garuḍeśvaramāhātmyavarṇanam
īśvara uvāca
tato gacchenmahādevi vainateyapratiṣṭhitam ||
ratneśvarāduttarato dhanuṣāṃ tritaye sthitam
||1||ततो गच्छेन्महादेवि वैनतेयप्रतिष्ठितम् ॥
रत्नेश्वरादुत्तरतो धनुषां त्रितये स्थितम्
vainateyaśca deveśi jñātvā kṣetraṃ tu vaiṣṇavam ||
liṃgaṃ pratiṣṭhayāmāsa sarvapāpapraṇāśanam
||2||वैनतेयश्च देवेशि ज्ञात्वा क्षेत्रं तु वैष्णवम् ॥
लिंगं प्रतिष्ठयामास सर्वपापप्रणाशनम्
yastaṃ pūjayate bhaktyā paṃcamyāṃ tu vidhānataḥ ||
na viṣaṃ kramate tasya sapta janmāni sarpajam
||3||यस्तं पूजयते भक्त्या पंचम्यां तु विधानतः ॥
न विषं क्रमते तस्य सप्त जन्मानि सर्पजम्
paṃcāmṛtena saṃsnāpya pūjayitvā vidhānataḥ ||
prāpnuyātsakalaṃ puṇyaṃ modate divi devavat
||4||पंचामृतेन संस्नाप्य पूजयित्वा विधानतः ॥
प्राप्नुयात्सकलं पुण्यं मोदते दिवि देववत्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye ratneśvaramāhātmye garuḍeśvaramāhātmyavarṇanaṃnāma ṣaṭpaṃcāśaduttaraśatatamo'dhyāyaḥ || 156 ||