Traditionally attributed to Vālmīki; dialogue of Vasiṣṭha and Rāma
śrīvasiṣṭha uvāca .
atraiva vastunyuditā śrṛṇu rāghava pūrvajāḥ .
kacena gāthā yā gītā bārhaspatyena pāvanāḥ
||1||kasmiṃścinmerugahane'tiṣṭhansuraguroḥ sutaḥ .
kadācidabhyāsavaśādviśrāntiṃ prāpa cātmani
||2||samyagjñānāmṛtāpūrṇā matirnāramatāsya sā .
pañcabhūtamaye'mānye dṛśye'sminpelavātmani
||3||sa tena nirviṇṇa iva sadātmatvādṛte padam .
apaśyansamuvācedameko gadgadayā girā
||4||kiṃ karomi kva gacchāmi kiṃ gṛhṇāmi tyajāmi kim.
ātmanā pūritaṃ viśvaṃ mahākalpāmbunā yathā
||5||duḥkhamātmā sukhaṃ caiva khamāśāsumahattayā .
sarvamātmamayaṃ jñātaṃ naṣṭakaṣṭo'hamātmanā
||6||sabāhyābhyantare dehe adhaścordhvaṃ ca dikṣu ca .
ita ātmā tataścātmā nāstyanātmamayaṃ kvacit
||7||sarvatraiva sthito hyātmā sarvamātmamayaṃ sthitam .
sarvamevedamātmaivamātmanyeva bhavāmyaham
||8||yannāma nāma tatkiṃcitsarvamevāhamāntaraḥ .θ
āpūritāpāranabhāḥ sarvatra sanmayaḥ sthitaḥ
||9||pūrṇastiṣṭhāmi modātmā sukhamekārṇavopamaḥ .
ityevaṃ bhāvayaṃstatra kanakācalakuñjake
||10||uccārayannoṅkāraṃ ca ghaṇṭāsvanamiva kramāt .
oṃkārasya kalāmātraṃ pāścātyaṃ vālakomalam .
nāntarastho na bāhyastho bhāvayanparame hṛdi
||11||vyapagatakalanākalaṅkaśuddho
hṛdayanirantaralīnavātavṛttiḥ .
gataghanaśaradāśayopamānaḥ
sthita iti rāma kacaḥ sa gāyamānaḥ
||12||ityārṣe śrīvāsiṣṭhamahārāmāyaṇe vālmīkīye mo0 sthitiprakaraṇe kacagāthānāmāṣṭapañcāśaḥ sargaḥ .. 58 ..