śāṇḍilyeśvaramāhātmyavarṇanam
īśvara uvāca
tato gacchenmahādevi śāṃḍilyeśvaramuttamam ||
brahmaṇaḥ paścime bhāge dhanuṣāṃ ṣoḍaśāṃtare
||1||ततो गच्छेन्महादेवि शांडिल्येश्वरमुत्तमम् ॥
ब्रह्मणः पश्चिमे भागे धनुषां षोडशांतरे
mahāprabhāvaṃ liṅgaṃ taddarśanātpāpanāśanam
||2||महाप्रभावं लिङ्गं तद्दर्शनात्पापनाशनम्
śāṃḍilyonāma brahmarṣiḥ sārathirbrahmaṇaḥ smṛtaḥ ||
tapasvī sa mahātejā jñānaniṣṭho jitendriyaḥ
||3||शांडिल्योनाम ब्रह्मर्षिः सारथिर्ब्रह्मणः स्मृतः ॥
तपस्वी स महातेजा ज्ञाननिष्ठो जितेन्द्रियः
sa prabhāsaṃ samāsādya tapastepe sudāruṇam ||
pratiṣṭhāpya mahāliṃgaṃ someśāduttare sthitam
||4||स प्रभासं समासाद्य तपस्तेपे सुदारुणम् ॥
प्रतिष्ठाप्य महालिंगं सोमेशादुत्तरे स्थितम्
sa svayaṃ pūjayāmāsa divyābdānāṃ śataṃ priye ||
tato'bhilaṣitaṃ prāpya kṛtakṛtyo babhūva ha
||5||स स्वयं पूजयामास दिव्याब्दानां शतं प्रिये ॥
ततोऽभिलषितं प्राप्य कृतकृत्यो बभूव ह
nandīśvaraprasādena aṇimādiguṇairyutaḥ ||
taṃ dṛṣṭvā tu naraḥ sadyo vipāpaḥ saṃprajāyate
||6||नन्दीश्वरप्रसादेन अणिमादिगुणैर्युतः ॥
तं दृष्ट्वा तु नरः सद्यो विपापः संप्रजायते
bālye vayasi yatpāpaṃ vārdhakye yauvane'pi vā ||
ajñānājjñānato vā'pi yaḥ karoti naraḥ priye ||
tatsarvaṃ nāśamāyāti śāṃḍilyeśvaradarśanāt
||7||बाल्ये वयसि यत्पापं वार्धक्ये यौवनेऽपि वा ॥
अज्ञानाज्ज्ञानतो वाऽपि यः करोति नरः प्रिये ॥
तत्सर्वं नाशमायाति शांडिल्येश्वरदर्शनात्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsa kṣetramāhātmye śāṇḍilyeśvaramāhātmyavarṇanaṃnāma ṣaḍviṃśatyuttaraśatatamo'dhyāyaḥ || 126 ||