piṃgeśvarabhadrāmāhātmyavarṇanam
īśvara uvāca
balabhadrācca pūrveṇa sthitā cāsītsaridvarā ||
durvāseśvaranāmeti balaliṃgaṃ pratiṣṭhitam
||1||बलभद्राच्च पूर्वेण स्थिता चासीत्सरिद्वरा ॥
दुर्वासेश्वरनामेति बललिंगं प्रतिष्ठितम्
sarvapāpapraśamanaṃ dṛṣṭaṃ sarvasukhāvaham ||
snātvā cāsya tvamāvāsyāṃ piṃḍadānaṃ dadāti yaḥ
||2||सर्वपापप्रशमनं दृष्टं सर्वसुखावहम् ॥
स्नात्वा चास्य त्वमावास्यां पिंडदानं ददाति यः
kalpakoṭiśataṃ sāgraṃ pitṝṇāṃ tṛptimāvahet ||
durvāseśvaranāmānaṃ tatra pūjya vidhānataḥ
||3||कल्पकोटिशतं साग्रं पितॄणां तृप्तिमावहेत् ॥
दुर्वासेश्वरनामानं तत्र पूज्य विधानतः
koṭiyajñaphalaṃ prāpya sarvānkāmā navāpnuyāt ||
tatra liṃgānyanekāni ṛṣibhiḥ sthāpitāni tu
||4||कोटियज्ञफलं प्राप्य सर्वान्कामा नवाप्नुयात् ॥
तत्र लिंगान्यनेकानि ऋषिभिः स्थापितानि तु
dṛṣṭvā spṛṣṭvā pūjayitvā muktaḥ syātsarvakilbiṣaiḥ ||
ityetatkathitaṃ devi kṣetrādyaṃ taṃ yathākramam
||5||दृष्ट्वा स्पृष्ट्वा पूजयित्वा मुक्तः स्यात्सर्वकिल्बिषैः ॥
इत्येतत्कथितं देवि क्षेत्राद्यं तं यथाक्रमम्
bhadrāyāḥ paścimātpūrvaṃ yathānukramamāditaḥ ||
śrutaṃ pāpopaśamanaṃ koṭiyajñaphalapradam
||6||भद्रायाः पश्चिमात्पूर्वं यथानुक्रममादितः ॥
श्रुतं पापोपशमनं कोटियज्ञफलप्रदम्
atha kṣetrasya paridhisthānaṃ madhumatīti ca ||
tasmānnairṛtyadigbhāge sthānaṃ khaṃḍaghaṭeti ca
||7||अथ क्षेत्रस्य परिधिस्थानं मधुमतीति च ॥
तस्मान्नैर्ऋत्यदिग्भागे स्थानं खंडघटेति च
tatra piṃgeśvaro devaḥ samudrataṭasannidhau ||
kūpānāṃ saptakaṃ tatra pitṝṇāṃ yatra pāṇayaḥ ||
dṛśyaṃte'dyāpi deveśi yatra parvaṇiparvaṇi
||8||तत्र पिंगेश्वरो देवः समुद्रतटसन्निधौ ॥
कूपानां सप्तकं तत्र पितॄणां यत्र पाणयः ॥
दृश्यंतेऽद्यापि देवेशि यत्र पर्वणिपर्वणि
tatra śrāddhaṃ naraḥ kṛtvā gayākoṭiguṇaṃ phalam ||
labhate nā'tra sandehaḥ somāmā yadi jāyate
||9||तत्र श्राद्धं नरः कृत्वा गयाकोटिगुणं फलम् ॥
लभते नाऽत्र सन्देहः सोमामा यदि जायते
tatraiva nātidūre tu bhadrāyāḥ saṃgamaḥ smṛtaḥ ||
paścimātsaṃgamātpūrvaḥ saṃgamaḥ samudāhṛtaḥ
||10||तत्रैव नातिदूरे तु भद्रायाः संगमः स्मृतः ॥
पश्चिमात्संगमात्पूर्वः संगमः समुदाहृतः
yatpuṇyaṃ labhate devi pūrva paścimasaṃgame ||
gaṃgāsāgarayostatra tadbhadrāsaṃgame labhet
||11||यत्पुण्यं लभते देवि पूर्व पश्चिमसंगमे ॥
गंगासागरयोस्तत्र तद्भद्रासंगमे लभेत्
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsa khaṇḍe prathame prabhāsakṣetramāhātmye taptodakasvāmimāhātmye madhumatyāṃ piṃgeśvarabhadrāmāhātmyavarṇanaṃnāma trayastriṃśaduttaratriśatatamo'dhyāyaḥ || 333 ||