kuśakādiliṃgacatuṣṭayamāhātmyavarṇanam
īśvara uvāca
tato gacchenmahādevi liṃgānāṃ ca catuṣṭayam ||
ekasthānasthitānāṃ tu sāvitryāstatra paścime
||1||ततो गच्छेन्महादेवि लिंगानां च चतुष्टयम् ॥
एकस्थानस्थितानां तु सावित्र्यास्तत्र पश्चिमे
liṃgānāṃ dvitayaṃ pūrve paścime sammukhadvayam ||
kuśakeśvaranāmeti liṃgaṃ vai prathamaṃ smṛtam
||2||लिंगानां द्वितयं पूर्वे पश्चिमे सम्मुखद्वयम् ॥
कुशकेश्वरनामेति लिंगं वै प्रथमं स्मृतम्
gargeśvaraṃ dvitīyaṃ tu tṛtīyaṃ puṣkareśvaram ||
maitreyeśvaranāmeti caturthaṃ samudāhṛtam
||3||गर्गेश्वरं द्वितीयं तु तृतीयं पुष्करेश्वरम् ॥
मैत्रेयेश्वरनामेति चतुर्थं समुदाहृतम्
etāni yastu liṃgāni paśyedbhaktyā jitendriyaḥ ||
sa muktaḥ pātakaiḥ sarvairgacchecchivapuraṃ mahat
||4||एतानि यस्तु लिंगानि पश्येद्भक्त्या जितेन्द्रियः ॥
स मुक्तः पातकैः सर्वैर्गच्छेच्छिवपुरं महत्
śuklapakṣe caturdaśyāṃ vaiśākhe tu viśeṣataḥ ||
snānaṃ kṛtvā prayatnena brāhmaṇāṃstatra bhojayet
||5||शुक्लपक्षे चतुर्दश्यां वैशाखे तु विशेषतः ॥
स्नानं कृत्वा प्रयत्नेन ब्राह्मणांस्तत्र भोजयेत्
tebhyo dadyādyathāśaktyā kāñcanaṃ vasanāni ca ||
evaṃ kṛte bhavedyātrā paripūrṇā sureśvari
||6||तेभ्यो दद्याद्यथाशक्त्या काञ्चनं वसनानि च ॥
एवं कृते भवेद्यात्रा परिपूर्णा सुरेश्वरि
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye kuśakādiliṃgacatuṣṭayamāhātmyavarṇanaṃnāma trisaptatyuttaratatamo'dhyāyaḥ || 173 ||