paulomośvaramāhātmyavarṇanam
īśvara uvāca
tato gacchenmahāliṃgaṃ mahādevi surapriyam ||
rāvaṇeśvaravāyavye dhanuṣāṃ triṃśake'ntare
||1||ततो गच्छेन्महालिंगं महादेवि सुरप्रियम् ॥
रावणेश्वरवायव्ये धनुषां त्रिंशकेऽन्तरे
sthitaṃ kāmapradaṃ liṃgaṃ sarvapātakanāśanam ||
paulomīśvaranāmāḍhacaṃ paulomyā saṃpratiṣṭhitam
||2||स्थितं कामप्रदं लिंगं सर्वपातकनाशनम् ॥
पौलोमीश्वरनामाढचं पौलोम्या संप्रतिष्ठितम्
tārakeṇa yadā dhvastāstridaśāḥ saṃgare sthitāḥ ||
trailokyaṃ vihṛtaṃ sarvaṃ svayamindratvamāgataḥ
||3||तारकेण यदा ध्वस्तास्त्रिदशाः संगरे स्थिताः ॥
त्रैलोक्यं विहृतं सर्वं स्वयमिन्द्रत्वमागतः
tadā śakraḥ suduḥkhārto bhayodvigno nanāśa vai ||
tadā tadbhāryayā devi indrāṇyā śokakarṣayā
||4||तदा शक्रः सुदुःखार्तो भयोद्विग्नो ननाश वै ॥
तदा तद्भार्यया देवि इन्द्राण्या शोककर्षया
indrasya jayamicchantyā śaṃbhurārādhitastayā ||
tatastuṣṭo mahādevastāmuvāca śubhekṣaṇām
||5||इन्द्रस्य जयमिच्छन्त्या शंभुराराधितस्तया ॥
ततस्तुष्टो महादेवस्तामुवाच शुभेक्षणाम्
bhagavānuvāca
utpatsyati suto'smākaṃ ṣaṇmukhastu mahābalaḥ ||
tārakaṃ daityarājānaṃ sa cainaṃ ghātayiṣyati
||6||उत्पत्स्यति सुतोऽस्माकं षण्मुखस्तु महाबलः ॥
तारकं दैत्यराजानं स चैनं घातयिष्यति
gaccha tvaṃ vijvarā bhūtvā śṛṇu bhūyo vacaśca me
||7||गच्छ त्वं विज्वरा भूत्वा शृणु भूयो वचश्च मे
atra sthitamidaṃ liṃgaṃ yo'smākaṃ pūjayiṣyati ||
sa nūnaṃ me gaṇo bhūtvā matsakāśamupeṣyati
||8||अत्र स्थितमिदं लिंगं योऽस्माकं पूजयिष्यति ॥
स नूनं मे गणो भूत्वा मत्सकाशमुपेष्यति
evamuktā gatā sādhvī devarāḍyatra saṃsthitaḥ ||
sarvadduḥkhavinirmuktā sarvadaityabhayojjhitā
||9||एवमुक्ता गता साध्वी देवराड्यत्र संस्थितः ॥
सर्वद्दुःखविनिर्मुक्ता सर्वदैत्यभयोज्झिता
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye paulomośvaramāhātmyavarṇanaṃnāma pañcaviṃśatyuttaraśatatamo'dhyāyaḥ || 125 ||