tato gacchenmahādevi hiraṇyāṃ pāpanāśinīm
īśvara uvāca
tato gacchenmahādevi hiraṇyāṃ pāpanāśinīm ||
sarvakāmapradāṃ puṇyāṃ dāridryasyāṃtakāriṇīm
||1||ततो गच्छेन्महादेवि हिरण्यां पापनाशिनीम् ॥
सर्वकामप्रदां पुण्यां दारिद्र्यस्यांतकारिणीम्
tatra snātvā vidhānena kṛtvā piṃḍodaka kriyām ||
prāpnuyādakṣayām̐llokānpitṝnuddhṛtya pāpataḥ
||2||तत्र स्नात्वा विधानेन कृत्वा पिंडोदक क्रियाम् ॥
प्राप्नुयादक्षयाँल्लोकान्पितॄनुद्धृत्य पापतः
ekaṃ yo bhojayettatra brāhmaṇaṃ śaṃsitavratam ||
tenāyutasahasraṃ hi bhojitaṃ syāddvijanmanām
||3||एकं यो भोजयेत्तत्र ब्राह्मणं शंसितव्रतम् ॥
तेनायुतसहस्रं हि भोजितं स्याद्द्विजन्मनाम्
tatra hemarathā deyo brāhmaṇe vedapārage ||
vidhinā śivamuddiśya yātrāyutaphalaṃ labhet
||4||तत्र हेमरथा देयो ब्राह्मणे वेदपारगे ॥
विधिना शिवमुद्दिश्य यात्रायुतफलं लभेत्
iti śrīskāṃde mahāpurāṇa ekāśītisāhasryāṃ saṃhitāyā saptame prabhāsakhaṇḍe prathame prabhāsakṣetramāhātmye hiraṇyānadīmāhātmyavarṇanaṃnāmāṣṭātriṃśaduttaradviśatatamo'dhyāyaḥ || 238 ||