māhātmye'jogandheśvaramāhātmyavarṇanam
īśvara uvāca
tato gacchenmahādevi kauberātpūrvasaṃsthitam ||
gavyūtipaṃcake devi puṣkaraṃnāma nāmataḥ ||
yatra siddho mahādevi kaivarto matsyaghātakaḥ
||1||ततो गच्छेन्महादेवि कौबेरात्पूर्वसंस्थितम् ॥
गव्यूतिपंचके देवि पुष्करंनाम नामतः ॥
यत्र सिद्धो महादेवि कैवर्तो मत्स्यघातकः
devyuvāca
savistaraṃ mama brūhi kathaṃ sa siddhimāpa vai ||
kathayasva prasādena devadeva maheśvara
||2||सविस्तरं मम ब्रूहि कथं स सिद्धिमाप वै ॥
कथयस्व प्रसादेन देवदेव महेश्वर
īśvara uvāca
śṛṇu tvaṃ yatpurāvṛttaṃ devi svārociṣeṃtare ||
āsītkaściddurācāraḥ kaivarto matsyaghātakaḥ
||3||शृणु त्वं यत्पुरावृत्तं देवि स्वारोचिषेंतरे ॥
आसीत्कश्चिद्दुराचारः कैवर्तो मत्स्यघातकः
sa kadāciccaranpāpaḥ puṣkare tu jagāma vai ||
dadarśa śāṃkaraṃ veśma latāpādapasaṃkulam
||4||स कदाचिच्चरन्पापः पुष्करे तु जगाम वै ॥
ददर्श शांकरं वेश्म लतापादपसंकुलम्
sa māghamāse śītārttaḥ klinnajālasamanvitaḥ ||
prāsādamārurohārttaḥ sūryatāpajighṛkṣayā
||5||स माघमासे शीतार्त्तः क्लिन्नजालसमन्वितः ॥
प्रासादमारुरोहार्त्तः सूर्यतापजिघृक्षया
tataḥ sa klinnajālaṃ tacchoṣaṇāya raveḥ karaiḥ ||
prāsādadhvajadaṃḍāgre saṃprasāritavāṃstadā
||6||ततः स क्लिन्नजालं तच्छोषणाय रवेः करैः ॥
प्रासादध्वजदंडाग्रे संप्रसारितवांस्तदा
tataḥ prāsādato devi jāḍyātsaṃpatitaḥ kramāt ||
sa mṛtaḥ sahasā devi tasminkṣetre śivasya ca
||7||ततः प्रासादतो देवि जाड्यात्संपतितः क्रमात् ॥
स मृतः सहसा देवि तस्मिन्क्षेत्रे शिवस्य च
jālaṃ tasya prabhūtena jīrṇakālena yattadā ||
dhvajā baddhā yato jālaiḥ prāsāde sā śubhe'bhavat
||8||जालं तस्य प्रभूतेन जीर्णकालेन यत्तदा ॥
ध्वजा बद्धा यतो जालैः प्रासादे सा शुभेऽभवत्
tato'sau dhvajamāhātmyājjāto'vanyāṃ narādhipaḥ ||
ṛtadhvajeti vikhyātaḥ saurāṣṭraviṣaye sudhīḥ ||
sa hi sphūrjaddhvajāgreṇa rathena paryaṭanmahīm
||9||ततोऽसौ ध्वजमाहात्म्याज्जातोऽवन्यां नराधिपः ॥
ऋतध्वजेति विख्यातः सौराष्ट्रविषये सुधीः ॥
स हि स्फूर्जद्ध्वजाग्रेण रथेन पर्यटन्महीम्
kāmabhogābhibhūtātmā rājyaṃ cakre pratāpavān ||
tato'sau bhavane śaṃbhordadau śobhāsamanvitām ||
dhvajāṃ śubhrāṃ vicitrāṃ ca nānyatkiṃcidapi prabhuḥ
||10||कामभोगाभिभूतात्मा राज्यं चक्रे प्रतापवान् ॥
ततोऽसौ भवने शंभोर्ददौ शोभासमन्विताम् ॥
ध्वजां शुभ्रां विचित्रां च नान्यत्किंचिदपि प्रभुः
tato jātismaro rājā prabhāsakṣetramāgataḥ ||
tatrāyatanaṃ dhvajājālasamanvitam
||11||ततो जातिस्मरो राजा प्रभासक्षेत्रमागतः ॥
तत्रायतनं ध्वजाजालसमन्वितम्
ajogandhasya devasya pūrvamārādhitasya ca ||
prāsādaṃ kārayāmāsa śivopakaraṇāni ca
||12||अजोगन्धस्य देवस्य पूर्वमाराधितस्य च ॥
प्रासादं कारयामास शिवोपकरणानि च
nityaṃ pūjayate bhaktyā talliṃgaṃ pāpanāśanam ||
daśavarṣasahasrāṇi rājyaṃ cakre mahāmanāḥ
||13||नित्यं पूजयते भक्त्या तल्लिंगं पापनाशनम् ॥
दशवर्षसहस्राणि राज्यं चक्रे महामनाः
talliṃgasya prabhāvena tataḥ kālāddivaṃ gataḥ ||
tasmāttatra prayatnena gatvā liṃgaṃ prapūjayet
||14||तल्लिंगस्य प्रभावेन ततः कालाद्दिवं गतः ॥
तस्मात्तत्र प्रयत्नेन गत्वा लिंगं प्रपूजयेत्
snātvā paścimataḥ kuṇḍe puṣkare pāpataskare ||
yatra brahmā'yajatpūrvaṃ yajñairvipuladakṣiṇaiḥ
||15||स्नात्वा पश्चिमतः कुण्डे पुष्करे पापतस्करे ॥
यत्र ब्रह्माऽयजत्पूर्वं यज्ञैर्विपुलदक्षिणैः
samāhūya ca tīrthāni puṣkarāttatra bhāmini ||
tasminkuṇḍe tu vinyasya ajogandha samīpataḥ ||
pratiṣṭhāpya mahāliṃgamajogandheti nāmataḥ
||16||समाहूय च तीर्थानि पुष्करात्तत्र भामिनि ॥
तस्मिन्कुण्डे तु विन्यस्य अजोगन्ध समीपतः ॥
प्रतिष्ठाप्य महालिंगमजोगन्धेति नामतः
tripuṣkare mahādevi kuṇḍe pātakanāśane ||
sauvarṇaṃ kamalaṃ tatra dadyādbrāhmaṇapuṃgave
||17||त्रिपुष्करे महादेवि कुण्डे पातकनाशने ॥
सौवर्णं कमलं तत्र दद्याद्ब्राह्मणपुंगवे
devaṃ saṃpūjya vidhivadgandhapuṣpākṣatādibhiḥ ||
mucyate pātakaiḥ sarvaiḥ saptajanmārjitairapi
||18||देवं संपूज्य विधिवद्गन्धपुष्पाक्षतादिभिः ॥
मुच्यते पातकैः सर्वैः सप्तजन्मार्जितैरपि
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye puṣkara māhātmye'jogandheśvaramāhātmyavarṇanaṃnāma caturṇavatyuttaradviśatatamo'dhyāyaḥ || 294 ||