bhagavankṣetramāhātmyaṃ kathitaṃ ca yathātatham
vyāsa uvāca
bhagavankṣetramāhātmyaṃ kathitaṃ ca yathātatham ||
tīrthānāmuttamaṃ tīrthaṃ puṇyānāṃ puṇyavardhanam
||1||भगवन्क्षेत्रमाहात्म्यं कथितं च यथातथम् ॥
तीर्थानामुत्तमं तीर्थं पुण्यानां पुण्यवर्धनम्
kati saṃtyatra tīrthāni liṃgāni ca tathā kati ||
kathayasva prasādena pṛcchato mama sāṃpratam
||2||कति संत्यत्र तीर्थानि लिंगानि च तथा कति ॥
कथयस्व प्रसादेन पृच्छतो मम सांप्रतम्
sanatkumāra uvāca
ṣaṣṭikoṭisahasrāṇi ṣaṣṭikoṭiśatāni ca ||
mahākālavane vyāsa liṃgasaṃkhyā na vidyate
||3||षष्टिकोटिसहस्राणि षष्टिकोटिशतानि च ॥
महाकालवने व्यास लिंगसंख्या न विद्यते
akāmo vā sakāmo vā jāyate yo'tra mānavaḥ ||
mahākālavane ramye śivaloke mahīyate
||4||अकामो वा सकामो वा जायते योऽत्र मानवः ॥
महाकालवने रम्ये शिवलोके महीयते
kṛtakāmāni tīrthāni prāsādāyatanāni ca ||
teṣu snātvā śucirbhūtvā śivaloke mahīyate
||5||कृतकामानि तीर्थानि प्रासादायतनानि च ॥
तेषु स्नात्वा शुचिर्भूत्वा शिवलोके महीयते
puṇyāni sarvatīrthāni siddhikṣetrāṇi sarvataḥ ||
teṣāṃ mukhyatamaṃ viddhi kṣetraṃ tīrthaṃ tathottamam
||6||पुण्यानि सर्वतीर्थानि सिद्धिक्षेत्राणि सर्वतः ॥
तेषां मुख्यतमं विद्धि क्षेत्रं तीर्थं तथोत्तमम्
yaḥ śṛṇoti mahābhaktyā sa yāti paramāṃ gatim
||7||यः शृणोति महाभक्त्या स याति परमां गतिम्
iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvantya khaṇḍe'vantīkṣetramāhātmye mahākālavanamāhātmyavarṇanaṃnāmaikonacatvāriṃśo'dhyāyaḥ || 39 ||