maṃkīśvaramāhātmyavarṇanam
īśvara uvāca
tato gacchenmahādevi maṃkīśvaramanuttamam ||
trisaṃgamasamīpasthaṃ sarvapātakanāśanam
||1||ततो गच्छेन्महादेवि मंकीश्वरमनुत्तमम् ॥
त्रिसंगमसमीपस्थं सर्वपातकनाशनम्
maṃkīnāma ṛṣiḥ pūrvamāsītsa tapatāṃ varaḥ ||
sa ca jñātvā mahākṣetraṃ prabhāsaṃ śaṃkarapriyam
||2||मंकीनाम ऋषिः पूर्वमासीत्स तपतां वरः ॥
स च ज्ञात्वा महाक्षेत्रं प्रभासं शंकरप्रियम्
atapadvai tapo ghoraṃ kandamūlaphalāśanaḥ ||
varṣāṇāmayutaṃ sāgraṃ pratiṣṭhāpya maheśvaram
||3||अतपद्वै तपो घोरं कन्दमूलफलाशनः ॥
वर्षाणामयुतं साग्रं प्रतिष्ठाप्य महेश्वरम्
tatastuṣṭo mahādevo dadau prīto varaṃ tadā ||
sa vavre yadi tuṣṭo'si asminsthāne sthito bhava
||4||ततस्तुष्टो महादेवो ददौ प्रीतो वरं तदा ॥
स वव्रे यदि तुष्टोऽसि अस्मिन्स्थाने स्थितो भव
mannāmāṃkitaliṃgastu vasa kalpāyutāyutam ||
evamastvityathetyuktvā tatraivāntaradhīyata
||5||मन्नामांकितलिंगस्तु वस कल्पायुतायुतम् ॥
एवमस्त्वित्यथेत्युक्त्वा तत्रैवान्तरधीयत
tadāprabhṛti talliṃgaṃ maṃkīśvaramiti śrutam ||
māghe māse trayodaśyāṃ caturdaśyāmathāpi vā
||6||तदाप्रभृति तल्लिंगं मंकीश्वरमिति श्रुतम् ॥
माघे मासे त्रयोदश्यां चतुर्दश्यामथापि वा
pūjyāḥ paṃcopacāreṇa prāpnuyādīpsitaṃ phalam ||
godānaṃ tatra vai deyaṃ samyagyātrāphalepsubhiḥ
||7||पूज्याः पंचोपचारेण प्राप्नुयादीप्सितं फलम् ॥
गोदानं तत्र वै देयं सम्यग्यात्राफलेप्सुभिः
iti śrīskānde mahāpurāṇa ekāśītisāhasryāṃ sahitāyāṃ saptame prabhāsakhaṇḍe prathame prabhāsakṣetramāhātmye maṃkīśvaramāhātmyavarṇanaṃnāma caturaśītyuttaraśatatamo'dhyāyaḥ || 184 ||