vimalodatīrthamāhātmyavarṇanam
vyāsa uvāca
ko'sau viṃdhyagirirbrahmankadā kāle samāgataḥ ||
mahākālavane ramye kena vā preṣitaḥ purā
||1||कोऽसौ विंध्यगिरिर्ब्रह्मन्कदा काले समागतः ॥
महाकालवने रम्ये केन वा प्रेषितः पुरा
sanatkumāra uvāca
purā revājalairvyāsa plāviteyaṃ vasuṃdharā ||
tadā sarvasurairevamagastirmunisattamaḥ
||2||पुरा रेवाजलैर्व्यास प्लावितेयं वसुंधरा ॥
तदा सर्वसुरैरेवमगस्तिर्मुनिसत्तमः
ārādhito mahābhāgo dharaṇītrāṇakāraṇāt ||
tadāgatya girau ramye viṃdhye sa munisattama
||3||आराधितो महाभागो धरणीत्राणकारणात् ॥
तदागत्य गिरौ रम्ये विंध्ये स मुनिसत्तम
ekāgramānaso bhūtvā bhavānīṃ viṃdhyavāsinīm ||
ārādhayāmāsa tadā tāṃ ca devīṃ varepsayā
||4||एकाग्रमानसो भूत्वा भवानीं विंध्यवासिनीम् ॥
आराधयामास तदा तां च देवीं वरेप्सया
kaṃsavidrāvaṇakarīmasurāṇāṃ kṣayaṃkarīm ||
bhārāvatāraṇīṃ puṇyāṃ baladevānujāṃ śubhām
||5||कंसविद्रावणकरीमसुराणां क्षयंकरीम् ॥
भारावतारणीं पुण्यां बलदेवानुजां शुभाम्
yaśodāgarbhasaṃbhūtāṃ cāṇūrabalamardinīm ||
vidyudābhāṃ nabhaḥsthāṃ ca kṛṣṇāṃ kṛṣṇāhimardinīm
||6||यशोदागर्भसंभूतां चाणूरबलमर्दिनीम् ॥
विद्युदाभां नभःस्थां च कृष्णां कृष्णाहिमर्दिनीम्
jananīṃ devasenasya kavīnāṃ vācamīśvarīm ||
gāyatrīṃ dvijamukhyānāṃ vyāhṛtiśchaṃdasāṃ varām
||7||जननीं देवसेनस्य कवीनां वाचमीश्वरीम् ॥
गायत्रीं द्विजमुख्यानां व्याहृतिश्छंदसां वराम्
sahasrākṣīṃ tatheṃdrasya ṛṣeścāruṃdhatīṃ parām ||
gavāṃ kāmadughāṃ śyāmāṃ latāṃ madhutamapriyām
||8||सहस्राक्षीं तथेंद्रस्य ऋषेश्चारुंधतीं पराम् ॥
गवां कामदुघां श्यामां लतां मधुतमप्रियाम्
aditiṃ sarvamātṝṇāṃ pārvatīṃ sarvayoṣitām ||
jyotsnāṃ cāṃdramasīṃ bālāṃ sarvakāmavarapradām
||9||अदितिं सर्वमातॄणां पार्वतीं सर्वयोषिताम् ॥
ज्योत्स्नां चांद्रमसीं बालां सर्वकामवरप्रदाम्
śāradīmṛtuvelāyāṃ vṛṃdāvanacarīṃ varām ||
māyināṃ vaiṣṇavīṃ māyāṃ sarvadaityavimohinīm
||10||शारदीमृतुवेलायां वृंदावनचरीं वराम् ॥
मायिनां वैष्णवीं मायां सर्वदैत्यविमोहिनीम्
lakṣmīṃ ca śrīmatāmiṣṭāṃ yakṣiṇīṃ dhanadārcitām ||
mahodadhīpsitāṃ velāṃ rājñāṃ ca rājasaṃpadam
||11||लक्ष्मीं च श्रीमतामिष्टां यक्षिणीं धनदार्चिताम् ॥
महोदधीप्सितां वेलां राज्ञां च राजसंपदम्
vedikāṃ yajñaśālānāṃ havirāhavanīṃ śubhām |
dakṣiṇāṃ sarvadīkṣāṇāṃ sarvakāmaphalapradām
||12||वेदिकां यज्ञशालानां हविराहवनीं शुभाम् ।
दक्षिणां सर्वदीक्षाणां सर्वकामफलप्रदाम्
evaṃ stutā tadā devī pratyakṣā viṃdhyavāsinī ||
prāha prasādasumukhī ṛṣīṇāṃ pravaraṃ hyṛṣim
||13||एवं स्तुता तदा देवी प्रत्यक्षा विंध्यवासिनी ॥
प्राह प्रसादसुमुखी ऋषीणां प्रवरं ह्यृषिम्
viyatāṃ bho dvijaśreṣṭha yadasmatto'bhivāṃchitam ||
yadīpsitā tvayā vatsa stutirme śucinā kṛtā
||14||वियतां भो द्विजश्रेष्ठ यदस्मत्तोऽभिवांछितम् ॥
यदीप्सिता त्वया वत्स स्तुतिर्मे शुचिना कृता
agastiruvāca
yadi mātarvaro deyo devānāmupakāriṇi ||
reveyaṃ varddhitā loke sarvalokabhayapradā
||15||यदि मातर्वरो देयो देवानामुपकारिणि ॥
रेवेयं वर्द्धिता लोके सर्वलोकभयप्रदा
tayedaṃ plāvitaṃ viśvaṃ tasyāstu grahaṇaṃ kuru ||
iti sā prārthitā tena tadā kāle maharṣiṇā
||16||तयेदं प्लावितं विश्वं तस्यास्तु ग्रहणं कुरु ॥
इति सा प्रार्थिता तेन तदा काले महर्षिणा
āgātsādhvī tadā vyāsa mahākālavanaṃ śubham ||
sāṃtvapūrvaṃ vacastathyamagasti midamabravīt
||17||आगात्साध्वी तदा व्यास महाकालवनं शुभम् ॥
सांत्वपूर्वं वचस्तथ्यमगस्ति मिदमब्रवीत्
vārayiṣye parāṃ devīṃ vardhamānāṃ drutaṃ hyṛṣe ||
tāvatkālaṃ na cottiṣṭhedviṃdhyo nāma mahāgiriḥ
||18||वारयिष्ये परां देवीं वर्धमानां द्रुतं ह्यृषे ॥
तावत्कालं न चोत्तिष्ठेद्विंध्यो नाम महागिरिः
yāvattrikūṭe dvāre tvaṃ sthāsya si ṛṣisattama ||
devakāryodyato nityaṃ dakṣiṇāṃ diśamuttamām
||19||यावत्त्रिकूटे द्वारे त्वं स्थास्य सि ऋषिसत्तम ॥
देवकार्योद्यतो नित्यं दक्षिणां दिशमुत्तमाम्
kuśasthalī mahāpuṇyā pavitrā pāpahāriṇī ||
purī hyeṣā muniśreṣṭha triṣu lokeṣu viśrutā ||
tatraivāhaṃ ciraṃ kālaṃ mātṛbhirnivasāmi vai
||20||कुशस्थली महापुण्या पवित्रा पापहारिणी ॥
पुरी ह्येषा मुनिश्रेष्ठ त्रिषु लोकेषु विश्रुता ॥
तत्रैवाहं चिरं कालं मातृभिर्निवसामि वै
tatrāpi tvaṃ sadā siddhakṣetrādhipatyamāpnuyāḥ ||
matsaro nirmalaṃ puṇyaṃ vimalodaṃ ca viśru tam
||21||तत्रापि त्वं सदा सिद्धक्षेत्राधिपत्यमाप्नुयाः ॥
मत्सरो निर्मलं पुण्यं विमलोदं च विश्रु तम्
yatra puṇyavatāṃ vāso devyastiṣṭhaṃti koṭiśaḥ ||
tasmiṃstīrthe narāḥ snātvā śucībhūya samāhitāḥ
||22||यत्र पुण्यवतां वासो देव्यस्तिष्ठंति कोटिशः ॥
तस्मिंस्तीर्थे नराः स्नात्वा शुचीभूय समाहिताः
yajaṃti caiva māṃ bhaktyā dhūpadīpāgnitarpaṇaiḥ ||
kṣīrakhaṃḍājyabhojyaiśca bhojayedvidhivaddvijān
||23||यजंति चैव मां भक्त्या धूपदीपाग्नितर्पणैः ॥
क्षीरखंडाज्यभोज्यैश्च भोजयेद्विधिवद्द्विजान्
na teṣāṃ durlabhaṃ kiṃcittriṣu lokeṣu vidyate ||
dhanadhānyadharaiśvaryaputradārādisaṃ padām
||24||न तेषां दुर्लभं किंचित्त्रिषु लोकेषु विद्यते ॥
धनधान्यधरैश्वर्यपुत्रदारादिसं पदाम्
prāpyaṃte vividhā bhogā devānāmapi durlabhāḥ ||
śatruto na bhayaṃ teṣāṃ dasyubhyo vā na rājataḥ
||25||प्राप्यंते विविधा भोगा देवानामपि दुर्लभाः ॥
शत्रुतो न भयं तेषां दस्युभ्यो वा न राजतः
na śastrānalatoyaughātkadā citsaṃbhaviṣyati ||
dīrghāyurbuddhimām̐lloke uṣitvā śāśvatīḥ samāḥ
||26||न शस्त्रानलतोयौघात्कदा चित्संभविष्यति ॥
दीर्घायुर्बुद्धिमाँल्लोके उषित्वा शाश्वतीः समाः
sarvapāpaviśuddhātmā mṛtaḥ śivapuraṃ vrajet ||
evaṃ vyāsa purīṃ prāpya ramyāṃ cojjayinīṃ śubhām 27 ||
samāśritā tadā devī satataṃ viṃdhyavāsinī ||
tasmiṃstīrthe naraḥ snātvā sarvapāpaiḥ pramucyate
||28||सर्वपापविशुद्धात्मा मृतः शिवपुरं व्रजेत् ॥
एवं व्यास पुरीं प्राप्य रम्यां चोज्जयिनीं शुभाम् २७ ॥
समाश्रिता तदा देवी सततं विंध्यवासिनी ॥
तस्मिंस्तीर्थे नरः स्नात्वा सर्वपापैः प्रमुच्यते
striyo vā rajo doṣārtā vaṃdhyāḥ kākabakādikāḥ ||
durbhagāḥ śīlahīnāśca sarvakāmavivarjitāḥ
||29||स्त्रियो वा रजो दोषार्ता वंध्याः काकबकादिकाः ॥
दुर्भगाः शीलहीनाश्च सर्वकामविवर्जिताः
vimalode'pi tāḥ snātvā dṛṣṭvā vai viṃdhyavāsinīm ||
mucyaṃte sarvado ṣaistā nātra kāryā vicāraṇā
||30||विमलोदेऽपि ताः स्नात्वा दृष्ट्वा वै विंध्यवासिनीम् ॥
मुच्यंते सर्वदो षैस्ता नात्र कार्या विचारणा
aputrā prāpnuyuḥ putrānkanyā vīrapatiṃ varam ||
prāpyate sarvasaubhāgyaṃ sarvakāmavarapradam
||31||अपुत्रा प्राप्नुयुः पुत्रान्कन्या वीरपतिं वरम् ॥
प्राप्यते सर्वसौभाग्यं सर्वकामवरप्रदम्
vidyāvāñjāyate vipraḥ kṣatriyo vijayī bhavet ||
vaiśyaśca bahulābhāḍhyaḥ śūdraḥ sukhamathāśnute
||32||विद्यावाञ्जायते विप्रः क्षत्रियो विजयी भवेत् ॥
वैश्यश्च बहुलाभाढ्यः शूद्रः सुखमथाश्नुते
kathāṃ puṇyavatīmetāṃ sarvakāmavarapradām ||
paṭhanvāpyathavā śṛṇvangosahasraphalaṃ labhet
||33||कथां पुण्यवतीमेतां सर्वकामवरप्रदाम् ॥
पठन्वाप्यथवा शृण्वन्गोसहस्रफलं लभेत्
iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe'vantīkṣetramāhātmye viṃdhyavāsinī vimalodatīrthamāhātmyavarṇanaṃnāma pañcapañcāśattamo'dhyāyaḥ || 55 ||