kṣemaṃkareśvaramāhātmyavarṇanam
īśvara uvāca
tato gacchenmahādevi kṣemeśvaramanuttamam ||
tasmāduttarakoṇasthaṃ kapāleśāgnigocare
||1||ततो गच्छेन्महादेवि क्षेमेश्वरमनुत्तमम् ॥
तस्मादुत्तरकोणस्थं कपालेशाग्निगोचरे
dhanuṣāṃ paṃcadaśake kapāleśvarataḥ sthitam ||
liṃgaṃ mahāprabhāvaṃ hi sarvapātakanāśanam
||2||धनुषां पंचदशके कपालेश्वरतः स्थितम् ॥
लिंगं महाप्रभावं हि सर्वपातकनाशनम्
kṣemamūrtiḥ purā rājā babhūva sa mahābalaḥ ||
tena tatra tapastaptaṃ cirakālaṃ mahātmanā
||3||क्षेममूर्तिः पुरा राजा बभूव स महाबलः ॥
तेन तत्र तपस्तप्तं चिरकालं महात्मना
tataḥ saṃsthāpitaṃ liṃgaṃ bhaktyā bhāvitacetasā ||
taddṛṣṭvā kṣemamāyāti kāryaṃ kṣemeṇa siddhyati
||4||ततः संस्थापितं लिंगं भक्त्या भावितचेतसा ॥
तद्दृष्ट्वा क्षेममायाति कार्यं क्षेमेण सिद्ध्यति
sarvakāmasamṛddhātmā bhūyā jjanmanijanmani ||
evaṃ kṣemeśvaraṃ liṃgaṃ khyātaṃ pātakanāśanam
||5||सर्वकामसमृद्धात्मा भूया ज्जन्मनिजन्मनि ॥
एवं क्षेमेश्वरं लिंगं ख्यातं पातकनाशनम्
sarvakāmapradaṃ nṛṇāṃ śrutaṃ saubhāgyadāyakam ||
darśanenāpi tasyāpi gośatasya phalaṃ smṛtam
||6||सर्वकामप्रदं नृणां श्रुतं सौभाग्यदायकम् ॥
दर्शनेनापि तस्यापि गोशतस्य फलं स्मृतम्
tasmātkṣetraphalākāṃkṣī nityaṃ talliṃgamāśrayet
||7||तस्मात्क्षेत्रफलाकांक्षी नित्यं तल्लिंगमाश्रयेत्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye kṣemaṃkareśvaramāhātmyavarṇanaṃnāma saptaviṃśatyuttaraśatatamo'dhyāyaḥ || 127 ||