triṣu lokeṣu vikhyātaṃ dvātriṃśattamamuttamam
īśvara uvāca
triṣu lokeṣu vikhyātaṃ dvātriṃśattamamuttamam ||
viddhi siddhipradaṃ puṃsāṃ pattaneśvaramīśvaram
||1||त्रिषु लोकेषु विख्यातं द्वात्रिंशत्तममुत्तमम् ॥
विद्धि सिद्धिप्रदं पुंसां पत्तनेश्वरमीश्वरम्
purā'haṃ parvate devi maṃdare cārukandar ||
krīḍansārddhaṃ tvayā pṛṣṭaḥ kadācidrahasi sthitaḥ
||2||पुराऽहं पर्वते देवि मंदरे चारुकन्दर् ॥
क्रीडन्सार्द्धं त्वया पृष्टः कदाचिद्रहसि स्थितः
kimarthaṃ parvataṃ tyaktvā kailāsaṃ ramaṇīyakam ||
muktā phalaśilāśubhraṃ śaṅkhacandrāṃśunirmalam
||3||किमर्थं पर्वतं त्यक्त्वा कैलासं रमणीयकम् ॥
मुक्ता फलशिलाशुभ्रं शङ्खचन्द्रांशुनिर्मलम्
siddhacāraṇagandharvakiṃnarodgītanāditam ||
sadā puṣpadrumacchannaṃ kadalīvanarājitam
||4||सिद्धचारणगन्धर्वकिंनरोद्गीतनादितम् ॥
सदा पुष्पद्रुमच्छन्नं कदलीवनराजितम्
atha kokilacakrāhvacakorakurarākulam ||
pu'ṇyalokopamaṃ sthānaṃ triviṣṭapavibhūṣaṇam
||5||अथ कोकिलचक्राह्वचकोरकुरराकुलम् ॥
पुऽण्यलोकोपमं स्थानं त्रिविष्टपविभूषणम्
mahākālavane śūnye nānāgulmalatāvṛte ||
gajeṃdragajaśārdūla siṃhaśambarasaṃkule
||6||महाकालवने शून्ये नानागुल्मलतावृते ॥
गजेंद्रगजशार्दूल सिंहशम्बरसंकुले
ṛkṣavānaragomāyujantukādivirājite ||
mayūrasarpamārjāramūṣikādivirājite
||7||ऋक्षवानरगोमायुजन्तुकादिविराजिते ॥
मयूरसर्पमार्जारमूषिकादिविराजिते
kathaṃ vāsaḥ kṛto deva kautūhalamidaṃ mama
||8||कथं वासः कृतो देव कौतूहलमिदं मम
iti pṛṣṭastvayā devi maṃdare cārukandare ||
mayā proktaṃ prasannena pattanaṃ ca mama priye
||9||इति पृष्टस्त्वया देवि मंदरे चारुकन्दरे ॥
मया प्रोक्तं प्रसन्नेन पत्तनं च मम प्रिये
mahākālavanaṃ ramyaṃ svargātsukhakaraṃ param ||
. smaśānapīṭhasatkṣetravanoparasamāśritam
||10||महाकालवनं रम्यं स्वर्गात्सुखकरं परम् ॥
. स्मशानपीठसत्क्षेत्रवनोपरसमाश्रितम्
anaupamyaguṇaṃ viddhi pattanaṃ parvatātmaje ||
evaṃ pattanadevo vai na dṛṣṭo bhuvanatraye ||
gītavāditracāturyaiḥ sparddhate yaḥ surālayam
||11||अनौपम्यगुणं विद्धि पत्तनं पर्वतात्मजे ॥
एवं पत्तनदेवो वै न दृष्टो भुवनत्रये ॥
गीतवादित्रचातुर्यैः स्पर्द्धते यः सुरालयम्
etasminnaṃtare devi devarṣirnārado muniḥ ||
draṣṭukāmaḥ samāyāto mandare māṃ yaśasvini
||12||एतस्मिन्नंतरे देवि देवर्षिर्नारदो मुनिः ॥
द्रष्टुकामः समायातो मन्दरे मां यशस्विनि
vinodārthaṃ mayā pṛṣṭastvatpriyārthaṃ kutūhalāt ||
kva tvayā gamitaḥ kālaḥ kalpasaṃkhyo mahāmune
||13||विनोदार्थं मया पृष्टस्त्वत्प्रियार्थं कुतूहलात् ॥
क्व त्वया गमितः कालः कल्पसंख्यो महामुने
kasminnāśramasaṃsthāne tapasaḥ saṃcayaḥ kṛtaḥ ||
tīrthāni kāni bhrāṃtāni kva te ratirabhūcciram
||14||कस्मिन्नाश्रमसंस्थाने तपसः संचयः कृतः ॥
तीर्थानि कानि भ्रांतानि क्व ते रतिरभूच्चिरम्
kautukaṃ dṛṣṭapūrvaṃ tu vada me munisattama ||
iti pṛṣṭo mayā devi brahmaputro mahāmuniḥ ||
kathayāmāsa vṛttāṃtaṃ pattanasya prayatnataḥ
||15||कौतुकं दृष्टपूर्वं तु वद मे मुनिसत्तम ॥
इति पृष्टो मया देवि ब्रह्मपुत्रो महामुनिः ॥
कथयामास वृत्तांतं पत्तनस्य प्रयत्नतः
bahūni saṃparikramya tīrthānyāyatanāni ca ||
pattanāni vicitrāṇi deśāśca nagarāṇi ca
||16||बहूनि संपरिक्रम्य तीर्थान्यायतनानि च ॥
पत्तनानि विचित्राणि देशाश्च नगराणि च
aṭanārthaṃ mahādeva jaṃbūdvīpe manorame ||
dṛṣṭaḥ pattanarājaśca sadānaṃdakaraḥ paraḥ
||17||अटनार्थं महादेव जंबूद्वीपे मनोरमे ॥
दृष्टः पत्तनराजश्च सदानंदकरः परः
svecchākalpitavinyāsaḥ prāsādaśatakalpitaḥ ||
icchākāmaphalāvāptira nirdeśyasukhāvahaḥ
||18||स्वेच्छाकल्पितविन्यासः प्रासादशतकल्पितः ॥
इच्छाकामफलावाप्तिर निर्देश्यसुखावहः
sarvartukusumāmodasukhasparśānilāvṛtaḥ ||
vīṇāveṇuravairghuṣṭo manaḥprahlādakārakaḥ
||19||सर्वर्तुकुसुमामोदसुखस्पर्शानिलावृतः ॥
वीणावेणुरवैर्घुष्टो मनःप्रह्लादकारकः
vajreṃdranīlavaiḍūryacandrakāṃtādidī pitaḥ ||
jarāmṛtyubhayopetaḥ sarvavyādhivivarjitaḥ
||20||वज्रेंद्रनीलवैडूर्यचन्द्रकांतादिदी पितः ॥
जरामृत्युभयोपेतः सर्वव्याधिविवर्जितः
śakrāgniyamarakṣobdhivāyusomeśasevitaḥ ||
ūrddhādhaḥ saptalokeṣu puṇyeṣu nivasaṃti hi
||21||शक्राग्नियमरक्षोब्धिवायुसोमेशसेवितः ॥
ऊर्द्धाधः सप्तलोकेषु पुण्येषु निवसंति हि
sadā pramuditā devāste'pi kāṃkṣaṃti pattanann ||
tatra śāṃtā mahātmāno nivasaṃte maheśvara
||22||सदा प्रमुदिता देवास्तेऽपि कांक्षंति पत्तनन्न् ॥
तत्र शांता महात्मानो निवसंते महेश्वर
vidyotitadiśo dāṃtāḥ sūrya vaiśvānaraprabhāḥ ||
divyāṃbaradharā dhīrā jagamukuṭadhāriṇaḥ
||23||विद्योतितदिशो दांताः सूर्य वैश्वानरप्रभाः ॥
दिव्यांबरधरा धीरा जगमुकुटधारिणः
viprā māheśvarāḥ puṇyāḥ kṣatriyā haratatparāḥ ||
mumukṣavastaponiṣṭhā vaiśyā śūdrāścirāyupaḥ
||24||विप्रा माहेश्वराः पुण्याः क्षत्रिया हरतत्पराः ॥
मुमुक्षवस्तपोनिष्ठा वैश्या शूद्राश्चिरायुपः
sa śubhrarūpaḥ sa ca lohitākṛtiḥ sa cāpi pītaḥ sasitetaraḥ kvacit ||
sa nāmadheyaḥ sa ca nāmavarjyaḥ so'dṛ śyarūpaḥ sa ca dṛṣṭarūpaḥ
||25||स शुभ्ररूपः स च लोहिताकृतिः स चापि पीतः ससितेतरः क्वचित् ॥
स नामधेयः स च नामवर्ज्यः सोऽदृ श्यरूपः स च दृष्टरूपः
kvacidravisahasrākṣaḥ kvacidekaraviprabhaḥ ||
kvaciccandrādviśiṣyeta kvacidaṃgulikāṃtimān
||26||क्वचिद्रविसहस्राक्षः क्वचिदेकरविप्रभः ॥
क्वचिच्चन्द्राद्विशिष्येत क्वचिदंगुलिकांतिमान्
janma mṛtyujarārogairduḥkhāni vividhāni ca ||
prayāti vilayaṃ tāni prasanne pattaneśvare
||27||जन्म मृत्युजरारोगैर्दुःखानि विविधानि च ॥
प्रयाति विलयं तानि प्रसन्ने पत्तनेश्वरे
eṣa te kathito devi prabhāvaḥ pāpanāśanaḥ ||
pattaneśasya devasya ānaṃdeśamataḥ śṛṇu
||28||एष ते कथितो देवि प्रभावः पापनाशनः ॥
पत्तनेशस्य देवस्य आनंदेशमतः शृणु
iti śrīskāṃde mahāpurāṇa ekāśītisāhasryāṃ saṃhitāyāṃ paṃcama āvaṃtyakhaṃḍe caturaśītiliṃgamāhātmye pattaneśvara māhātmyavarṇanaṃnāma dvātriṃśo'dhyāyaḥ || 32 ||