पुष्करकुण्डमाहात्म्यवर्णनम्
ईश्वर उवाच
ततो गच्छेन्महादेवि तृतीयं पुष्करं महत् ॥
तस्यैव पूर्वदिग्भागे किञ्चिदीशानगोचरे ॥
कनीयः संस्मृतं कुंडं पुष्करंनाम नामतः
॥१॥यत्र मध्याह्नसमये ब्रह्मणा समुपासिता ॥
सन्ध्या त्रैलोक्यजननी प्रतिष्ठार्थं गतेन च
॥२॥तत्र यः कुरुते स्नानं पौर्णमास्यां समाहितः ॥
सम्यक्कृतं भवेत्तेन स्नानं तत्रादिपुष्करे
॥३॥हिरण्यं तत्र दातव्यं सर्वपापापनुत्तये
॥४॥इति संक्षेपतः प्रोक्तं माहात्म्यं तव पौष्करम् ॥
श्रुतं पापहरं नॄणां सर्वकामप्रदं तथा
॥५॥इति श्रीस्कान्दे महापुराण एकाशीतिसाहस्र्यां संहितायां सप्तमे प्रभासखण्डे प्रथमे प्रभासक्षेत्रमाहात्म्ये पुष्करकुण्डमाहात्म्य वर्णनंनाम चतुश्चत्वारिंशदुत्तरशततमोऽध्यायः ॥ १४४ ॥