tato gacchenmahādevi ratnakuṇḍamanuttamam
īśvara uvāca
tato gacchenmahādevi ratnakuṇḍamanuttamam ||
ratneśāddakṣiṇe bhāge dhanuṣāṃ saptake sthitam ||
mahāpāpopaśamanaṃ viṣṇunā nirmitaṃ svayam
||1||ततो गच्छेन्महादेवि रत्नकुण्डमनुत्तमम् ॥
रत्नेशाद्दक्षिणे भागे धनुषां सप्तके स्थितम् ॥
महापापोपशमनं विष्णुना निर्मितं स्वयम्
aṣṭakoṭīstu tīrthāni bhūdyo'ntarikṣagāṇi tu ||
samānīya tu kṛṣṇena tatra kṣiptāni bhūriśaḥ
||2||अष्टकोटीस्तु तीर्थानि भूद्योऽन्तरिक्षगाणि तु ॥
समानीय तु कृष्णेन तत्र क्षिप्तानि भूरिशः
gaṇānāṃ koṭirekā tu tatkuṇḍaṃ rakṣati priye ||
kalau yuge tu saṃprāpte duṣprāpyamakṛtātmabhiḥ
||3||गणानां कोटिरेका तु तत्कुण्डं रक्षति प्रिये ॥
कलौ युगे तु संप्राप्ते दुष्प्राप्यमकृतात्मभिः
tatra snātvā mahādevi vidhidṛṣṭena karmaṇā ||
prāpnuyādaśvamedhasya phalaṃ śataguṇottaram
||4||तत्र स्नात्वा महादेवि विधिदृष्टेन कर्मणा ॥
प्राप्नुयादश्वमेधस्य फलं शतगुणोत्तरम्
ekādaśyāṃ viśeṣeṇa piṃḍaṃ tatra pradāpayet ||
akṣayyāṃ tṛptimāyāṃti pitarastasya bhāmini
||5||एकादश्यां विशेषेण पिंडं तत्र प्रदापयेत् ॥
अक्षय्यां तृप्तिमायांति पितरस्तस्य भामिनि
kuryājjāgaraṇaṃ tatra ekādaśyāṃ vidhānataḥ ||
vāñchitaṃ labhate devi yadi śraddhā dṛḍhā bhavet
||6||कुर्याज्जागरणं तत्र एकादश्यां विधानतः ॥
वाञ्छितं लभते देवि यदि श्रद्धा दृढा भवेत्
deyāni pītavastrāṇi tathā dhenuḥ payasvinī ||
tatra viṣṇuṃ samuddiśya samyagyātrāphalāptaye
||7||देयानि पीतवस्त्राणि तथा धेनुः पयस्विनी ॥
तत्र विष्णुं समुद्दिश्य सम्यग्यात्राफलाप्तये
hemakuṇḍaṃ kṛte proktaṃ tretāyāṃ raupyanāmakam ||
dvāpare cakrakuṃḍaṃ tu ratnakuṃḍaṃ kalau smṛtam
||8||हेमकुण्डं कृते प्रोक्तं त्रेतायां रौप्यनामकम् ॥
द्वापरे चक्रकुंडं तु रत्नकुंडं कलौ स्मृतम्
pātālavāhinīgaṃgā srotāṃsi tatra bhūriśaḥ ||
samānītāni hariṇā tatra tiṣṭhaṃti bhāmini
||9||पातालवाहिनीगंगा स्रोतांसि तत्र भूरिशः ॥
समानीतानि हरिणा तत्र तिष्ठंति भामिनि
tatra snānena deveśi sarvatīrthābhiṣecanam
||10||तत्र स्नानेन देवेशि सर्वतीर्थाभिषेचनम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye ratneśvaramāhātmyavarṇanaṃ- nāmaikonaṣaṣṭyuttaraśatatamo'dhyāyaḥ || 159 ||