bhūdharayajñavarāhamāhātmyavarṇanam
tatraiva saṃsthitaṃ paśyedbhūdharaṃnāma nāmataḥ ||
uddhṛtya pṛthivīṃ yasmāddaṃṣṭrāgreṇa dadhāra saḥ
||1||तत्रैव संस्थितं पश्येद्भूधरंनाम नामतः ॥
उद्धृत्य पृथिवीं यस्माद्दंष्ट्राग्रेण दधार सः
bhūdharastena cākhyāto devikātaṭasaṃsthitaḥ ||
vedapādo yūpadaṃṣṭraḥ kratudantaḥ srucīmukhaḥ
||2||भूधरस्तेन चाख्यातो देविकातटसंस्थितः ॥
वेदपादो यूपदंष्ट्रः क्रतुदन्तः स्रुचीमुखः
agnijihvo darbharomā brahmaśīrṣo mahātapāḥ ||
ahorātrekṣaṇaparo vedāṃgaśrutibhūṣaṇaḥ
||3||अग्निजिह्वो दर्भरोमा ब्रह्मशीर्षो महातपाः ॥
अहोरात्रेक्षणपरो वेदांगश्रुतिभूषणः
ādyanāsaḥ sruvatuṃḍaḥ sāmaghoṣasvano mahān ||
prāgvaṃśakāyo dyutimā nnānādīkṣāvirājitaḥ
||4||आद्यनासः स्रुवतुंडः सामघोषस्वनो महान् ॥
प्राग्वंशकायो द्युतिमा न्नानादीक्षाविराजितः
dakṣiṇāhṛdayo yogī mahāsatraśayo mahān ||
upākarmoṣṭharucakaḥ pravargyāvartabhūṣaṇaḥ
||5||दक्षिणाहृदयो योगी महासत्रशयो महान् ॥
उपाकर्मोष्ठरुचकः प्रवर्ग्यावर्तभूषणः
nānācchandogatipatho brahmoktakramavikramaḥ ||
bhūtvā yajñavarāho'sau tatra sthāne sthito'bhavat
||6||नानाच्छन्दोगतिपथो ब्रह्मोक्तक्रमविक्रमः ॥
भूत्वा यज्ञवराहोऽसौ तत्र स्थाने स्थितोऽभवत्
puṣyamāse hyamāvāsyāmekādaśyāmathāpi vā ||
prāpte prāvṛṣi kāle ca jñātvā kanyāgataṃ ravim
||7||पुष्यमासे ह्यमावास्यामेकादश्यामथापि वा ॥
प्राप्ते प्रावृषि काले च ज्ञात्वा कन्यागतं रविम्
pāyasaṃ guḍasaṃyuktaṃ haviṣyaṃ ca guḍaplutam ||
namo vaḥ pitaro rasāya annādyamabhimaṃtrayet
||8||पायसं गुडसंयुक्तं हविष्यं च गुडप्लुतम् ॥
नमो वः पितरो रसाय अन्नाद्यमभिमंत्रयेत्
tejo'siśukramityājyaṃ dadhikrāvṇena vai dadhi ||
kṣīramājyāya mantreṇa vyañjanāni ca yāni tu
||9||तेजोऽसिशुक्रमित्याज्यं दधिक्राव्णेन वै दधि ॥
क्षीरमाज्याय मन्त्रेण व्यञ्जनानि च यानि तु
bhakṣyabhojyāni sarvāṇi mahānindreṇa dāpayet ||
saṃvatsa roniyo maṃtraṃ japtvā tenodakaṃ dvijaḥ
||10||भक्ष्यभोज्यानि सर्वाणि महानिन्द्रेण दापयेत् ॥
संवत्स रोनियो मंत्रं जप्त्वा तेनोदकं द्विजः
evaṃ saṃbhojya vai viprānpiṇḍadānaṃ tu dāpayet ||
ityanena vidhānena yastatra śrāddhakṛdbhavet
||11||एवं संभोज्य वै विप्रान्पिण्डदानं तु दापयेत् ॥
इत्यनेन विधानेन यस्तत्र श्राद्धकृद्भवेत्
tasya tṛptāstu pitaro yāvadiṃdrāścaturddaśa ||
gayāśrāddhaṃ vināpīha gayāśrāddhaphalaṃ labhet
||12||तस्य तृप्तास्तु पितरो यावदिंद्राश्चतुर्द्दश ॥
गयाश्राद्धं विनापीह गयाश्राद्धफलं लभेत्
iti śrīskāṃde mahāpurāṇa ekāśītisāhasryāṃ sahitāyāṃ saptame prabhāsakhaṃḍe prathame prabhāsakṣetramāhātmye devikāmāhātmye bhūdharayajñavarāhamāhātmyavarṇanaṃnāma saptasaptatyuttaradviśatatamo'dhyāyaḥ || 277 ||