gaṇanāthamāhātmyavarṇanam
īśvara uvāca
tasmāduttaradigbhāge kiṃcidvāyavyamāśritam ||
vināyakaṃ prapaśyecca sarvasiddhipradāyakam
||1||तस्मादुत्तरदिग्भागे किंचिद्वायव्यमाश्रितम् ॥
विनायकं प्रपश्येच्च सर्वसिद्धिप्रदायकम्
yo'sau devi mayā khyātaḥ sakhā me dhanadaḥ purā ||
gaṇanāthasvarūpeṇa nidhīnāṃ paripālakaḥ ||
lokānāṃ siddhidānārthamasminsthāne sthitaḥ priye
||2||योऽसौ देवि मया ख्यातः सखा मे धनदः पुरा ॥
गणनाथस्वरूपेण निधीनां परिपालकः ॥
लोकानां सिद्धिदानार्थमस्मिन्स्थाने स्थितः प्रिये
caturthyāṃ bhaumavāreṇa bhakṣyabhojyaḥ samodakaiḥ ||
pūjayedvidhivaddevi tasya siddhirbhaveddhruvam
||3||चतुर्थ्यां भौमवारेण भक्ष्यभोज्यः समोदकैः ॥
पूजयेद्विधिवद्देवि तस्य सिद्धिर्भवेद्ध्रुवम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye gaṇanāthamāhātmyavarṇanaṃnāma caturviṃśatyuttaratriśatatamo'dhyāyaḥ || 324 ||