kāmeśvaramāhātmyavarṇanam
īśvara uvāca
tato gachenmahāliṃgaṃ kāmeśvaramiti śrutam ||
kāmenārādhitaṃ pūrvaṃ daityasūdanapaścime
||1||ततो गछेन्महालिंगं कामेश्वरमिति श्रुतम् ॥
कामेनाराधितं पूर्वं दैत्यसूदनपश्चिमे
dhanuṣāṃ saptake tatra sthitaṃ devi mahāprabham ||
nirdagdhastu yadā kāma stṛtīyenāgninā mama
||2||धनुषां सप्तके तत्र स्थितं देवि महाप्रभम् ॥
निर्दग्धस्तु यदा काम स्तृतीयेनाग्निना मम
tadā varṣasahasraṃ tu samārādhya maheśvaram ||
prapede kāmanāsargaṃ yatrānaṃgaḥ purā kila
||3||तदा वर्षसहस्रं तु समाराध्य महेश्वरम् ॥
प्रपेदे कामनासर्गं यत्रानंगः पुरा किल
tena kāmeśvaraṃnāma khyātaṃ liṃgaṃ dharātale ||
sarvapāpaharaṃ devi sarvakāmaphalapradam
||4||तेन कामेश्वरंनाम ख्यातं लिंगं धरातले ॥
सर्वपापहरं देवि सर्वकामफलप्रदम्
trayodaśyāṃ vidhānena śuklāyāṃ māsi mādhave ||
saṃpūjya taṃ vidhānena sa strīṇāṃ kāmavadbhavet
||5||त्रयोदश्यां विधानेन शुक्लायां मासि माधवे ॥
संपूज्य तं विधानेन स स्त्रीणां कामवद्भवेत्
iti śrīskāṃde mahāpurāṇa ekāśītisāhasyā saṃhitāyāṃ saptame prabhāsakhaṇḍe prathame prabhāsakṣetramāhātmye kāmeśvaramāhātmyavarṇanaṃ nāma saptaṣaṣṭitamo'dhyāyaḥ || 67 ||