athātaḥ saṃpravakṣyāmi tīrthaṃ vidyādharasya tu
athātaḥ saṃpravakṣyāmi tīrthaṃ vidyādharasya tu ||
tatra snātvā śucirbhūtvā vidyādharapatirbhavet
||1||अथातः संप्रवक्ष्यामि तीर्थं विद्याधरस्य तु ॥
तत्र स्नात्वा शुचिर्भूत्वा विद्याधरपतिर्भवेत्
vyāsa uvāca
kathaṃ tīrthamidaṃ kṣetre jātamatra mahāmune ||
prasādādbrūhi me brahmañchrotumicchāmi sāṃpratam
||2||कथं तीर्थमिदं क्षेत्रे जातमत्र महामुने ॥
प्रसादाद्ब्रूहि मे ब्रह्मञ्छ्रोतुमिच्छामि सांप्रतम्
sanatkumāra uvāca
vidyādharapatiḥ kaścidāsīdrūpadharaḥ purā ||
grathitā pārijātasya mālā tena manoramā
||3||विद्याधरपतिः कश्चिदासीद्रूपधरः पुरा ॥
ग्रथिता पारिजातस्य माला तेन मनोरमा
gṛhītvā ca sa tāṃ mālāṃ gato vāsavaveśmani ||
nṛtyaṃtī vāsavasyāgre dṛṣṭā tena ca menakā
||4||गृहीत्वा च स तां मालां गतो वासववेश्मनि ॥
नृत्यंती वासवस्याग्रे दृष्टा तेन च मेनका
dattā tasyai tadā tena sā mālā nṛtyamāśritaḥ ||
sā menakāstutā'sthāne mālayā mohitā bhavat
||5||दत्ता तस्यै तदा तेन सा माला नृत्यमाश्रितः ॥
सा मेनकास्तुताऽस्थाने मालया मोहिता भवत्
kopāviṣṭena śakreṇa śapto vidyādharastadā ||
pṛthivyāṃ gaccha pāpiṣṭha nṛtyabhaṃgastvayā kṛtaḥ
||6||कोपाविष्टेन शक्रेण शप्तो विद्याधरस्तदा ॥
पृथिव्यां गच्छ पापिष्ठ नृत्यभंगस्त्वया कृतः
vidyādharapadaṃ tyaktvā mama śāpācca sāṃpratam ||
evamuktastu śakreṇa vākyaṃ vidyādharo'bravīta
||7||विद्याधरपदं त्यक्त्वा मम शापाच्च सांप्रतम् ॥
एवमुक्तस्तु शक्रेण वाक्यं विद्याधरोऽब्रवीत
ajānatā mayā nātha aparādhaḥ kṛto'dhunā ||
anugrahamato deva kuru me tvaṃ prasā dataḥ
||8||अजानता मया नाथ अपराधः कृतोऽधुना ॥
अनुग्रहमतो देव कुरु मे त्वं प्रसा दतः
evamuktaḥ sa śakro vai vidyādharamuvāca ha ||
gacchāvaṃtīṃ tvamadyaiva yatrāste gāṃgaṭī guhā
||9||एवमुक्तः स शक्रो वै विद्याधरमुवाच ह ॥
गच्छावंतीं त्वमद्यैव यत्रास्ते गांगटी गुहा
tasyāścottarabhāge tu vidyate tīrthamuttamam ||
khyātaṃ tattriṣu lokeṣu nāmnā vidyādharaṃ śubham
||10||तस्याश्चोत्तरभागे तु विद्यते तीर्थमुत्तमम् ॥
ख्यातं तत्त्रिषु लोकेषु नाम्ना विद्याधरं शुभम्
bhaktyā tatra kṛte snāne vidyādharapatirbhavet ||
atastvamapi tatraiva kuru snānaṃ prayatnataḥ
||11||भक्त्या तत्र कृते स्नाने विद्याधरपतिर्भवेत् ॥
अतस्त्वमपि तत्रैव कुरु स्नानं प्रयत्नतः
evamuktaḥ sa śakreṇa āgato'vaṃtimaṃḍale ||
snānaṃ kṛtvā ca tenaiva tīrthe tasminmanorame
||12||एवमुक्तः स शक्रेण आगतोऽवंतिमंडले ॥
स्नानं कृत्वा च तेनैव तीर्थे तस्मिन्मनोरमे
prabhāvāttasya tīrthasya punaḥ prāptaṃ padaṃ svakam ||
evaṃ vyāsa samākhyātaṃ tīrthaṃ vidyādharaṃ śubham
||13||प्रभावात्तस्य तीर्थस्य पुनः प्राप्तं पदं स्वकम् ॥
एवं व्यास समाख्यातं तीर्थं विद्याधरं शुभम्
tatra puṣpāṇi yo dadyāccaṃdanaṃ ca vilepanam ||
labhetsamastabhogānsa ihaloke paratra ca
||14||तत्र पुष्पाणि यो दद्याच्चंदनं च विलेपनम् ॥
लभेत्समस्तभोगान्स इहलोके परत्र च
iti śrīskāṃde mahāpurāṇa ekāśītisāhasryāṃ sahitāyāṃ pañcama āvaṃtyakhaṃḍe 'vantīkṣetramāhātmye vidyādharatīrthamāhātmyavarṇanaṃ nāmaikādaśo'dhyāyaḥ || 11 ||