khaṇḍe'vantīkṣetramāhātmye'gastyeśvaramāhātmyavarṇanam
sanatkumāra uvāca
svarṇakṣure naraḥ snātvā dṛṣṭvā devaṃ maheśvaram ||
kapilāśatadānasya phalamapyadhikaṃ bhavet
||1||स्वर्णक्षुरे नरः स्नात्वा दृष्ट्वा देवं महेश्वरम् ॥
कपिलाशतदानस्य फलमप्यधिकं भवेत्
vāpyāṃ pitāmaha syāpi yaḥ snāyādvijiteṃdriyaḥ ||
haṃsayuktena yānena brahmalokaṃ sa gacchati
||2||वाप्यां पितामह स्यापि यः स्नायाद्विजितेंद्रियः ॥
हंसयुक्तेन यानेन ब्रह्मलोकं स गच्छति
tailābhidhānamātṝṇāṃ rātrau yacchati yo balim ||
tasya siddhirbhave tsadyo mṛtaḥ śivapuraṃ yajet
||3||तैलाभिधानमातॄणां रात्रौ यच्छति यो बलिम् ॥
तस्य सिद्धिर्भवे त्सद्यो मृतः शिवपुरं यजेत्
viṣṇuvāpyāṃ naraḥ snātvā caitre vā phālgune'thavā ||
jāgaraṃ yastu kurvīta sopavāso jitendriyaḥ ||
mucyate sarva pāpebhyo viṣṇulokaṃ sa gacchati
||4||विष्णुवाप्यां नरः स्नात्वा चैत्रे वा फाल्गुनेऽथवा ॥
जागरं यस्तु कुर्वीत सोपवासो जितेन्द्रियः ॥
मुच्यते सर्व पापेभ्यो विष्णुलोकं स गच्छति
abhayeśvaradevasya bhaktyā niyatamānasaḥ ||
pūjābandhamatho dṛṣṭvā rudralokaṃ sa gacchati
||5||अभयेश्वरदेवस्य भक्त्या नियतमानसः ॥
पूजाबन्धमथो दृष्ट्वा रुद्रलोकं स गच्छति
loke tu jāyate dātā sārvabhaumo mahīpatiḥ ||
yastvagastveśvaraṃ gacchedekacitto naro mune
||6||लोके तु जायते दाता सार्वभौमो महीपतिः ॥
यस्त्वगस्त्वेश्वरं गच्छेदेकचित्तो नरो मुने
dṛṣṭvāgastyeśvaraṃ devaṃ sopavāso jiteṃdriyaḥ ||
agastyodayavelāyāṃ mucyate sarvapātakaiḥ
||7||दृष्ट्वागस्त्येश्वरं देवं सोपवासो जितेंद्रियः ॥
अगस्त्योदयवेलायां मुच्यते सर्वपातकैः
kṛtvāgastyaṃ ca sauvarṇaṃ raupyaṃ vātha svaśaktitaḥ ||
pañcaratnasamāyuktaṃ vastreṇa ca samanvitam
||8||कृत्वागस्त्यं च सौवर्णं रौप्यं वाथ स्वशक्तितः ॥
पञ्चरत्नसमायुक्तं वस्त्रेण च समन्वितम्
tatkālīnaiḥ phalaiḥ puṣpaiḥ pūjanīyo vidhānataḥ ||
vidhānaṃ tasya vakṣyāmi cāturvarṇye dvijottama
||9||तत्कालीनैः फलैः पुष्पैः पूजनीयो विधानतः ॥
विधानं तस्य वक्ष्यामि चातुर्वर्ण्ये द्विजोत्तम
saptadhānyāni mukhyāni tāvantyeva phalāni ca ||
ekaṃ dhānyaṃ phalaṃ caikamagre tyājyaṃ bhavenmune
||10||सप्तधान्यानि मुख्यानि तावन्त्येव फलानि च ॥
एकं धान्यं फलं चैकमग्रे त्याज्यं भवेन्मुने
yāvadvai sapta varṣāṇi vratamevaṃ samācaret
||11||यावद्वै सप्त वर्षाणि व्रतमेवं समाचरेत्
arghyamantraḥ ||
kāśapuṣpapratīkāśa vahnimārutasaṃ bhava ||
mitrāvaruṇayoḥ putra kumbhayone namo'stu te
||12||अर्घ्यमन्त्रः ॥
काशपुष्पप्रतीकाश वह्निमारुतसं भव ॥
मित्रावरुणयोः पुत्र कुम्भयोने नमोऽस्तु ते
datte'rghe yatphalaṃ vyāsa tadvai hyekamanāḥ śṛṇu ||
putravāndhanavāṃścaiva jāyate nātra saṃśayaḥ
||13||दत्तेऽर्घे यत्फलं व्यास तद्वै ह्येकमनाः शृणु ॥
पुत्रवान्धनवांश्चैव जायते नात्र संशयः
mṛtaḥ svargamavāpnoti saṃpanne jāyatekule ||
martyalokaṃ punaḥ prāpya mahāyogīśvaro bhavet
||14||मृतः स्वर्गमवाप्नोति संपन्ने जायतेकुले ॥
मर्त्यलोकं पुनः प्राप्य महायोगीश्वरो भवेत्
yaścaitacchṛṇuyānnityaṃ paṭhedvā susamāhitaḥ ||
sarvapāpavinirmukto muniloke sa modate
||15||यश्चैतच्छृणुयान्नित्यं पठेद्वा सुसमाहितः ॥
सर्वपापविनिर्मुक्तो मुनिलोके स मोदते
iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtya khaṇḍe'vantīkṣetramāhātmye'gastyeśvaramāhātmyavarṇanaṃnāma pañcatriṃśo'dhyāyaḥ || 35 ||