Traditionally attributed to Vālmīki; dialogue of Vasiṣṭha and Rāma
śrīvasiṣṭha uvāca .
eṣa tāvatkramaḥ proktaḥ sāmānyaḥ sarvadehinām .
imamanyaṃ viśeṣaṃ tvaṃ śrṛṇu rājīvalocana
||1||asminsaṃsārasaṃrambhe jātānāṃ dehadhāriṇām .
apavargakṣamau rāma dvāvimāvuttamau kramau
||2||ekastāvadguruproktādanuṣṭhānācchanaiḥ śanaiḥ .
janmanā janmabhirvāpi siddhidaḥ samudāhṛtaḥ
||3||dvitīyastvātmanaivāśu kiṃcidvyutpannacetasā .
bhavati jñānasaṃprāptirākāśaphalapātavat
||4||nabhaḥphalanipātābhajñānasaṃpratipattaye .
tatremaṃ śrṛṇu vṛttāntaṃ prāktanaṃ kathayāmi te
||5||śrṛṇu subhaga kathāṃ mahānubhāvā
vyapagatapūrvaśubhāśubhārgalaughāḥ .
khapatitaphalavatparaṃ vivekaṃ
caramabhavā vimalaṃ samaśnuvanti
||6||ityārṣe śrīvāsiṣṭhamahārāmāyaṇe vā0 mokṣopāyeṣūpaśamaprakaraṇe ākāśaphalaprāptivajjñānasaṃprāptikramasūcanaṃ nāma saptamaḥ sargaḥ .. 7 ..