pārvatīśasya mahimā kathitaste mayānagha
skaṃda uvāca
pārvatīśasya mahimā kathitaste mayānagha ||
mune niśāmayedānīṃ gaṃgeśvarasamudbhavam
||1||पार्वतीशस्य महिमा कथितस्ते मयानघ ॥
मुने निशामयेदानीं गंगेश्वरसमुद्भवम्
yaṃ śrutvā yatrakutrāpi gaṃgāsnānaphalaṃ labhet ||
cakrapuṣkariṇītīrthaṃ yadā gaṃgā samāgatā
||2||यं श्रुत्वा यत्रकुत्रापि गंगास्नानफलं लभेत् ॥
चक्रपुष्करिणीतीर्थं यदा गंगा समागता
tena dailīpinā sārdhamasminnānaṃdakānane ||
kṣetraprabhāvamatulaṃ jñātvā śaṃbhuparigrahāt
||3||तेन दैलीपिना सार्धमस्मिन्नानंदकानने ॥
क्षेत्रप्रभावमतुलं ज्ञात्वा शंभुपरिग्रहात्
smṛtvā liṃgapratiṣṭhāyāḥ kāśyāṃ lokottaraṃ phalam ||
gaṃgayā sthāpitaṃ liṃgaṃ viśveśātpūrvataḥ śubham
||4||स्मृत्वा लिंगप्रतिष्ठायाः काश्यां लोकोत्तरं फलम् ॥
गंगया स्थापितं लिंगं विश्वेशात्पूर्वतः शुभम्
gaṃgeśvarasya liṃgasya kāśyāṃ dṛṣṭiḥ sudurlabhā ||
tithau daśaharāyāṃ ca yo gaṃgeśaṃ samarcayet
||5||गंगेश्वरस्य लिंगस्य काश्यां दृष्टिः सुदुर्लभा ॥
तिथौ दशहरायां च यो गंगेशं समर्चयेत्
tasya janmasahasrasya pāpaṃ saṃkṣīyate kṣaṇāt ||
kalau gaṃgeśvaraṃ liṃgaṃ guptaprāyaṃ bhaviṣyati
||6||तस्य जन्मसहस्रस्य पापं संक्षीयते क्षणात् ॥
कलौ गंगेश्वरं लिंगं गुप्तप्रायं भविष्यति
tasya saṃdarśanaṃ puṃsāṃ jāyate puṇyahetave ||
dṛṣṭaṃ gaṃgeśvaraṃ liṃgaṃ yena kāśyāṃ sudurlabham
||7||तस्य संदर्शनं पुंसां जायते पुण्यहेतवे ॥
दृष्टं गंगेश्वरं लिंगं येन काश्यां सुदुर्लभम्
pratyakṣarūpiṇī gaṃgā tena dṛṣṭā na saṃśayaḥ ||
kalau sudurlabhā gaṃgā sarvakalmaṣahāriṇī
||8||प्रत्यक्षरूपिणी गंगा तेन दृष्टा न संशयः ॥
कलौ सुदुर्लभा गंगा सर्वकल्मषहारिणी
bhaviṣyati na saṃdeho mitrāvaruṇanaṃdana ||
tatopi tiṣye saṃprāpte kāśyatyaṃtaṃ sudurlabhā
||9||भविष्यति न संदेहो मित्रावरुणनंदन ॥
ततोपि तिष्ये संप्राप्ते काश्यत्यंतं सुदुर्लभा
tatopi durlabhaṃ kāśyāṃ liṃgaṃ gaṃgeśvarābhidham ||
yasya saṃdarśanaṃ puṃsāṃ bhavetpāpakṣayāya vai
||10||ततोपि दुर्लभं काश्यां लिंगं गंगेश्वराभिधम् ॥
यस्य संदर्शनं पुंसां भवेत्पापक्षयाय वै
śrutvā gaṃgeśa māhātmyaṃ na naro nirayī bhavet ||
labhecca puṇyasaṃbhāraṃ ciṃtitaṃ cādhigacchati
||11||श्रुत्वा गंगेश माहात्म्यं न नरो निरयी भवेत् ॥
लभेच्च पुण्यसंभारं चिंतितं चाधिगच्छति
iti śrīskāṃde mahāpurāṇa ekāśīti sāhasryāṃ saṃhitāyāṃ catutheṃ kāśīkhaṃḍa uttarārdhe gaṃgeśvaramahimākhyānaṃ nāmaikanavatitamo'dhyāyaḥ || 91 ||