vimaleśvaramāhātmyavarṇanam
īśvara uvāca
tato gacchenmahādevi tatpūrve vimaleśvaram ||
gauryāḥ pūrvaṃ samīpasthaṃ nātidūre vyavasthitam
||1||ततो गच्छेन्महादेवि तत्पूर्वे विमलेश्वरम् ॥
गौर्याः पूर्वं समीपस्थं नातिदूरे व्यवस्थितम्
gurornairṛtyadigbhāge sthitaṃ pāpapraṇāśanam ||
api kṛtvā mahāpāpaṃ nārī vā puruṣo'pi vā
||2||गुरोर्नैर्ऋत्यदिग्भागे स्थितं पापप्रणाशनम् ॥
अपि कृत्वा महापापं नारी वा पुरुषोऽपि वा
kṣayābhibhūtadeho vā taṃ samabhyarcya bhaktitaḥ ||
sarvaduḥkhāntago bhūtvā nirmalaṃ padamāpnuyāt
||3||क्षयाभिभूतदेहो वा तं समभ्यर्च्य भक्तितः ॥
सर्वदुःखान्तगो भूत्वा निर्मलं पदमाप्नुयात्
gaṃdharvasenā yatraiva vimalā'bhūtkṣayā nvitā ||
vimaleśvaranāmnā vai talliṃgaṃ prathitaṃ kṣitau
||4||गंधर्वसेना यत्रैव विमलाऽभूत्क्षया न्विता ॥
विमलेश्वरनाम्ना वै तल्लिंगं प्रथितं क्षितौ
iti te kathitaṃ sarvaṃ vimaleśvarasūcakam ||
māhātmyaṃ sarvapāpaghnaṃ turīyaṃ bhavasundari
||5||इति ते कथितं सर्वं विमलेश्वरसूचकम् ॥
माहात्म्यं सर्वपापघ्नं तुरीयं भवसुन्दरि
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye vimaleśvaramāhātmyavarṇanaṃnāma pañcapañcāśo'dhyāyaḥ || 55 ||