ekānaṃśāṃ namaskṛtya devīṃ trailokyaviśrutām
sanatkumāra uvāca
ekānaṃśāṃ namaskṛtya devīṃ trailokyaviśrutām ||
pūjāṃ kṛtvā vidhānena sarvasiddhiphalaṃ labhet
||1||एकानंशां नमस्कृत्य देवीं त्रैलोक्यविश्रुताम् ॥
पूजां कृत्वा विधानेन सर्वसिद्धिफलं लभेत्
aṇimādiguṇānsarvānguṭikāsiddhimaṃjanam ||
khaḍgaṃ ca pāduke caiva vilavāsaṃ rasāyanam ||
sarvaṃ tuṣṭā prayaccheta nātra kāryā vicāraṇā
||2||अणिमादिगुणान्सर्वान्गुटिकासिद्धिमंजनम् ॥
खड्गं च पादुके चैव विलवासं रसायनम् ॥
सर्वं तुष्टा प्रयच्छेत नात्र कार्या विचारणा
surāmāṃsopahāraiśca bhakṣyabhojyaiśca pūjitā ||
sarvānkāmānnṛṇāṃ devī tuṣṭā dadyācca sarvadā
||3||सुरामांसोपहारैश्च भक्ष्यभोज्यैश्च पूजिता ॥
सर्वान्कामान्नृणां देवी तुष्टा दद्याच्च सर्वदा
mahānavamyāṃ yo devīṃ mahiṣeṇa prapūjayet ||
meṣeṇa vā yathālābhaṃ sarvānkāmānavāpnuyā t
||4||महानवम्यां यो देवीं महिषेण प्रपूजयेत् ॥
मेषेण वा यथालाभं सर्वान्कामानवाप्नुया त्
vyāsa uvāca
kathaṃ devī samutpannā ekānaṃśeti viśrutā ||
tatsarvaṃ śrotumicchāmi sarvapāpapraṇāśinī
||5||कथं देवी समुत्पन्ना एकानंशेति विश्रुता ॥
तत्सर्वं श्रोतुमिच्छामि सर्वपापप्रणाशिनी
sanatkumāra uvāca
purā kṛtayugasyādau brahmā lokapitāmahaḥ ||
niśāṃ sasmāra bhagavānsvāṃ tanūṃ pūrvasaṃbhavām
||6||पुरा कृतयुगस्यादौ ब्रह्मा लोकपितामहः ॥
निशां सस्मार भगवान्स्वां तनूं पूर्वसंभवाम्
tato bhagavatī rātrirupatasthe pitāmaham ||
tāṃ vivikte samālokya brahmovāca vibhāvarīm
||7||ततो भगवती रात्रिरुपतस्थे पितामहम् ॥
तां विविक्ते समालोक्य ब्रह्मोवाच विभावरीम्
brahmovāca
vibhāvarī mahāmāye vibudhānāmupasthitam ||
yatkartavyaṃ tvayā devi śṛṇu cārthasya niścayam
||8||विभावरी महामाये विबुधानामुपस्थितम् ॥
यत्कर्तव्यं त्वया देवि शृणु चार्थस्य निश्चयम्
tārakonāma daityeṃdraḥ suraśatruranirjitaḥ ||
tasya bhayena vai devāstrastāḥ sarve divaukasaḥ
||9||तारकोनाम दैत्येंद्रः सुरशत्रुरनिर्जितः ॥
तस्य भयेन वै देवास्त्रस्ताः सर्वे दिवौकसः
tasmādbhadre maheśo vai janayiṣyati cedvaram ||
sutaṃ sa bhavitā tasya tārakasyāṃtakaḥ kila
||10||तस्माद्भद्रे महेशो वै जनयिष्यति चेद्वरम् ॥
सुतं स भविता तस्य तारकस्यांतकः किल
śaṃkaramyābhavatpatnī satī dakṣasutā tu yā ||
sā pituḥ kupitā bhadre kasmiṃścitkāraṇāṃtare
||11||शंकरम्याभवत्पत्नी सती दक्षसुता तु या ॥
सा पितुः कुपिता भद्रे कस्मिंश्चित्कारणांतरे
bhavitrī himaśailasya duhitā lokapāvanī ||
viraheṇa harastasyā matvā śūnyaṃjagattrayam
||12||भवित्री हिमशैलस्य दुहिता लोकपावनी ॥
विरहेण हरस्तस्या मत्वा शून्यंजगत्त्रयम्
atapaddhimaśailasya kaṃdare siddhasevite ||
pratīkṣamāṇastajjanma kiṃcitkālaṃ vasiṣyati
||13||अतपद्धिमशैलस्य कंदरे सिद्धसेविते ॥
प्रतीक्षमाणस्तज्जन्म किंचित्कालं वसिष्यति
tasmātsutaptatapasorbhavitā yo mahāprabhuḥ ||
sa bhaviṣyati daityasya tārakasya nivārakaḥ
||14||तस्मात्सुतप्ततपसोर्भविता यो महाप्रभुः ॥
स भविष्यति दैत्यस्य तारकस्य निवारकः
jātamātrā tu sā devī svalpasaṃjñaiva bhāminī ||
virahotkaṃṭhitā gāḍhaṃ harasaṃgamalālasā
||15||जातमात्रा तु सा देवी स्वल्पसंज्ञैव भामिनी ॥
विरहोत्कंठिता गाढं हरसंगमलालसा
tayoḥ sutaptatapasoḥ saṃyogaḥ syātsuyuktayoḥ ||
pārvatīharayostasmātsurataṃ śaktikāraṇam
||16||तयोः सुतप्ततपसोः संयोगः स्यात्सुयुक्तयोः ॥
पार्वतीहरयोस्तस्मात्सुरतं शक्तिकारणम्
bhavettatra surāṇāṃ ca kāryārthe vipramācara ||
vighnaṃ tvayā vidhātavyaṃ yathā tābhyāṃ tathā śṛṇu
||17||भवेत्तत्र सुराणां च कार्यार्थे विप्रमाचर ॥
विघ्नं त्वया विधातव्यं यथा ताभ्यां तथा शृणु
garbhasthāne'tha tāṃ mātaḥ svena rūpeṇa raṃjaya ||
tato rahasi śarvastāṃ bibhradānaṃdapūrvakam
||18||गर्भस्थानेऽथ तां मातः स्वेन रूपेण रंजय ॥
ततो रहसि शर्वस्तां बिभ्रदानंदपूर्वकम्
hāsayiṣyati kālīti tataḥ sā kupitā satī ||
prayāsyati tapaḥ kartuṃ tataḥ sā tapasā yutā
||19||हासयिष्यति कालीति ततः सा कुपिता सती ॥
प्रयास्यति तपः कर्तुं ततः सा तपसा युता
janayiṣyati yaṃ śarvādiṃduvajjyotimaṃḍa lam ||
sa bhaviṣyati haṃtā vai surārīṇāṃ na saṃśayaḥ
||20||जनयिष्यति यं शर्वादिंदुवज्ज्योतिमंड लम् ॥
स भविष्यति हंता वै सुरारीणां न संशयः
tvayāpi dānavā devi haṃtavyā lokadurjayāḥ ||
yāvacca na satī dehe saṃkrāṃtaguṇasaṃcayā
||21||त्वयापि दानवा देवि हंतव्या लोकदुर्जयाः ॥
यावच्च न सती देहे संक्रांतगुणसंचया
tatsaṃgamena tāvattvaṃ daityānhaṃtuṃ bhaviṣyasi ||
evaṃ kṛte tvayā devi tapaḥ kālī kariṣyati
||22||तत्संगमेन तावत्त्वं दैत्यान्हंतुं भविष्यसि ॥
एवं कृते त्वया देवि तपः काली करिष्यति
samāptaniyamā sā ca yadā gaurī bhaviṣyati ||
tadā tavāpi sārūpyaṃ śailajā saṃpradāsyati
||23||समाप्तनियमा सा च यदा गौरी भविष्यति ॥
तदा तवापि सारूप्यं शैलजा संप्रदास्यति
tatastavāpi sahajā saikānaṃśā bhaviṣyati ||
rūpāṃśena ca saṃyuktā tvamumākhyā bhaviṣyasi
||24||ततस्तवापि सहजा सैकानंशा भविष्यति ॥
रूपांशेन च संयुक्ता त्वमुमाख्या भविष्यसि
ekānaṃśeti lokastvāṃ varade pūjayiṣyati ||
bhedairbahuvidhākāraiḥ sarvagāṃ kāmasādhanīm 25 ||
oṃkāravaktrā gāyatrī tvameva brahmavādinī ||
ākrāṃtarucirākārā rājñāṃ cāhavaśālinī
||26||एकानंशेति लोकस्त्वां वरदे पूजयिष्यति ॥
भेदैर्बहुविधाकारैः सर्वगां कामसाधनीम् २५ ॥
ॐकारवक्त्रा गायत्री त्वमेव ब्रह्मवादिनी ॥
आक्रांतरुचिराकारा राज्ञां चाहवशालिनी
viśāṃ tvaṃ kamalādevī śūdrāṇāṃ jananī svayam ||
jñānināṃ jñeyarūpā tvaṃ tvaṃ gatiḥ sarvadehinām
||27||विशां त्वं कमलादेवी शूद्राणां जननी स्वयम् ॥
ज्ञानिनां ज्ञेयरूपा त्वं त्वं गतिः सर्वदेहिनाम्
tvaṃ ca kīrtimatāṃ kīrtistvaṃ bhūtiḥ sarvadehinām ||
ratidā raktacittānāṃ prītistvaṃ snehavartinām
||28||त्वं च कीर्तिमतां कीर्तिस्त्वं भूतिः सर्वदेहिनाम् ॥
रतिदा रक्तचित्तानां प्रीतिस्त्वं स्नेहवर्तिनाम्
tvaṃ kāṃtiḥ kṛtabhūṣā ṇāṃ tvaṃ śāṃtirhṛṣṭakarmaṇām ||
tvaṃ ca bhrāṃtirabodhānāṃ tvaṃ kīrtiḥ kramayājinām
||29||त्वं कांतिः कृतभूषा णां त्वं शांतिर्हृष्टकर्मणाम् ॥
त्वं च भ्रांतिरबोधानां त्वं कीर्तिः क्रमयाजिनाम्
mahāvelā samudrāṇāṃ vilāsastvaṃ vilāsinām ||
saṃbhūtistvaṃ padārthānāṃ sthitistvaṃ lokaśālinām
||30||महावेला समुद्राणां विलासस्त्वं विलासिनाम् ॥
संभूतिस्त्वं पदार्थानां स्थितिस्त्वं लोकशालिनाम्
ityanekavidhairdevi rūpairlokeṣu carcitā ||
ye tvāṃ paśyaṃti varade pūjayiṣyaṃti cāpi ye ||
kāmā nāpsyaṃti te sarve niyataṃ nātra saṃśayaḥ
||31||इत्यनेकविधैर्देवि रूपैर्लोकेषु चर्चिता ॥
ये त्वां पश्यंति वरदे पूजयिष्यंति चापि ये ॥
कामा नाप्स्यंति ते सर्वे नियतं नात्र संशयः
ityevaṃ sā samutpannā brahmaṇā saṃstutā satī ||
ekānaṃśā mahādevī dhyātavyā sāpi bhaktitaḥ
||32||इत्येवं सा समुत्पन्ना ब्रह्मणा संस्तुता सती ॥
एकानंशा महादेवी ध्यातव्या सापि भक्तितः
iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe'vantīkṣetramāhātmya ekānaṃśāmāhātmyavarṇanaṃnāmāṣṭādaśo 'dhyāyaḥ || 18 ||