durgādityamāhātmyavarṇanam
īśvara uvāca
tato gacchenmahādevi tasya dakṣiṇasaṃsthitam ||
durgādityetināmānaṃ sarvapāpapraṇāśanam
||1||ततो गच्छेन्महादेवि तस्य दक्षिणसंस्थितम् ॥
दुर्गादित्येतिनामानं सर्वपापप्रणाशनम्
yadā duḥkhamanuprāptā durgā duḥkhavināśinī ||
sūryamārādhayāmāsa tadā duḥkhavinuttaye
||2||यदा दुःखमनुप्राप्ता दुर्गा दुःखविनाशिनी ॥
सूर्यमाराधयामास तदा दुःखविनुत्तये
tataḥ kālena bahunā tasyāstuṣṭo divākaraḥ ||
uvāca madhuraṃ vākyaṃ durgāṃ devo mahāprabhām ||
varaṃ varaya deveśi tapasā tuṣṭavānaham
||3||ततः कालेन बहुना तस्यास्तुष्टो दिवाकरः ॥
उवाच मधुरं वाक्यं दुर्गां देवो महाप्रभाम् ॥
वरं वरय देवेशि तपसा तुष्टवानहम्
durgovāca
yadi tuṣṭo divānātha duḥkhasaṃghaṃ vināśaya
||4||यदि तुष्टो दिवानाथ दुःखसंघं विनाशय
sūrya uvāca
acireṇaiva kālena bhagavāṃstripurāṃtakaḥ ||
saṃprāpsyatyuttamaṃ liṃgamunnate sthāna uttame
||5||अचिरेणैव कालेन भगवांस्त्रिपुरांतकः ॥
संप्राप्स्यत्युत्तमं लिंगमुन्नते स्थान उत्तमे
durgādityeti me nāma iha devi bhaviṣyati ||
evamuktvā mahādevi tatraivāntardadhe raviḥ ||
saptamyāṃ ravivāreṇa durgādityaṃ prapūjayet
||6||दुर्गादित्येति मे नाम इह देवि भविष्यति ॥
एवमुक्त्वा महादेवि तत्रैवान्तर्दधे रविः ॥
सप्तम्यां रविवारेण दुर्गादित्यं प्रपूजयेत्
tasya duḥkhāni sarvāṇi kuṣṭhāni vividhāni ca ||
vilayaṃ yāṃti deveśi durgādityaprapūjanāt
||7||तस्य दुःखानि सर्वाणि कुष्ठानि विविधानि च ॥
विलयं यांति देवेशि दुर्गादित्यप्रपूजनात्
iti śrīskāṃde mahāpurāṇa ekāśītisā haruyāṃ saṃhitāyāṃ saptame prabhāsakhaṃḍe prathame prabhāsakṣetramāhātmye durgādityamāhātmyavarṇanaṃnāma dvāviṃśatyuttaratriśatatamo'dhyāyaḥ || 322 ||