puṣkarakuṇḍamāhātmyavarṇanam
īśvara uvāca
tato gacchenmahādevi tṛtīyaṃ puṣkaraṃ mahat ||
tasyaiva pūrvadigbhāge kiñcidīśānagocare ||
kanīyaḥ saṃsmṛtaṃ kuṃḍaṃ puṣkaraṃnāma nāmataḥ
||1||ततो गच्छेन्महादेवि तृतीयं पुष्करं महत् ॥
तस्यैव पूर्वदिग्भागे किञ्चिदीशानगोचरे ॥
कनीयः संस्मृतं कुंडं पुष्करंनाम नामतः
yatra madhyāhnasamaye brahmaṇā samupāsitā ||
sandhyā trailokyajananī pratiṣṭhārthaṃ gatena ca
||2||यत्र मध्याह्नसमये ब्रह्मणा समुपासिता ॥
सन्ध्या त्रैलोक्यजननी प्रतिष्ठार्थं गतेन च
tatra yaḥ kurute snānaṃ paurṇamāsyāṃ samāhitaḥ ||
samyakkṛtaṃ bhavettena snānaṃ tatrādipuṣkare
||3||तत्र यः कुरुते स्नानं पौर्णमास्यां समाहितः ॥
सम्यक्कृतं भवेत्तेन स्नानं तत्रादिपुष्करे
hiraṇyaṃ tatra dātavyaṃ sarvapāpāpanuttaye
||4||हिरण्यं तत्र दातव्यं सर्वपापापनुत्तये
iti saṃkṣepataḥ proktaṃ māhātmyaṃ tava pauṣkaram ||
śrutaṃ pāpaharaṃ nṝṇāṃ sarvakāmapradaṃ tathā
||5||इति संक्षेपतः प्रोक्तं माहात्म्यं तव पौष्करम् ॥
श्रुतं पापहरं नॄणां सर्वकामप्रदं तथा
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye puṣkarakuṇḍamāhātmya varṇanaṃnāma catuścatvāriṃśaduttaraśatatamo'dhyāyaḥ || 144 ||