tasminsthāne mahādevi smaśānaṃ kālabhairavam
īśvara uvāca
tasminsthāne mahādevi smaśānaṃ kālabhairavam ||
brahmakuṇḍaṃ varārohe yāvaddevaḥ kṛtasmaraḥ
||1||तस्मिन्स्थाने महादेवि स्मशानं कालभैरवम् ॥
ब्रह्मकुण्डं वरारोहे यावद्देवः कृतस्मरः
tatra ye prāṇino dagdhā mṛtāḥ kālaviparyayāt ||
te sarve muktimāyāṃti mahāpātakino'pi vā
||2||तत्र ये प्राणिनो दग्धा मृताः कालविपर्ययात् ॥
ते सर्वे मुक्तिमायांति महापातकिनोऽपि वा
kṛtasmarānmahādevi yāvanmaṃkīśvaraḥ sthitaḥ ||
mahāsmaśānaṃ taddevi apunarbhavadāyakam
||3||कृतस्मरान्महादेवि यावन्मंकीश्वरः स्थितः ॥
महास्मशानं तद्देवि अपुनर्भवदायकम्
tasminsthāne vahedyatra viṣuvaṃ prāṇināṃ priye ||
tatroṣaraṃ smṛtaṃ kṣetraṃ tanme priyataraṃ sadā
||4||तस्मिन्स्थाने वहेद्यत्र विषुवं प्राणिनां प्रिये ॥
तत्रोषरं स्मृतं क्षेत्रं तन्मे प्रियतरं सदा
kalpāṃte'pi na muṃcāmi avimuktātpriyaṃ mama
||5||कल्पांतेऽपि न मुंचामि अविमुक्तात्प्रियं मम
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye kālabhairavasmaśānamāhātmyavarṇanaṃ nāmaikottaradviśatatamo'dhyāyaḥ || 201 ||