svargadvāre naraḥ snātvā dṛṣṭvā devaṃ ca bhairavam
sanatkumāra uvāca
svargadvāre naraḥ snātvā dṛṣṭvā devaṃ ca bhairavam ||
śrāddhaṃ tatraiva kurvīta pitṝnuddiśya bhaktitaḥ
||1||स्वर्गद्वारे नरः स्नात्वा दृष्ट्वा देवं च भैरवम् ॥
श्राद्धं तत्रैव कुर्वीत पितॄनुद्दिश्य भक्तितः
pitṝṃśca sa naro vyāsa tārayedātmanā saha ||
svargadvāreṇa yo'bhyeti rudrasya paramaṃ padam
||2||पितॄंश्च स नरो व्यास तारयेदात्मना सह ॥
स्वर्गद्वारेण योऽभ्येति रुद्रस्य परमं पदम्
bhairavasyāgrato devī pūrve tiṣṭhati cāṃbikā ||
tāṃ tu dṛṣṭvā naraḥ strī vā mucyate sarvapātakaiḥ
||3||भैरवस्याग्रतो देवी पूर्वे तिष्ठति चांबिका ॥
तां तु दृष्ट्वा नरः स्त्री वा मुच्यते सर्वपातकैः
mahānavamyāṃ puruṣaḥ kṛtvā bastamayaṃ balim ||
mahiṣaṃ vā surāṃ māṃsaṃ mālāṃ bilvamayīṃ śubhām ||
bhaktyā nivedya devyai tu sarvāsiddhimavāpnuyāt
||4||महानवम्यां पुरुषः कृत्वा बस्तमयं बलिम् ॥
महिषं वा सुरां मांसं मालां बिल्वमयीं शुभाम् ॥
भक्त्या निवेद्य देव्यै तु सर्वासिद्धिमवाप्नुयात्
tatra snātvā naro bhaktyā pūjāṃ kṛtvā maheśvare ||
svargadvāreṇa so'bhyeti rudrasya bhavanaṃ dvija
||5||तत्र स्नात्वा नरो भक्त्या पूजां कृत्वा महेश्वरे ॥
स्वर्गद्वारेण सोऽभ्येति रुद्रस्य भवनं द्विज
iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe'vantīkṣetramāhātmye svargadvāramāhātmya varṇanaṃnāma trayodaśodhyāyaḥ || 13 ||