caṇḍīśvarāditīrthamāhātmyavarṇanam
sanatkumāra uvāca
śukreśvaraṃ samabhyarcya sitapuṣpairvilepanaiḥ ||
praṇipatya tato bhaktyā rudraloke mahīyate
||1||शुक्रेश्वरं समभ्यर्च्य सितपुष्पैर्विलेपनैः ॥
प्रणिपत्य ततो भक्त्या रुद्रलोके महीयते
bhīmeśvaraṃ naro dṛṣṭvā bhaktyā saṃpūjya yatnataḥ ||
na bhayaṃ labhate vyāsa raṇe rātrau jale'nale
||2||भीमेश्वरं नरो दृष्ट्वा भक्त्या संपूज्य यत्नतः ॥
न भयं लभते व्यास रणे रात्रौ जलेऽनले
gargeśvaraṃ snāpayitvā tilatailena mānavaḥ ||
bilvapatraistu saṃpūjya dharmavṛddhimavāpnuyāt
||3||गर्गेश्वरं स्नापयित्वा तिलतैलेन मानवः ॥
बिल्वपत्रैस्तु संपूज्य धर्मवृद्धिमवाप्नुयात्
upoṣitaścaturdaśyāṃ tilaprasthatilāṃbhasā ||
snāpayitvā tilairiṣṭvā sadā saukhyamavāpnuyāt
||4||उपोषितश्चतुर्दश्यां तिलप्रस्थतिलांभसा ॥
स्नापयित्वा तिलैरिष्ट्वा सदा सौख्यमवाप्नुयात्
gosahasraṃ naro dattvā bhāvaṃ kṛtvā viśeṣataḥ ||
bhavabaṃdhavinirmukto rudralokaṃ sa gacchati
||5||गोसहस्रं नरो दत्त्वा भावं कृत्वा विशेषतः ॥
भवबंधविनिर्मुक्तो रुद्रलोकं स गच्छति
kāmeśvaraṃ samabhyarcya kuṃkumādivilepanaiḥ ||
kāmikena vimānena yāti svargaṃ na saṃśayaḥ
||6||कामेश्वरं समभ्यर्च्य कुंकुमादिविलेपनैः ॥
कामिकेन विमानेन याति स्वर्गं न संशयः
cūḍāmaṇiṃ namaskṛtya navamyāṃ kārtike site ||
na viyoniṃ naro yāti dharmabuddhiḥ sa jāyate
||7||चूडामणिं नमस्कृत्य नवम्यां कार्तिके सिते ॥
न वियोनिं नरो याति धर्मबुद्धिः स जायते
caṃḍīśvaraṃ samabhyarcya kṛṣṇāṣṭamyāmupoṣitaḥ ||
nirmālyollaṃghanotthena na śokenāpi lipyate
||8||चंडीश्वरं समभ्यर्च्य कृष्णाष्टम्यामुपोषितः ॥
निर्माल्योल्लंघनोत्थेन न शोकेनापि लिप्यते
ityāditīrthāni maheśvarasya puṇyāni sarvāṇi naro'bhigamya ||
viśuddhacitto bhuvi bhāvitātmā prayāti śaṃbhorbhuvanaṃ suramyam
||9||इत्यादितीर्थानि महेश्वरस्य पुण्यानि सर्वाणि नरोऽभिगम्य ॥
विशुद्धचित्तो भुवि भावितात्मा प्रयाति शंभोर्भुवनं सुरम्यम्
iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe'vantīkṣetramāhātmye śukreśvarabhīmeśvara gargeśvarakāmeśvara cūḍāmaṇīśvara caṇḍīśvarāditīrthamāhātmyavarṇanaṃ nāma pañcaviṃśo'dhyāyaḥ || 25 ||
cha