athātaḥ saṃpravakṣyāmi harasiddhiṃ susiddhidām
sanatkumāra uvāca
athātaḥ saṃpravakṣyāmi harasiddhiṃ susiddhidām ||
pārvatyā haraṇe yatra siddhiḥ prāptā hareṇa ca
||1||अथातः संप्रवक्ष्यामि हरसिद्धिं सुसिद्धिदाम् ॥
पार्वत्या हरणे यत्र सिद्धिः प्राप्ता हरेण च
balinau dānavau jātau nāmnā caṇḍapracaṃḍakau ||
utkhāya tridivaṃ sarvaṃ giriṃ kailāsamāgatau
||2||बलिनौ दानवौ जातौ नाम्ना चण्डप्रचंडकौ ॥
उत्खाय त्रिदिवं सर्वं गिरिं कैलासमागतौ
dṛṣṭvā tatra girīśaṃ tu udyatākṣākṣahastakam ||
nāgeśaṃ śaśikhaṭvāṃgaṃ gṛhītvā dakṣiṇe kare
||3||दृष्ट्वा तत्र गिरीशं तु उद्यताक्षाक्षहस्तकम् ॥
नागेशं शशिखट्वांगं गृहीत्वा दक्षिणे करे
devidevīti jalpaṃtaṃ dāsaste'smīti vādinam ||
yāvadekaṃ tu phalakaṃ tāvaddyūtaṃ pravartatām
||4||देविदेवीति जल्पंतं दासस्तेऽस्मीति वादिनम् ॥
यावदेकं तु फलकं तावद्द्यूतं प्रवर्तताम्
rāgībhūte tadā deve tau prāptau devakaṃṭakau ||
utsāditāḥ śivagaṇā naṃdinā pratiṣedhitau
||5||रागीभूते तदा देवे तौ प्राप्तौ देवकंटकौ ॥
उत्सादिताः शिवगणा नंदिना प्रतिषेधितौ
tatastābhyāṃ tadā naṃdī śūlābhyāṃ pravidāritaḥ ||
samaṃ savyadakṣiṇaṃ vai susrāva rudhiraṃ bahu
||6||ततस्ताभ्यां तदा नंदी शूलाभ्यां प्रविदारितः ॥
समं सव्यदक्षिणं वै सुस्राव रुधिरं बहु
naṃdinaṃ tāḍitaṃ dṛṣṭvā tadā śilādanaṃdanam ||
dhyātā hareṇa sā devī praṇatā sā'grataḥ sthitā
||7||नंदिनं ताडितं दृष्ट्वा तदा शिलादनंदनम् ॥
ध्याता हरेण सा देवी प्रणता साऽग्रतः स्थिता
vadhyatāṃ tau mahādaityau vadhāmīti vaco'bravīt ||
gṛhītvā mudgaraṃ ghoramatikrodhādatāḍayat
||8||वध्यतां तौ महादैत्यौ वधामीति वचोऽब्रवीत् ॥
गृहीत्वा मुद्गरं घोरमतिक्रोधादताडयत्
yadā tayā hatau dṛṣṭau dānavau balagavitau ||
harastāmāha he caṃḍi saṃhṛtau duṣṭadānavau
||9||यदा तया हतौ दृष्टौ दानवौ बलगवितौ ॥
हरस्तामाह हे चंडि संहृतौ दुष्टदानवौ
harasiddhirato loke nāmnā khyātiṃ gamiṣyasi ||
tataḥ prabhṛti sā devī harasiddhi pradāyinī ||
harasiddhiriti khyātā mahākāle babhūva ha
||10||हरसिद्धिरतो लोके नाम्ना ख्यातिं गमिष्यसि ॥
ततः प्रभृति सा देवी हरसिद्धि प्रदायिनी ॥
हरसिद्धिरिति ख्याता महाकाले बभूव ह
yaḥ paśyetparayā bhaktyā harasiddhiṃ narottamaḥ ||
so'kṣayām̐llabhate kāmānmṛtaḥ śivapuraṃ vrajet
||11||यः पश्येत्परया भक्त्या हरसिद्धिं नरोत्तमः ॥
सोऽक्षयाँल्लभते कामान्मृतः शिवपुरं व्रजेत्
ādisiddhiṃ mahādevīṃ nityāṃ vyomasvarūpiṇīm ||
harasiddhiṃ prapaśyedyaḥ so'bhīṣṭaṃ labhate phalam
||12||आदिसिद्धिं महादेवीं नित्यां व्योमस्वरूपिणीम् ॥
हरसिद्धिं प्रपश्येद्यः सोऽभीष्टं लभते फलम्
yaḥ smareddharasiddhīti maṃtraṃ ca caturakṣaram ||
na vairiṇo bhayaṃ tasya dāridryaṃ naiva jāyate
||13||यः स्मरेद्धरसिद्धीति मंत्रं च चतुरक्षरम् ॥
न वैरिणो भयं तस्य दारिद्र्यं नैव जायते
naro mahānavamyāṃ yo harasiddhiṃ prapūjayet ||
mahiṣaṃ ca baliṃ dadyātsa bhavedbhūpatirbhuvi
||14||नरो महानवम्यां यो हरसिद्धिं प्रपूजयेत् ॥
महिषं च बलिं दद्यात्स भवेद्भूपतिर्भुवि
navamyāṃ pūjitā devī harasiddhirharapriyā ||
tuṣṭā nṛṇāṃ sadā vyāsa dadātyanavamaṃ phalam
||15||नवम्यां पूजिता देवी हरसिद्धिर्हरप्रिया ॥
तुष्टा नृणां सदा व्यास ददात्यनवमं फलम्
sā puṇyā sā pavitrā ca sarvatra sukhadāyinī ||
smṛtā saṃpūjitā dṛṣṭā dhanaputrasukhapradā
||16||सा पुण्या सा पवित्रा च सर्वत्र सुखदायिनी ॥
स्मृता संपूजिता दृष्टा धनपुत्रसुखप्रदा
mahānavamyāṃ ye vyāsa hanyaṃte mahiṣādayaḥ ||
sarve te svargatiṃ yāṃti ghnatāṃ pāpaṃ na vidyate
||17||महानवम्यां ये व्यास हन्यंते महिषादयः ॥
सर्वे ते स्वर्गतिं यांति घ्नतां पापं न विद्यते
iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvatyakhaṃḍe'vantīkṣetramāhātmye harasiddhimāhātmya varṇanaṃnāmaikonaviṃśo'dhyāyaḥ || 19 ||