||
dharmeśī dharmaśāstrajñā dhanadhānyasamṛddhikṛt
||94||धर्माधर्मगुणच्छेत्त्री धत्तूरकुसुमप्रिया ॥
धर्मेशी धर्मशास्त्रज्ञा धनधान्यसमृद्धिकृत्
dharmalabhyā dharmajalā dharmaprasavadharmiṇī ||
dhyānagamyasvarūpā ca dharaṇī dhātṛpūjitā
||95||धर्मलभ्या धर्मजला धर्मप्रसवधर्मिणी ॥
ध्यानगम्यस्वरूपा च धरणी धातृपूजिता
? dhūrdhūrjaṭijaṭāsaṃsthā dhanyā dhīrdhāraṇāvatī ||
naṃdā nirvāṇajananī naṃdinī nunnapātakā
||96||? धूर्धूर्जटिजटासंस्था धन्या धीर्धारणावती ॥
नंदा निर्वाणजननी नंदिनी नुन्नपातका
niṣiddhavighnanicayā nijānaṃdaprakāśinī ||
nabhoṃgaṇacarī nūtirnamyā nārāyaṇīnutā
||97||निषिद्धविघ्ननिचया निजानंदप्रकाशिनी ॥
नभोंगणचरी नूतिर्नम्या नारायणीनुता
nirmalā nirmalākhyānā nāśinītāpasaṃpadām ||
niyatā nityasukhadā nānāścaryamahānidhiḥ
||98||निर्मला निर्मलाख्याना नाशिनीतापसंपदाम् ॥
नियता नित्यसुखदा नानाश्चर्यमहानिधिः
nadīnadasaromātā nāyikā nākadīrghikā ||
naṣṭoddharaṇadhīrā ca naṃdanānaṃdadāyinī
||99||नदीनदसरोमाता नायिका नाकदीर्घिका ॥
नष्टोद्धरणधीरा च नंदनानंददायिनी
nirṇiktāśeṣabhuvanā niḥsaṃgā nirupadravā ||
nirālaṃbā niṣprapaṃcā nirṇāśitamahāmalā
||100||निर्णिक्ताशेषभुवना निःसंगा निरुपद्रवा ॥
निरालंबा निष्प्रपंचा निर्णाशितमहामला
nirmalajñānajananī niḥśeṣaprāṇitāpahṛt ||
nityotsavā nityatṛptā namaskāryā niraṃjanā
||1||निर्मलज्ञानजननी निःशेषप्राणितापहृत् ॥
नित्योत्सवा नित्यतृप्ता नमस्कार्या निरंजना
niṣṭhāvatī nirātaṃkā nirlepā niścalātmikā ||
niravadyā nirīhā ca nīlalohitamūrdhagā
||2||निष्ठावती निरातंका निर्लेपा निश्चलात्मिका ॥
निरवद्या निरीहा च नीललोहितमूर्धगा
naṃdibhṛṃgigaṇastutyā nāgānaṃdā nagātmajā ||
niṣpratyūhā nākanadī nirayārṇavadīrghanauḥ
||3||नंदिभृंगिगणस्तुत्या नागानंदा नगात्मजा ॥
निष्प्रत्यूहा नाकनदी निरयार्णवदीर्घनौः
puṇyapradā puṇyagarbhā puṇyā puṇyataraṃgiṇī ||
pṛthuḥ pṛthuphalā pūrṇā praṇatārtiprabhaṃjinī
||4||पुण्यप्रदा पुण्यगर्भा पुण्या पुण्यतरंगिणी ॥
पृथुः पृथुफला पूर्णा प्रणतार्तिप्रभंजिनी
prāṇadā prāṇijananī prāṇeśī prāṇarūpiṇī ||
padmālayā parāśaktiḥ purajitparamapriyā
||5||प्राणदा प्राणिजननी प्राणेशी प्राणरूपिणी ॥
पद्मालया पराशक्तिः पुरजित्परमप्रिया
parāparaphalaprāptiḥ pāvanī ca payasvinī ||
parānaṃdā prakṛṣṭārthā pratiṣṭhāpālanī parā
||6||परापरफलप्राप्तिः पावनी च पयस्विनी ॥
परानंदा प्रकृष्टार्था प्रतिष्ठापालनी परा
purāṇapaṭhitā prītā praṇavākṣararūpiṇī ||
pārvatīpremasaṃpannā paśupāśavimocanī
||7||पुराणपठिता प्रीता प्रणवाक्षररूपिणी ॥
पार्वतीप्रेमसंपन्ना पशुपाशविमोचनी
paramātmasvarūpā ca parabrahmaprakāśinī ||
paramānaṃdaniṣpaṃdā prāyaścittasvarūpiṇī
||8||परमात्मस्वरूपा च परब्रह्मप्रकाशिनी ॥
परमानंदनिष्पंदा प्रायश्चित्तस्वरूपिणी
pānīyarūpanirvāṇā paritrāṇaparāyaṇā ||
pāpeṃdhanadavajvālā pāpāriḥ pāpanāmanut
||9||पानीयरूपनिर्वाणा परित्राणपरायणा ॥
पापेंधनदवज्वाला पापारिः पापनामनुत्
paramaiśvaryajananī prajñā prājñā parāparā ||
pratyakṣalakṣmīḥ padmākṣī paravyomāmṛtasravā
||110||परमैश्वर्यजननी प्रज्ञा प्राज्ञा परापरा ॥
प्रत्यक्षलक्ष्मीः पद्माक्षी परव्योमामृतस्रवा
prasannarūpā praṇidhiḥ pūtā pratyakṣadevatā ||
pinākiparamaprītā pagmeṣṭhikamaṃḍaluḥ
||11||प्रसन्नरूपा प्रणिधिः पूता प्रत्यक्षदेवता ॥
पिनाकिपरमप्रीता पग्मेष्ठिकमंडलुः
padmanābhapadārghyeṇa prasūtā padmamālinī ||
pararddhidā puṣṭikarī pathyā pūrtiḥ prabhāvatī
||12||पद्मनाभपदार्घ्येण प्रसूता पद्ममालिनी ॥
परर्द्धिदा पुष्टिकरी पथ्या पूर्तिः प्रभावती
punānā pītagarbhaghnī pāpaparvatanāśinī ||
phalinī phalahastā ca phullāṃbujavilocanā
||13||पुनाना पीतगर्भघ्नी पापपर्वतनाशिनी ॥
फलिनी फलहस्ता च फुल्लांबुजविलोचना
phālitainomahākṣetrā phaṇilokavibhūṣaṇam ||
phenacchalapraṇunnaināḥ phullakairavagaṃdhinī
||14||फालितैनोमहाक्षेत्रा फणिलोकविभूषणम् ॥
फेनच्छलप्रणुन्नैनाः फुल्लकैरवगंधिनी
phenilācchāṃbudhārābhā phuḍuccāṭitapātakā ||
phāṇitasvādusalilā phāṃṭapathyajalāvilā
||15||फेनिलाच्छांबुधाराभा फुडुच्चाटितपातका ॥
फाणितस्वादुसलिला फांटपथ्यजलाविला
viśvamātā ca viśveśī viśvā viśveśvarapriyā ||
brahmaṇyā brahmakṛdbrāhmī brahmiṣṭhā vimalodakā
||16||विश्वमाता च विश्वेशी विश्वा विश्वेश्वरप्रिया ॥
ब्रह्मण्या ब्रह्मकृद्ब्राह्मी ब्रह्मिष्ठा विमलोदका
vibhāvarī ca virajā vikrāṃtānekaviṣṭapā ||
viśvamitraṃ viṣṇupadī vaiṣṇavī vaiṣṇavapriyā
||17||विभावरी च विरजा विक्रांतानेकविष्टपा ॥
विश्वमित्रं विष्णुपदी वैष्णवी वैष्णवप्रिया
virūpākṣapriyakarī vibhūtirviśvatomukhī ||
vipāśā vaibudhī vedyā vedākṣararasasravā
||18||विरूपाक्षप्रियकरी विभूतिर्विश्वतोमुखी ॥
विपाशा वैबुधी वेद्या वेदाक्षररसस्रवा
vidyāvegavatī vaṃdyā bṛṃhaṇī brahmavādinī ||
varadā viprakṛṣṭā ca variṣṭhā ca viśodhanī
||19||विद्यावेगवती वंद्या बृंहणी ब्रह्मवादिनी ॥
वरदा विप्रकृष्टा च वरिष्ठा च विशोधनी
vidyādharī viśokā ca vayovṛṃdaniṣevitā ||
bahūdakā balavatī vyomasthā vibudhapriyā
||120||विद्याधरी विशोका च वयोवृंदनिषेविता ॥
बहूदका बलवती व्योमस्था विबुधप्रिया
vāṇī vedavatī vittā brahmavidyātaraṃgiṇī ||
brahmāṃḍakoṭivyāptāṃburbrahmahatyāpahāriṇī
||21||वाणी वेदवती वित्ता ब्रह्मविद्यातरंगिणी ॥
ब्रह्मांडकोटिव्याप्तांबुर्ब्रह्महत्यापहारिणी
brahmeśaviṣṇurūpā ca buddhirvibhavavardhinī ||
vilāsisukhadā vaiśyā vyāpinī ca vṛṣāraṇiḥ
||22||ब्रह्मेशविष्णुरूपा च बुद्धिर्विभववर्धिनी ॥
विलासिसुखदा वैश्या व्यापिनी च वृषारणिः
vṛṣāṃkamaulinilayā vipannārtiprabhaṃjinī ||
vinītā vinatā bradhnatanayā vinayānvitā
||23||वृषांकमौलिनिलया विपन्नार्तिप्रभंजिनी ॥
विनीता विनता ब्रध्नतनया विनयान्विता
vipaṃcīvādyakuśalā veṇuśrutivicakṣaṇā ||
varcaskarī balakarī valonmūlitakalmaṣā
||24||विपंचीवाद्यकुशला वेणुश्रुतिविचक्षणा ॥
वर्चस्करी बलकरी वलोन्मूलितकल्मषा
vipāpmā vigatātaṃkā vikalpaparivarjitā ||
vṛṣṭikartrī vṛṣṭijalā vidhirvicchinnabaṃdhanā
||25||विपाप्मा विगतातंका विकल्पपरिवर्जिता ॥
वृष्टिकर्त्री वृष्टिजला विधिर्विच्छिन्नबंधना
vratarūpā vittarūpā bahuvighnavināśakṛt ||
vasudhārā vasumatī vicitrāṃgī vibhāvasuḥ
||26||व्रतरूपा वित्तरूपा बहुविघ्नविनाशकृत् ॥
वसुधारा वसुमती विचित्रांगी विभावसुः
vijayā viśvabījaṃ ca vāmadevī varapradā ||
vṛṣāśritā viṣaghnī ca vijñānormyaṃśumālinī
||27||विजया विश्वबीजं च वामदेवी वरप्रदा ॥
वृषाश्रिता विषघ्नी च विज्ञानोर्म्यंशुमालिनी
bhavyā bhogavatī bhadrā bhavānī bhūtabhāvinī ||
bhūtadhātrī bhayaharā bhaktadāridryaghātinī
||28||भव्या भोगवती भद्रा भवानी भूतभाविनी ॥
भूतधात्री भयहरा भक्तदारिद्र्यघातिनी
bhuktimuktipradābheśī bhaktasvargāpavargadā ||
bhāgīrathī bhānumatī bhāgyabhogavatī bhṛtiḥ
||29||भुक्तिमुक्तिप्रदाभेशी भक्तस्वर्गापवर्गदा ॥
भागीरथी भानुमती भाग्यभोगवती भृतिः
bhavapriyā bhavadveṣṭī bhūtidā bhūtibhūṣaṇā ||
bhālalocanabhāvajñā bhūtabhavyabhavatprabhuḥ
||130||भवप्रिया भवद्वेष्टी भूतिदा भूतिभूषणा ॥
भाललोचनभावज्ञा भूतभव्यभवत्प्रभुः
bhrāṃtijñānapraśamanī bhinnabrahmāṃḍamaṃḍapā ||
bhūridā bhaktisulabhā bhāgyavaddṛṣṭigocarī
||31||भ्रांतिज्ञानप्रशमनी भिन्नब्रह्मांडमंडपा ॥
भूरिदा भक्तिसुलभा भाग्यवद्दृष्टिगोचरी
bhaṃjitopaplavakulā bhakṣyabhojyasukhapradā ||
bhikṣaṇīyā bhikṣumātā bhāvābhāvasvarūpiṇī
||32||भंजितोपप्लवकुला भक्ष्यभोज्यसुखप्रदा ॥
भिक्षणीया भिक्षुमाता भावाभावस्वरूपिणी
maṃdākinī mahānaṃdā mātā muktitaṃragiṇī ||
mahodayā madhumatī mahāpuṇyā mudākarī
||33||मंदाकिनी महानंदा माता मुक्तितंरगिणी ॥
महोदया मधुमती महापुण्या मुदाकरी
munistutā mohahaṃtrī mahātīrthā madhusravā ||
mādhavī māninī mānyā manorathapathātigā
||34||मुनिस्तुता मोहहंत्री महातीर्था मधुस्रवा ॥
माधवी मानिनी मान्या मनोरथपथातिगा
mokṣadā matidā mukhyā mahābhāgyajanāśritā ||
mahāvegavatīmedhyā mahāmahimabhūṣaṇā
||35||मोक्षदा मतिदा मुख्या महाभाग्यजनाश्रिता ॥
महावेगवतीमेध्या महामहिमभूषणा
mahāprabhāvā mahatī mīnacaṃcalalocanā ||
mahākāruṇyasaṃpūrṇā maharddhiśca mahotpalā
||36||महाप्रभावा महती मीनचंचललोचना ॥
महाकारुण्यसंपूर्णा महर्द्धिश्च महोत्पला
mūrtimanmuktiramaṇī maṇimāṇikyabhūṣaṇā ||
muktākalāpanepathyā manonayananaṃdinī
||37||मूर्तिमन्मुक्तिरमणी मणिमाणिक्यभूषणा ॥
मुक्ताकलापनेपथ्या मनोनयननंदिनी
mahāpātakarāśighnī mahādevārdhahāriṇī ||
mahormimālinī muktā mahādevī manonmanī
||38||महापातकराशिघ्नी महादेवार्धहारिणी ॥
महोर्मिमालिनी मुक्ता महादेवी मनोन्मनी
mahāpuṇyodayaprāpyā māyātimiracaṃdrikā ||
mahāvidyā mahāmāyā mahāmedhā mahauṣadham
||39||महापुण्योदयप्राप्या मायातिमिरचंद्रिका ॥
महाविद्या महामाया महामेधा महौषधम्
mālādharī mahopāyā mahoragavibhūṣaṇā ||
mahāmohapraśamanī mahāmaṃgalamaṃgalam
||140||मालाधरी महोपाया महोरगविभूषणा ॥
महामोहप्रशमनी महामंगलमंगलम्
mārtaṃḍamaṃḍalacarī mahālakṣmīrmadojjhitā ||
yaśasvinī yaśodā ca yogyā yuktātmasevitā
||41||मार्तंडमंडलचरी महालक्ष्मीर्मदोज्झिता ॥
यशस्विनी यशोदा च योग्या युक्तात्मसेविता
yogasiddhipradā yājyā yajñeśaparipūritā ||
yajñeśī yajñaphaladā yajanīyā yaśaskarī
||42||योगसिद्धिप्रदा याज्या यज्ञेशपरिपूरिता ॥
यज्ञेशी यज्ञफलदा यजनीया यशस्करी
yamisevyā yogayoniryoginī yuktabuddhidā ||
yogajñānapradā yuktā yamādyaṣṭāṃgayogayuk
||43||यमिसेव्या योगयोनिर्योगिनी युक्तबुद्धिदा ॥
योगज्ञानप्रदा युक्ता यमाद्यष्टांगयोगयुक्
yaṃtritāghaughasaṃcārā yamalokanivāriṇī ||
yātāyātapraśamanī yātanānāmakṛṃtanī
||44||यंत्रिताघौघसंचारा यमलोकनिवारिणी ॥
यातायातप्रशमनी यातनानामकृंतनी
yāminīśahimācchodā yugadharmavivarjitā ||
revatīratikṛdramyā ratnagarbhā ramā ratiḥ
||45||यामिनीशहिमाच्छोदा युगधर्मविवर्जिता ॥
रेवतीरतिकृद्रम्या रत्नगर्भा रमा रतिः
ratnākarapremapātraṃ rasajñā rasarūpiṇī ||
ratnaprāsādagarbhā ca ramaṇīyataraṃgiṇī
||46||रत्नाकरप्रेमपात्रं रसज्ञा रसरूपिणी ॥
रत्नप्रासादगर्भा च रमणीयतरंगिणी
ratnārcī rudraramaṇī rāgadveṣavināśinī ||
ramā rāmā ramyarūpā rogijīvāturūpiṇī
||47||रत्नार्ची रुद्ररमणी रागद्वेषविनाशिनी ॥
रमा रामा रम्यरूपा रोगिजीवातुरूपिणी
rucikṛdrocanī ramyā rucirā rogahāriṇī ||
rājahaṃsā ratnavatī rājatkallolarājikā
||48||रुचिकृद्रोचनी रम्या रुचिरा रोगहारिणी ॥
राजहंसा रत्नवती राजत्कल्लोलराजिका
rāmaṇīyakarekhā ca rujārī rogaroṣiṇī ||
rākāraṃkārtiśamanī ramyā rolaṃbarāviṇī
||49||रामणीयकरेखा च रुजारी रोगरोषिणी ॥
राकारंकार्तिशमनी रम्या रोलंबराविणी
rāgiṇīraṃjitaśivā rūpalāvaṇyaśevadhiḥ ||
lokaprasūrlokavaṃdyā lolatkallolamālinī
||150||रागिणीरंजितशिवा रूपलावण्यशेवधिः ॥
लोकप्रसूर्लोकवंद्या लोलत्कल्लोलमालिनी
līlāvatī lokabhūmirlokalocanacaṃdrikā ||
lekhasravaṃtī laṭabhā laghuvegā laghutvahṛt
||51||लीलावती लोकभूमिर्लोकलोचनचंद्रिका ॥
लेखस्रवंती लटभा लघुवेगा लघुत्वहृत्
lāsyattaraṃgahastā ca lalitā layabhaṃgigā ||
lokabaṃdhurlokadhātrī lokottaraguṇorjitā
||52||लास्यत्तरंगहस्ता च ललिता लयभंगिगा ॥
लोकबंधुर्लोकधात्री लोकोत्तरगुणोर्जिता
. lokatrayahitā lokā lakṣmīrlakṣaṇalakṣitā ||
līlālakṣitanirvāṇā lāvaṇyāmṛtavarṣiṇī
||53||. लोकत्रयहिता लोका लक्ष्मीर्लक्षणलक्षिता ॥
लीलालक्षितनिर्वाणा लावण्यामृतवर्षिणी
vaiśvānarī vāsaveḍyā vaṃdhyatvaparihāriṇī ||
vāsudevāṃghrireṇughnī vajrivajranivāriṇī
||54||वैश्वानरी वासवेड्या वंध्यत्वपरिहारिणी ॥
वासुदेवांघ्रिरेणुघ्नी वज्रिवज्रनिवारिणी
śubhāvatī śubhaphalā śāṃtiḥ śāṃtanuvallabhā ||
śūlinī śaiśavavayāḥ śītalā'mṛtavāhinī
||55||शुभावती शुभफला शांतिः शांतनुवल्लभा ॥
शूलिनी शैशववयाः शीतलाऽमृतवाहिनी
śobhāvatī śīlavatī śoṣitāśeṣakilbiṣā ||
śaraṇyā śivadā śiṣṭā śarajanmaprasūḥ śivā
||56||शोभावती शीलवती शोषिताशेषकिल्बिषा ॥
शरण्या शिवदा शिष्टा शरजन्मप्रसूः शिवा
śaktiḥ śaśāṃkavimalā śamanasvasṛsaṃmatā ||
śamā śamanamārgaghnī śitikaṃṭhamahāpriyā
||57||शक्तिः शशांकविमला शमनस्वसृसंमता ॥
शमा शमनमार्गघ्नी शितिकंठमहाप्रिया
śuciḥ śucikarī śeṣā śeṣaśāyipadodbhavā ||
śrīnivāsa śrutiḥ śraddhā śrīmatī śrīḥ śubhavratā
||58||शुचिः शुचिकरी शेषा शेषशायिपदोद्भवा ॥
श्रीनिवास श्रुतिः श्रद्धा श्रीमती श्रीः शुभव्रता
śuddhavidyā śubhāvartā śrutānaṃdā śrutistutiḥ ||
śivetaraghnī śabarī śāṃbarīrūpadhāriṇī
||59||शुद्धविद्या शुभावर्ता श्रुतानंदा श्रुतिस्तुतिः ॥
शिवेतरघ्नी शबरी शांबरीरूपधारिणी
śmaśānaśodhanī śāṃtā śaśvacchatadhṛtiṣṭutā ||
śālinī śāliśobhāḍhyā śikhivāhanagarbhabhṛt
||160||श्मशानशोधनी शांता शश्वच्छतधृतिष्टुता ॥
शालिनी शालिशोभाढ्या शिखिवाहनगर्भभृत्
śaṃsanīyacaritrā ca śātitāśeṣapātakā ||
ṣaḍguṇaiśvaryasaṃpannā ṣaḍaṃgaśrutirūpiṇī
||61||शंसनीयचरित्रा च शातिताशेषपातका ॥
षड्गुणैश्वर्यसंपन्ना षडंगश्रुतिरूपिणी
ṣaṃḍhatāhāri salilāṣṭyāyannadanadīśatā ||
saridvarā ca surasā suprabhā suradīrghikā
||62||षंढताहारि सलिलाष्ट्यायन्नदनदीशता ॥
सरिद्वरा च सुरसा सुप्रभा सुरदीर्घिका
svaḥsiṃdhuḥ sarvaduḥkhaghnī sarvavyādhimahauṣadham ||
sevyāsiddhiḥ satī sūktiḥ skaṃdasūśca sarasvatī
||63||स्वःसिंधुः सर्वदुःखघ्नी सर्वव्याधिमहौषधम् ॥
सेव्यासिद्धिः सती सूक्तिः स्कंदसूश्च सरस्वती
saṃpattaraṃgiṇī stutyā sthāṇumaulikṛtālayā ||
sthairyadā subhagā saukhyā strīṣu saubhāgyadāyinī
||64||संपत्तरंगिणी स्तुत्या स्थाणुमौलिकृतालया ॥
स्थैर्यदा सुभगा सौख्या स्त्रीषु सौभाग्यदायिनी
svarganiḥśreṇikā sūkṣmā svadhā svāhā sudhājalā ||
samudrarūpiṇī svargyā sarvapātakavairiṇī
||65||स्वर्गनिःश्रेणिका सूक्ष्मा स्वधा स्वाहा सुधाजला ॥
समुद्ररूपिणी स्वर्ग्या सर्वपातकवैरिणी
smṛtāghahāriṇī sītā saṃsārābdhitaraṃḍikā ||
saubhāgyasuṃdarī saṃdhyā sarvasārasamanvitā
||66||स्मृताघहारिणी सीता संसाराब्धितरंडिका ॥
सौभाग्यसुंदरी संध्या सर्वसारसमन्विता
harapriyā hṛpīkeśī haṃsarūpā hiraṇmayī ||
hṛtāghasaṃghā hitakṛddhelā helāghagarvahṛt
||67||हरप्रिया हृपीकेशी हंसरूपा हिरण्मयी ॥
हृताघसंघा हितकृद्धेला हेलाघगर्वहृत्
kṣemadā kṣālitāghaughā kṣudravidrāviṇī kṣamā ||
iti nāmasahasraṃ hi gaṃgāyāḥ kalaśodbhava ||
kīrtayitvā naraḥ samyaggaṃgāsnānaphalaṃ labhet
||68||क्षेमदा क्षालिताघौघा क्षुद्रविद्राविणी क्षमा ॥
इति नामसहस्रं हि गंगायाः कलशोद्भव ॥
कीर्तयित्वा नरः सम्यग्गंगास्नानफलं लभेत्
sarvapāpapraśamanaṃ sarvavighna vināśanam ||
sarvastotrajapācchreṣṭhaṃ sarvapāvanapāvanam
||69||सर्वपापप्रशमनं सर्वविघ्न विनाशनम् ॥
सर्वस्तोत्रजपाच्छ्रेष्ठं सर्वपावनपावनम्
śraddhayābhīṣṭaphaladaṃ caturvargasamṛddhikṛt ||
sakṛjjapādavāpnoti hyekakratuphalaṃmune
||170||श्रद्धयाभीष्टफलदं चतुर्वर्गसमृद्धिकृत् ॥
सकृज्जपादवाप्नोति ह्येकक्रतुफलंमुने
sarvatīrtheṣu yaḥ snātaḥ sarvayajñeṣu dīkṣitaḥ ||
tasya yatphalamuddiṣṭaṃ trikālapaṭhanācca tat
||71||सर्वतीर्थेषु यः स्नातः सर्वयज्ञेषु दीक्षितः ॥
तस्य यत्फलमुद्दिष्टं त्रिकालपठनाच्च तत्
sarvavrateṣu yatpuṇyaṃ samyakcīrṇeṣu vāḍava ||
tatphalaṃ samavāpnoti trisaṃdhyaṃ niyataḥ paṭhan
||72||सर्वव्रतेषु यत्पुण्यं सम्यक्चीर्णेषु वाडव ॥
तत्फलं समवाप्नोति त्रिसंध्यं नियतः पठन्
snānakāle paṭhedyastu yatrakutra jalāśaye ||
tatra sannihitā nūnaṃ gaṃgā tripathagā mune
||73||स्नानकाले पठेद्यस्तु यत्रकुत्र जलाशये ॥
तत्र सन्निहिता नूनं गंगा त्रिपथगा मुने
śreyorthī labhate śreyo dhanārthī labhate dhanam ||
kāmī kāmānavāpnoti mokṣārthī mokṣamāpnuyāt
||74||श्रेयोर्थी लभते श्रेयो धनार्थी लभते धनम् ॥
कामी कामानवाप्नोति मोक्षार्थी मोक्षमाप्नुयात्
varṣaṃ trikālapaṭhanācchraddhayā śucimānasaḥ ||
ṛtukālābhigamanādaputraḥ putravānbhavet
||75||वर्षं त्रिकालपठनाच्छ्रद्धया शुचिमानसः ॥
ऋतुकालाभिगमनादपुत्रः पुत्रवान्भवेत्
nākālamaraṇaṃ tasya nāgnicorāhi sādhvasam ||
nāmnāṃ sahasraṃ gaṃgāyā yo japecchraddhayā mune
||76||नाकालमरणं तस्य नाग्निचोराहि साध्वसम् ॥
नाम्नां सहस्रं गंगाया यो जपेच्छ्रद्धया मुने
gaṃgā nāma sahasraṃ tu japtvā grāmāṃtaraṃ vrajet ||
kāryasiddhimavāpnoti nirvighno gehamāviśet
||77||गंगा नाम सहस्रं तु जप्त्वा ग्रामांतरं व्रजेत् ॥
कार्यसिद्धिमवाप्नोति निर्विघ्नो गेहमाविशेत्
tithivārarkṣayogānāṃ na doṣaḥ prabhavettadā ||
yadā japtvā vrajedetatstotraṃ grāmāṃtaraṃ naraḥ
||78||तिथिवारर्क्षयोगानां न दोषः प्रभवेत्तदा ॥
यदा जप्त्वा व्रजेदेतत्स्तोत्रं ग्रामांतरं नरः
āyurārogyajananaṃ sarvopadravanāśanam ||
sarvasiddhikaraṃ puṃsāṃ gaṃgānāmasahasrakam
||79||आयुरारोग्यजननं सर्वोपद्रवनाशनम् ॥
सर्वसिद्धिकरं पुंसां गंगानामसहस्रकम्
janmāṃtara sahasreṣu yatpāpaṃ samyagarjitam ||
gaṃgānāmasahasrasya japanāttatkṣayaṃ vrajet
||180||जन्मांतर सहस्रेषु यत्पापं सम्यगर्जितम् ॥
गंगानामसहस्रस्य जपनात्तत्क्षयं व्रजेत्
brahmaghno madyapaḥ svarṇasteyī ca gurutalpagaḥ ||
tatsaṃyogī bhrūṇahaṃtā mātṛhā pitṛhā mune
||81||ब्रह्मघ्नो मद्यपः स्वर्णस्तेयी च गुरुतल्पगः ॥
तत्संयोगी भ्रूणहंता मातृहा पितृहा मुने
viśvāsaghātī garadaḥ kṛtaghno mitraghātakaḥ ||
agnido govadhakaro gurudravyāpahārakaḥ
||82||विश्वासघाती गरदः कृतघ्नो मित्रघातकः ॥
अग्निदो गोवधकरो गुरुद्रव्यापहारकः
mahāpātakayuktopi saṃyuktopyupapātakaiḥ ||
mucyate śraddhayā japtvā gaṃgā nāma sahasrakam
||83||महापातकयुक्तोपि संयुक्तोप्युपपातकैः ॥
मुच्यते श्रद्धया जप्त्वा गंगा नाम सहस्रकम्
ādhivyādhiparikṣipto ghora tāpa pariplutaḥ ||
mucyate sarvaduḥkhebhyaḥ stavasyāsyānukīrtanāt
||84||आधिव्याधिपरिक्षिप्तो घोर ताप परिप्लुतः ॥
मुच्यते सर्वदुःखेभ्यः स्तवस्यास्यानुकीर्तनात्
saṃvatsareṇa yuktātmā paṭhanbhaktiparāyaṇaḥ ||
abhīpsitāṃ labhetsiddhiṃ sarvaiḥ pāpaiḥ pramucyate
||85||संवत्सरेण युक्तात्मा पठन्भक्तिपरायणः ॥
अभीप्सितां लभेत्सिद्धिं सर्वैः पापैः प्रमुच्यते
saṃśayāviṣṭacittasya dharmavidveṣiṇopi ca ||
dāṃbhikasyāpi hiṃsrasya ceto dharmaparaṃ bhavet
||86||संशयाविष्टचित्तस्य धर्मविद्वेषिणोपि च ॥
दांभिकस्यापि हिंस्रस्य चेतो धर्मपरं भवेत्
varṇāśramapathīnastu kāmakrodhavivarjitaḥ ||
yatphalaṃ labhate jñānī tadāpnotyasya kīrtanāt
||87||वर्णाश्रमपथीनस्तु कामक्रोधविवर्जितः ॥
यत्फलं लभते ज्ञानी तदाप्नोत्यस्य कीर्तनात्
gāyatryayutajapyena yatphalaṃ samupārjitam ||
sakṛtpaṭhanataḥ samyaktadaśeṣamavāpnuyāt
||88||गायत्र्ययुतजप्येन यत्फलं समुपार्जितम् ॥
सकृत्पठनतः सम्यक्तदशेषमवाप्नुयात्
gāṃ dattvā vedaviduṣe yatphalaṃ labhate kṛtī ||
tatpuṇyaṃ samyagākhyātaṃ stavarājasakṛjjapāt
||89||गां दत्त्वा वेदविदुषे यत्फलं लभते कृती ॥
तत्पुण्यं सम्यगाख्यातं स्तवराजसकृज्जपात्
guruśuśrūṣaṇaṃ kurvanyāvajjīvaṃ narottamaḥ ||
yatpuṇyamarjayettadbhāgvarṣaṃ triṣavaṇaṃ japan
||190||गुरुशुश्रूषणं कुर्वन्यावज्जीवं नरोत्तमः ॥
यत्पुण्यमर्जयेत्तद्भाग्वर्षं त्रिषवणं जपन्
vedapārāyaṇātpuṇyaṃ yadatra paripaṭhyate ||
tatṣaṇmāsena labhate trisaṃdhyaṃ parikīrtanāt
||91||वेदपारायणात्पुण्यं यदत्र परिपठ्यते ॥
तत्षण्मासेन लभते त्रिसंध्यं परिकीर्तनात्
gaṃgāyāḥ stavarājasya pratyahaṃ pariśīlanāt ||
śivabhaktimavāpnoti viṣṇubhakto'thavā bhavet
||92||गंगायाः स्तवराजस्य प्रत्यहं परिशीलनात् ॥
शिवभक्तिमवाप्नोति विष्णुभक्तोऽथवा भवेत्
yaḥ kīrtayedanudinaṃ gaṃgānāmasahasrakam ||
tatsamīpe sahacarī gaṃgādevī sadā bhavet
||93||यः कीर्तयेदनुदिनं गंगानामसहस्रकम् ॥
तत्समीपे सहचरी गंगादेवी सदा भवेत्
sarvatra pūjyo bhavati sarvatra vijayī bhavet ||
sarvatra sukhamāpnoti jāhnavīstotrapāṭhataḥ
||94||सर्वत्र पूज्यो भवति सर्वत्र विजयी भवेत् ॥
सर्वत्र सुखमाप्नोति जाह्नवीस्तोत्रपाठतः
sadācārī sa vijñeyaḥ saśucistu sadaiva hi ||
kṛtasarvasurārcaḥ sa kīrtayedya imāṃ stutim
||95||सदाचारी स विज्ञेयः सशुचिस्तु सदैव हि ॥
कृतसर्वसुरार्चः स कीर्तयेद्य इमां स्तुतिम्
tasmiṃstṛpte bhavettṛptā jāhnavī nātra saṃśayaḥ ||
tasmātsarvaprayatnena gaṃgābhaktaṃ samarcayet
||96||तस्मिंस्तृप्ते भवेत्तृप्ता जाह्नवी नात्र संशयः ॥
तस्मात्सर्वप्रयत्नेन गंगाभक्तं समर्चयेत्
stavarājamimaṃ gāṃgaṃ śṛṇuyādyaśca vai paṭhet ||
śrāvayedatha tadbhaktāndaṃbhalobha vivarjitaḥ
||97||स्तवराजमिमं गांगं शृणुयाद्यश्च वै पठेत् ॥
श्रावयेदथ तद्भक्तान्दंभलोभ विवर्जितः
mucyate trividhaiḥ pāpairmanovākkāya saṃbhavaiḥ ||
kṣaṇānniṣpāpatāmeti pitṝṇāṃ ca priyo bhavet
||98||मुच्यते त्रिविधैः पापैर्मनोवाक्काय संभवैः ॥
क्षणान्निष्पापतामेति पितॄणां च प्रियो भवेत्
sarvadevapriyaścāpi sarvarṣigaṇasaṃmataḥ ||
aṃte vimānamāruhya divyastrīśatasaṃvṛtaḥ
||99||सर्वदेवप्रियश्चापि सर्वर्षिगणसंमतः ॥
अंते विमानमारुह्य दिव्यस्त्रीशतसंवृतः
divyābharaṇasaṃpanno divyabhogasamanvitaḥ ||
naṃdanādivane svairaṃ devavatsa pramodate
||200||दिव्याभरणसंपन्नो दिव्यभोगसमन्वितः ॥
नंदनादिवने स्वैरं देववत्स प्रमोदते
bhujyamāneṣu vipreṣu śrāddhakāle viśeṣataḥ ||
japannidaṃ mahāstotraṃ pitṝṇāṃ tṛptikārakam
||1||भुज्यमानेषु विप्रेषु श्राद्धकाले विशेषतः ॥
जपन्निदं महास्तोत्रं पितॄणां तृप्तिकारकम्
yāvaṃti tatra sikthāni yāvaṃtoṃ'bukaṇāḥ sthitāḥ ||
tāvaṃtyeva hi varṣāṇi modaṃte svaḥ pitāmahāḥ
||2||यावंति तत्र सिक्थानि यावंतोंऽबुकणाः स्थिताः ॥
तावंत्येव हि वर्षाणि मोदंते स्वः पितामहाः
yathā prīṇaṃti pitaro gaṃgāyāṃ piṃḍadānataḥ ||
tathaiva tṛpnuyuḥ śrāddhe stavasyāsyānusaṃśravāt
||3||यथा प्रीणंति पितरो गंगायां पिंडदानतः ॥
तथैव तृप्नुयुः श्राद्धे स्तवस्यास्यानुसंश्रवात्
etatstotraṃ gṛhe yasya likhitaṃ paripūjyate ||
tatra pāpabhayaṃ nāsti śuci tadbhavanaṃ sadā
||4||एतत्स्तोत्रं गृहे यस्य लिखितं परिपूज्यते ॥
तत्र पापभयं नास्ति शुचि तद्भवनं सदा
agaste kiṃbahūktena śṛṇu me niścitaṃ vacaḥ ||
saṃśayo nātra kartavyaḥ saṃdigdhe(?)raphalaṃ nahi
||5||अगस्ते किंबहूक्तेन शृणु मे निश्चितं वचः ॥
संशयो नात्र कर्तव्यः संदिग्धे(?)रफलं नहि
(saṃdegdhari) yāvaṃti martye stotrāṇi maṃtrajālānyanekaśaḥ ||
tāvaṃti stavarājasya gāṃgeyasya samāni na
||6||(संदेग्धरि) यावंति मर्त्ये स्तोत्राणि मंत्रजालान्यनेकशः ॥
तावंति स्तवराजस्य गांगेयस्य समानि न
yāvajjanma japedyastu nāmnāmetatsahasrakam ||
sa kīkaṭeṣvapi mṛto na punargarbhamāviśet
||7||यावज्जन्म जपेद्यस्तु नाम्नामेतत्सहस्रकम् ॥
स कीकटेष्वपि मृतो न पुनर्गर्भमाविशेत्
nityaṃ niyamavānetadyo japetstotramuttamam ||
anyatrāpi vipannaḥ sa gaṃgātīre mṛto bhavet
||8||नित्यं नियमवानेतद्यो जपेत्स्तोत्रमुत्तमम् ॥
अन्यत्रापि विपन्नः स गंगातीरे मृतो भवेत्
etatstotravaraṃ ramyaṃ purā proktaṃ pinākinā ||
viṣṇave nijabhaktāya muktibījākṣarāspadam
||9||एतत्स्तोत्रवरं रम्यं पुरा प्रोक्तं पिनाकिना ॥
विष्णवे निजभक्ताय मुक्तिबीजाक्षरास्पदम्
gaṃgāsnānapratinidhiḥ stotrametanmayeritam ||
sisnāsurjāhnavīṃ tasmādetatstotraṃ japetsudhīḥ
||210||गंगास्नानप्रतिनिधिः स्तोत्रमेतन्मयेरितम् ॥
सिस्नासुर्जाह्नवीं तस्मादेतत्स्तोत्रं जपेत्सुधीः
iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍe pūrvārddhe gaṃgāsahasranāmakathanaṃnāmaikonatriṃśattamo'dhyāyaḥ || 29 ||