rudramāhātmye'ghoreśvaramāhātmyavarṇanam
īśvara uvāca
tato gacchenmahādevi aghoreśvaramuttamam ||
ṣaṣṭhaṃ liṃgaṃ samākhyātaṃ tadvaktraṃ bhairavaṃ smṛtam
||1||ततो गच्छेन्महादेवि अघोरेश्वरमुत्तमम् ॥
षष्ठं लिंगं समाख्यातं तद्वक्त्रं भैरवं स्मृतम्
tryaṃbakeśvaravāyavye dhanuṣāṃ paṃcake sthitam ||
sarvakāmapradaṃ puṇyaṃ kalikalmaṣanāśanam ||
. yastaṃ pūjayate bhaktyā snānapūjādibhiḥ kramāt ||
merudānasya kṛtsnasya sa labhenmanujaḥ phalam
||3||त्र्यंबकेश्वरवायव्ये धनुषां पंचके स्थितम् ॥
सर्वकामप्रदं पुण्यं कलिकल्मषनाशनम् ॥
. यस्तं पूजयते भक्त्या स्नानपूजादिभिः क्रमात् ॥
मेरुदानस्य कृत्स्नस्य स लभेन्मनुजः फलम्
dakṣiṇāmūrtimāsthāya yatkiṃcittatra dīyate ||
aghoreśvaradevasya tatsarvaṃ cākṣayaṃ bhavet
||4||दक्षिणामूर्तिमास्थाय यत्किंचित्तत्र दीयते ॥
अघोरेश्वरदेवस्य तत्सर्वं चाक्षयं भवेत्
yaḥ śrāddhaṃ kurute tatra aghoreśvaradakṣiṇe ||
ākalpaṃ tṛptimāyāṃti pitarastasya tarpitāḥ
||5||यः श्राद्धं कुरुते तत्र अघोरेश्वरदक्षिणे ॥
आकल्पं तृप्तिमायांति पितरस्तस्य तर्पिताः
kiṃ śrāddhena gayātīrthe vājimedhena kiṃ priye ||
tatra śrāddhena tatsarvaṃ phalamabhyadhikaṃ labhet
||6||किं श्राद्धेन गयातीर्थे वाजिमेधेन किं प्रिये ॥
तत्र श्राद्धेन तत्सर्वं फलमभ्यधिकं लभेत्
truṭimātramapi svarṇaṃ yātrāyāṃ yaḥ prayacchati ||
sa sarvaṃ phalamāpnoti mahādānasya bhūriśaḥ
||7||त्रुटिमात्रमपि स्वर्णं यात्रायां यः प्रयच्छति ॥
स सर्वं फलमाप्नोति महादानस्य भूरिशः
brahmakūrcaṃ caredyastu somāṣṭamyāṃ vidhānataḥ ||
aghoreśvarasāṃnidhye aghoreṇābhimaṃtritam ||
ṣaḍabdasya mahattena prāyaścittaṃ kṛtaṃ bhavet
||8||ब्रह्मकूर्चं चरेद्यस्तु सोमाष्टम्यां विधानतः ॥
अघोरेश्वरसांनिध्ये अघोरेणाभिमंत्रितम् ॥
षडब्दस्य महत्तेन प्रायश्चित्तं कृतं भवेत्
iti saṃkṣepataḥ proktamaghoreśamahodayam ||
māhātmyaṃ sarvapāpaghnaṃ śrutaṃ sarvārthasādhakam
||9||इति संक्षेपतः प्रोक्तमघोरेशमहोदयम् ॥
माहात्म्यं सर्वपापघ्नं श्रुतं सर्वार्थसाधकम्
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ekādaśa rudramāhātmye'ghoreśvaramāhātmyavarṇanaṃnāma dvinavatitamo'dhyāyaḥ || 92 ||