tīrthānāmiha sarveṣāṃ prabhāvaḥ kathitastvayā
ṛṣaya ūcuḥ
tīrthānāmiha sarveṣāṃ prabhāvaḥ kathitastvayā ||
nadīnāṃ parvatānāṃ ca kṣetrāṇāṃ sarasāmapi
||1||तीर्थानामिह सर्वेषां प्रभावः कथितस्त्वया ॥
नदीनां पर्वतानां च क्षेत्राणां सरसामपि
nideśātpadmagarbhasya suvarṇamukharī nadī ||
nītā bhuvamagastyena vyākhyātā bhavatānagha
||2||निदेशात्पद्मगर्भस्य सुवर्णमुखरी नदी ॥
नीता भुवमगस्त्येन व्याख्याता भवतानघ
tadutpattiprabhāvaṃ ca tīrthaughāṃstatsamāśrayān ||
śrotuṃ saṃprītirutpannā tanno vaktuṃ tvamarhasi
||3||तदुत्पत्तिप्रभावं च तीर्थौघांस्तत्समाश्रयान् ॥
श्रोतुं संप्रीतिरुत्पन्ना तन्नो वक्तुं त्वमर्हसि
praṇamya śambhuṃ nandīśaṃ ṣaḍāsyaṃ vyāsameva ca ||
munibhiḥ prārthitaḥ sūtastadā vaktuṃ pracakrame
||4||प्रणम्य शम्भुं नन्दीशं षडास्यं व्यासमेव च ॥
मुनिभिः प्रार्थितः सूतस्तदा वक्तुं प्रचक्रमे
śrīsūta uvāca
sādhu pṛṣṭaṃ mahābhāga bhavadbhirmaṃgalāvaham ||
ākhyānametadāmnāya śravaṇodbhūtasiddhidam
||5||साधु पृष्टं महाभाग भवद्भिर्मंगलावहम् ॥
आख्यानमेतदाम्नाय श्रवणोद्भूतसिद्धिदम्
śṛṇutāvahitā divyāṃ kathāṃ kalmaṣanāśinīm ||
bharadvājena kathitāṃ pārthāya kathayāmi vaḥ
||6||शृणुतावहिता दिव्यां कथां कल्मषनाशिनीम् ॥
भरद्वाजेन कथितां पार्थाय कथयामि वः
avāpya drupadātprājñādyājñasenīṃ pṛthāsutāḥ ||
dhṛtarāṣṭranideśena jagmuḥ karipuraṃ śubham
||7||अवाप्य द्रुपदात्प्राज्ञाद्याज्ञसेनीं पृथासुताः ॥
धृतराष्ट्रनिदेशेन जग्मुः करिपुरं शुभम्
bhīṣmeṇa cāṃbikeyena tatra saṃmānitāstadā ||
duryodhanādibhiḥ sārddhaṃ nyavasanpañcavatsarān
||8||भीष्मेण चांबिकेयेन तत्र संमानितास्तदा ॥
दुर्योधनादिभिः सार्द्धं न्यवसन्पञ्चवत्सरान्
tato'nuśiṣṭo bhīṣmādyairdhṛtarāṣṭro mahāyaśāḥ ||
sarveṣāṃ kulavṛddhānāṃ vāsudevasya cāgrataḥ
||9||ततोऽनुशिष्टो भीष्माद्यैर्धृतराष्ट्रो महायशाः ॥
सर्वेषां कुलवृद्धानां वासुदेवस्य चाग्रतः
pradadau pāṃḍuputrebhyastatsevāhṛṣṭamānasaḥ ||
sārdharājyaṃ puravaraṃ khāṇḍavaprasthasaṃjñikam
||10||प्रददौ पांडुपुत्रेभ्यस्तत्सेवाहृष्टमानसः ॥
सार्धराज्यं पुरवरं खाण्डवप्रस्थसंज्ञिकम्
āmaṃtrya pāṇḍutanayā dhṛtarāṣṭrādikānkurūn ||
jagmustatkhāṇḍavaprasthaṃ puraṃ kṛṣṇasamanvitāḥ
||11||आमंत्र्य पाण्डुतनया धृतराष्ट्रादिकान्कुरून् ॥
जग्मुस्तत्खाण्डवप्रस्थं पुरं कृष्णसमन्विताः
indraprasthāhvaye tatra rakṣite viśvakarmaṇā ||
vasanpure'śiṣatpṛthvīṃ sānujo dharmanaṃdanaḥ
||12||इन्द्रप्रस्थाह्वये तत्र रक्षिते विश्वकर्मणा ॥
वसन्पुरेऽशिषत्पृथ्वीं सानुजो धर्मनंदनः
gate kṛṣṇe nijapuraṃ nāradasyānuśāsanāt ||
pratijñāṃ cakrire pārthā dharmajñā draupadīṃ prati
||13||गते कृष्णे निजपुरं नारदस्यानुशासनात् ॥
प्रतिज्ञां चक्रिरे पार्था धर्मज्ञा द्रौपदीं प्रति
athārjunatīrthayātropoddhātaḥ ||
yathākrameṇa sā kṛṣṇā varṣamekaikamādarāt ||
ekaikasya gṛhe tiṣṭhetpratinirṇayapūrvakam
||14||अथार्जुनतीर्थयात्रोपोद्धातः ॥
यथाक्रमेण सा कृष्णा वर्षमेकैकमादरात् ॥
एकैकस्य गृहे तिष्ठेत्प्रतिनिर्णयपूर्वकम्
yaḥ paśyettāṃ paragṛhe sthitāṃ pāṃcālanaṃdinīm ||
tenaikahāyanamitaṃ vidheyaṃ tīrthasevanam
||15||यः पश्येत्तां परगृहे स्थितां पांचालनंदिनीम् ॥
तेनैकहायनमितं विधेयं तीर्थसेवनम्
evaṃ kṛtapratijñāste pāṇḍubhūpālanaṃdanāḥ ||
vyāpārairloṃkasāmānyairninyuḥ kālamataṃdritāḥ
||16||एवं कृतप्रतिज्ञास्ते पाण्डुभूपालनंदनाः ॥
व्यापारैर्लोंकसामान्यैर्निन्युः कालमतंद्रिताः
atha jānapado vipro rājagehāṃgaṇe sthitaḥ ||
cukrośa bahudhā dhenurhṛtā me taskarairiti
||17||अथ जानपदो विप्रो राजगेहांगणे स्थितः ॥
चुक्रोश बहुधा धेनुर्हृता मे तस्करैरिति
samāśvāsya ca taṃ vipraṃ praviveśa dhanaṃjayaḥ ||
āyudhāni samānetuṃ tvarayā śastramaṃdiram
||18||समाश्वास्य च तं विप्रं प्रविवेश धनंजयः ॥
आयुधानि समानेतुं त्वरया शस्त्रमंदिरम्
tatrāpaśyatsamāsīnau pāṃcālīdharmanandanau ||
jānannapi pratijñāṃ sa dhanurjagrāha seṣudhi
||19||तत्रापश्यत्समासीनौ पांचालीधर्मनन्दनौ ॥
जानन्नपि प्रतिज्ञां स धनुर्जग्राह सेषुधि
sa gatvā taskarānājau nihatya nṛpanandanaḥ ||
nivartya dhenuṃ tāṃ tasmai dadau viprāya sādaram
||20||स गत्वा तस्करानाजौ निहत्य नृपनन्दनः ॥
निवर्त्य धेनुं तां तस्मै ददौ विप्राय सादरम्
atha vijñāpayāmāsa phālguno dharmanandanam ||
tīrthayātrā mayā kāryā samayollaṃghanāditi
||21||अथ विज्ञापयामास फाल्गुनो धर्मनन्दनम् ॥
तीर्थयात्रा मया कार्या समयोल्लंघनादिति
anujasya vacaḥ śrutvā sarvadharmavidāṃ varaḥ ||
uvāca vacanaṃ dhīraḥ sādaraṃ dharmanaṃdanaḥ
||22||अनुजस्य वचः श्रुत्वा सर्वधर्मविदां वरः ॥
उवाच वचनं धीरः सादरं धर्मनंदनः
yudhiṣṭhira uvāca
gavārthaṃ brāhmaṇārthaṃ ca yadvadedanṛtaṃ vacaḥ ||
yadācaredasatkarma tatsatyaṃ tatsamaṃjasam
||23||गवार्थं ब्राह्मणार्थं च यद्वदेदनृतं वचः ॥
यदाचरेदसत्कर्म तत्सत्यं तत्समंजसम्
brāhmaṇārthaṃ gavārthaṃ ca tvayā karmedṛśaṃ kṛtam ||
tadasadbhāvamāpnoti kathaṃ kathaya suvrata
||24||ब्राह्मणार्थं गवार्थं च त्वया कर्मेदृशं कृतम् ॥
तदसद्भावमाप्नोति कथं कथय सुव्रत
prajāpālanakṛtyasya coropekṣaṇaśikṣaṇaiḥ ||
nūnaṃ phalaṃ bhavedrājño brahmahatyāśvamedhajam
||25||प्रजापालनकृत्यस्य चोरोपेक्षणशिक्षणैः ॥
नूनं फलं भवेद्राज्ञो ब्रह्महत्याश्वमेधजम्
asādhyānvairiṇo jñātvā'pyavanīśo na bhadrabhāk ||
svadeśopaplavakarāstaskarā yadyaśikṣitāḥ
||26||असाध्यान्वैरिणो ज्ञात्वाऽप्यवनीशो न भद्रभाक् ॥
स्वदेशोपप्लवकरास्तस्करा यद्यशिक्षिताः
asmākaṃ bhūbhujāṃ lokajālasya ca hitaṃ hi yat ||
tvayedṛśaṃ kṛtaṃ karma nāsti doṣo hyatastava
||27||अस्माकं भूभुजां लोकजालस्य च हितं हि यत् ॥
त्वयेदृशं कृतं कर्म नास्ति दोषो ह्यतस्तव
śrīsūta uvāca
dharmaputrasya vacanamākarṇya racitāṃjaliḥ ||
punarvijñāpayāmāsa dharmanityo dhanaṃjayaḥ
||28||धर्मपुत्रस्य वचनमाकर्ण्य रचितांजलिः ॥
पुनर्विज्ञापयामास धर्मनित्यो धनंजयः
arjuna uvāca
maivaṃ bhūpāla vādīstvaṃ svapratijñātilaṃghanam ||
jānatā dharmasarvasvamullasaddharmamūrtinā
||29||मैवं भूपाल वादीस्त्वं स्वप्रतिज्ञातिलंघनम् ॥
जानता धर्मसर्वस्वमुल्लसद्धर्ममूर्तिना
kṛtyākṛtyavidā dakṣeṇātmanā prāksamīritā ||
nollaṃghanīyā satataṃ pratijñā puruṣeṇa hi
||30||कृत्याकृत्यविदा दक्षेणात्मना प्राक्समीरिता ॥
नोल्लंघनीया सततं प्रतिज्ञा पुरुषेण हि
aśaktānāṃ gatiḥ seyaṃ yadbaṃdhuguruvākyataḥ ||
dharmaṃ tyajaṃti samayaṃ tyaktāḥ prāksvaṃ samīritam
||31||अशक्तानां गतिः सेयं यद्बंधुगुरुवाक्यतः ॥
धर्मं त्यजंति समयं त्यक्ताः प्राक्स्वं समीरितम्
kṛpayā tīrthagamanādāryo yadi nivartayet ||
hatapratijñaṃ māṃ lokāñjalpataḥ ko nivārayet
||32||कृपया तीर्थगमनादार्यो यदि निवर्तयेत् ॥
हतप्रतिज्ञं मां लोकाञ्जल्पतः को निवारयेत्
mamāpi tīrthayātrāyāṃ kautukottaralaṃ manaḥ ||
kartavyaṃ ca smṛtaṃ rājannāradādiṣṭaśāsanam
||33||ममापि तीर्थयात्रायां कौतुकोत्तरलं मनः ॥
कर्तव्यं च स्मृतं राजन्नारदादिष्टशासनम्
tatprasīda mahārāja yattīrthagamanodyame ||
saṃmānanīyaḥ prabhubhiḥ samayo hyanujīvinām
||34||तत्प्रसीद महाराज यत्तीर्थगमनोद्यमे ॥
संमाननीयः प्रभुभिः समयो ह्यनुजीविनाम्
tatheti bhrātṛbhiḥ sārddhaṃ kṛtānumatirarjunaḥ ||
agrajaṃ toṣayāmāsa praṇāmapraśrayādibhiḥ
||35||तथेति भ्रातृभिः सार्द्धं कृतानुमतिरर्जुनः ॥
अग्रजं तोषयामास प्रणामप्रश्रयादिभिः
yathārhaṃ bhīmasenādīnbhrātṝnāmantrya pāṇḍavaḥ ||
kṛtasvastyayano bhavyairniryayau dharaṇīsuraiḥ
||36||यथार्हं भीमसेनादीन्भ्रातॄनामन्त्र्य पाण्डवः ॥
कृतस्वस्त्ययनो भव्यैर्निर्ययौ धरणीसुरैः
paurāṇikā jyautiṣikā bhiṣajo dharaṇīsurāḥ ||
anujagmurbhṛtyagaṇāḥ śilpinaḥ sūtamāgadhāḥ
||37||पौराणिका ज्यौतिषिका भिषजो धरणीसुराः ॥
अनुजग्मुर्भृत्यगणाः शिल्पिनः सूतमागधाः
yudhiṣṭhirājñayā tasya bhogatyāgakṣamaṃ dhanam ||
gṛhītvānuyayuḥ snigdhāḥ sabhyāḥ kośādhikāriṇaḥ
||38||युधिष्ठिराज्ञया तस्य भोगत्यागक्षमं धनम् ॥
गृहीत्वानुययुः स्निग्धाः सभ्याः कोशाधिकारिणः
atha arjunasya gaṃgāditīrthāvagāhanapūrvaka suvarṇamukharyāgamanam ||
sa rājaputraḥ prathamaṃ prāpya bhāgīrathīṃ nadīm ||
gaṃgādvāraṃ prayāgaṃ ca siṣeve kāśikāmapi
||39||अथ अर्जुनस्य गंगादितीर्थावगाहनपूर्वक सुवर्णमुखर्यागमनम् ॥
स राजपुत्रः प्रथमं प्राप्य भागीरथीं नदीम् ॥
गंगाद्वारं प्रयागं च सिषेवे काशिकामपि
paśyaṃstīrthāni jāhnavyāstattīropāntavartmanā ||
āsasāda samuttuṅgakallolaṃ dakṣiṇodadhim
||40||पश्यंस्तीर्थानि जाह्नव्यास्तत्तीरोपान्तवर्त्मना ॥
आससाद समुत्तुङ्गकल्लोलं दक्षिणोदधिम्
mahānadīṃ mahāpuṇyāṃ prasiddhaṃ puruṣottamam ||
siṃhācalaṃ ca saṃvīkṣya prāptavānkṛtakṛtyatām
||41||महानदीं महापुण्यां प्रसिद्धं पुरुषोत्तमम् ॥
सिंहाचलं च संवीक्ष्य प्राप्तवान्कृतकृत्यताम्
tato dadarśa kaunteyaḥ puṇyāṃ godāvarīṃ nadīm ||
samastaduritavrātaśātanottīrṇagauravām
||42||ततो ददर्श कौन्तेयः पुण्यां गोदावरीं नदीम् ॥
समस्तदुरितव्रातशातनोत्तीर्णगौरवाम्
kṛtābhiṣekastattoyairvidhivatpāṇḍunandanaḥ ||
pramodaṃ vividhairdānairakarodbhūsuvarṇakaiḥ
||43||कृताभिषेकस्तत्तोयैर्विधिवत्पाण्डुनन्दनः ॥
प्रमोदं विविधैर्दानैरकरोद्भूसुवर्णकैः
nadīṃ malāpahākhyāṃ ca dṛṣṭvā modaṃ yayau śubham ||
tataḥ samāsasādāsau kṛṣṇaveṇīṃ saridvarām
||44||नदीं मलापहाख्यां च दृष्ट्वा मोदं ययौ शुभम् ॥
ततः समाससादासौ कृष्णवेणीं सरिद्वराम्
śivasya niyatāvāsaṃ caturdvārasamanvitam ||
nānātīrthagaṇākīrṇaṃ śrīparvatamavaikṣata
||45||शिवस्य नियतावासं चतुर्द्वारसमन्वितम् ॥
नानातीर्थगणाकीर्णं श्रीपर्वतमवैक्षत
nadīṃ pinākinīṃ tīrtvā gatvā devarṣisevitam ||
nārāyaṇapriyāvāsamapaśyadveṃkaṭācalam
||46||नदीं पिनाकिनीं तीर्त्वा गत्वा देवर्षिसेवितम् ॥
नारायणप्रियावासमपश्यद्वेंकटाचलम्
śṛṅge'sya bhūbhṛtastuṃge sthitaṃ lokaikanāyakam ||
apūjayaddhariṃ bhaktyā prasiddhaṃ śubhasiddhaye
||47||शृङ्गेऽस्य भूभृतस्तुंगे स्थितं लोकैकनायकम् ॥
अपूजयद्धरिं भक्त्या प्रसिद्धं शुभसिद्धये
avaruhya veṃkaṭamahādriśṛṅgataḥ sa dadarśa siddhamunisaṃghasevitām ||
kalaśodbhavena muninā samāhṛtāṃ taṭinīṃ suvarṇamukharīsamāhvayām
||48||अवरुह्य वेंकटमहाद्रिशृङ्गतः स ददर्श सिद्धमुनिसंघसेविताम् ॥
कलशोद्भवेन मुनिना समाहृतां तटिनीं सुवर्णमुखरीसमाह्वयाम्
iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye suvarṇamukharīmāhātmye arjunatīrthayātrāgamanavarṇanaṃnāmaikonatriṃśo'dhyāyaḥ || 29 ||