tato gacchenmahādevi balabhadraṃ sureśvaram
īśvara uvāca
tato gacchenmahādevi balabhadraṃ sureśvaram ||
subhadrāṃ ca tathā kṛṣṇaṃ sarvapātakanāśanam
||1||ततो गच्छेन्महादेवि बलभद्रं सुरेश्वरम् ॥
सुभद्रां च तथा कृष्णं सर्वपातकनाशनम्
pūrva kalpe mahādevi dehamatrātyajaddhariḥ ||
asminkalpepi ca punargātrotsargamiti smṛtam
||2||पूर्व कल्पे महादेवि देहमत्रात्यजद्धरिः ॥
अस्मिन्कल्पेपि च पुनर्गात्रोत्सर्गमिति स्मृतम्
tatra ye pūjayiṣyaṃti nāgarādityasaṃnidhau ||
balabhadraṃ subhadrāṃ ca kṛṣṇaṃ te svargagāminaḥ
||3||तत्र ये पूजयिष्यंति नागरादित्यसंनिधौ ॥
बलभद्रं सुभद्रां च कृष्णं ते स्वर्गगामिनः
iti śrīskāṃde mahāpurāṇa ekāśītisāhasryāṃ sahitāyāṃ saptame prabhāsakhaṃḍe prathame prabhāsakṣetramāhātmye balabhadra subhadrā kṛṣṇa māhātmyavarṇanaṃnāma catvāriṃśaduttaradviśatatamo'dhyāyaḥ || 240 ||