catvarādevīmāhātmyavarṇanam
īśvara uvāca
tato gacchenmahādevi tṛtīyāṃ catvarapriyām ||
lalitāpūrvadigbhāge daśadhanvaṃtare sthitām
||1||ततो गच्छेन्महादेवि तृतीयां चत्वरप्रियाम् ॥
ललितापूर्वदिग्भागे दशधन्वंतरे स्थिताम्
kṣetradūtīṃ mahāraudrīṃ rudraśaktiṃ mahāprabhām ||
kṣetrarakṣāvidhau tatra mayā muktāṃ tu madhyataḥ
||2||क्षेत्रदूतीं महारौद्रीं रुद्रशक्तिं महाप्रभाम् ॥
क्षेत्ररक्षाविधौ तत्र मया मुक्तां तु मध्यतः
koṭibhūtasamāyuktā mahākāyā mahāprabhā ||
jīrṇe gṛhe tathodyāne prāsādāṭṭālake pathi
||3||कोटिभूतसमायुक्ता महाकाया महाप्रभा ॥
जीर्णे गृहे तथोद्याने प्रासादाट्टालके पथि
catvareṣu ca sarveṣu kṣetra madhyasthitā satī ||
rātrau paryaṭate devī bhūtānāṃ koṭibhirvṛtā
||4||चत्वरेषु च सर्वेषु क्षेत्र मध्यस्थिता सती ॥
रात्रौ पर्यटते देवी भूतानां कोटिभिर्वृता
mahānavamyāṃ yastatra nārī vātha naropi vā ||
nānāpūjopacāraiśca pūjayedvidhivacchubhām
||5||महानवम्यां यस्तत्र नारी वाथ नरोपि वा ॥
नानापूजोपचारैश्च पूजयेद्विधिवच्छुभाम्
tasya tuṣṭā'khilānkāmānsādevī saṃpradāsyati ||
daṃpatyorbhojanaṃ tatra deyaṃ yātrāphalepsubhiḥ
||9||तस्य तुष्टाऽखिलान्कामान्सादेवी संप्रदास्यति ॥
दंपत्योर्भोजनं तत्र देयं यात्राफलेप्सुभिः
iti saṃkṣepataḥ proktaṃ māhā tmyaṃ pāpanāśanam ||
kṣetradūtyāstṛtīyāyāḥ śrutamaiśvaryakārakam
||7||इति संक्षेपतः प्रोक्तं माहा त्म्यं पापनाशनम् ॥
क्षेत्रदूत्यास्तृतीयायाः श्रुतमैश्वर्यकारकम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye catvarādevīmāhātmyavarṇanaṃnāma dviṣaṣṭitamo'dhyāyaḥ || 62 ||