ratneśvaramāhātmyavarṇanam
īśvara uvāca
tato gacchenmahādevi ratneśvaramanuttamam ||
tatra taptvā tapo devi viṣṇunā prabhaviṣṇunā ||
sthāpitaṃ tatra talliṃgaṃ sarvakāmapradaṃ priye
||1||ततो गच्छेन्महादेवि रत्नेश्वरमनुत्तमम् ॥
तत्र तप्त्वा तपो देवि विष्णुना प्रभविष्णुना ॥
स्थापितं तत्र तल्लिंगं सर्वकामप्रदं प्रिये
ratnakuṃḍe naraḥ snātvā yastaṃ pūjayate sadā ||
sarvopacārairbhaktyā sa prāpnuyādīpsitaṃ phalam
||2||रत्नकुंडे नरः स्नात्वा यस्तं पूजयते सदा ॥
सर्वोपचारैर्भक्त्या स प्राप्नुयादीप्सितं फलम्
atra kṛtvā tapo ghoraṃ kṛṣṇenāmitatejasā ||
prāptaṃ sudarśanaṃ cakraṃ sarvadaityāntakārakam
||3||अत्र कृत्वा तपो घोरं कृष्णेनामिततेजसा ॥
प्राप्तं सुदर्शनं चक्रं सर्वदैत्यान्तकारकम्
etatsthānaṃ mahādevi sadā priyataraṃ mama ||
vasāmi tatra deveśi pralaye'pi na saṃtyaje
||4||एतत्स्थानं महादेवि सदा प्रियतरं मम ॥
वसामि तत्र देवेशि प्रलयेऽपि न संत्यजे
smṛtaṃ tadvaiṣṇavaṃ kṣetraṃ nāmnā devi sudarśanam ||
dhanvaṃtarāṇi ṣaṭtriṃśatsamaṃtātparimaṇḍalam
||5||स्मृतं तद्वैष्णवं क्षेत्रं नाम्ना देवि सुदर्शनम् ॥
धन्वंतराणि षट्त्रिंशत्समंतात्परिमण्डलम्
etadantaramāsādya ye kecitprāṇino'dhamāḥ ||
mṛtāḥ kālavaśāddevi te yāsyaṃti paraṃ padam
||6||एतदन्तरमासाद्य ये केचित्प्राणिनोऽधमाः ॥
मृताः कालवशाद्देवि ते यास्यंति परं पदम्
kāṃcanaṃ tatra garuḍaṃ pītāni vasanāni ca ||
viṣṇumuddiśya yo dadyātsa tu yātrāphalaṃ labhet
||7||कांचनं तत्र गरुडं पीतानि वसनानि च ॥
विष्णुमुद्दिश्य यो दद्यात्स तु यात्राफलं लभेत्
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye ratneśvaramāhātmyavarṇanaṃnāma paṃcapaṃcāśadu ttaraśatatamo'dhyāyaḥ || 155 ||