tato gacchenmahādevi yatra nyaṃkumatī nadī
īśvara uvāca
tato gacchenmahādevi yatra nyaṃkumatī nadī ||
maryādārthaṃ samānītā kṣetraśāṃtyai ca śaṃbhunā
||1||ततो गच्छेन्महादेवि यत्र न्यंकुमती नदी ॥
मर्यादार्थं समानीता क्षेत्रशांत्यै च शंभुना
tasyaiva dakṣiṇe bhāge sarvapāpapraṇāśinī ||
tasyāṃ snātvā ca vai samyagyaḥ śrāddhaṃ kurute naraḥ ||
sa pitṝṃstārayetsarvānnarakānnātra saṃśayaḥ
||2||तस्यैव दक्षिणे भागे सर्वपापप्रणाशिनी ॥
तस्यां स्नात्वा च वै सम्यग्यः श्राद्धं कुरुते नरः ॥
स पितॄंस्तारयेत्सर्वान्नरकान्नात्र संशयः
vaiśākhe śuklapakṣe tu tṛtīyāyāṃ ca bhāmini ||
snātvā tu tarpayedbhaktyā tiladarbhajalaiḥ priye ||
śrāddhaṃ kṛtaṃ bhavettena gaṃgāyāṃ nātra saṃśayaḥ
||3||वैशाखे शुक्लपक्षे तु तृतीयायां च भामिनि ॥
स्नात्वा तु तर्पयेद्भक्त्या तिलदर्भजलैः प्रिये ॥
श्राद्धं कृतं भवेत्तेन गंगायां नात्र संशयः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye nyaṃkumatīmāhātmyavarṇanaṃnāmaikaṣaṣṭyuttaradviśatatamo'dhyāyaḥ || 261 ||