lomaśeśvaramāhātmyavarṇanam
īśvara uvāca
tato gacchenmahādevi lomaśeśvaramuttamam ||
duḥkhāntakāriṇīpūrve dhanuṣāṃ saptake sthitam
||1||ततो गच्छेन्महादेवि लोमशेश्वरमुत्तमम् ॥
दुःखान्तकारिणीपूर्वे धनुषां सप्तके स्थितम्
sthāpitaṃ tatra deveśi lomaśena maharṣiṇā ||
guhāmadhye mahāliṃgaṃ tapaḥ kṛtvā suduścaram
||2||स्थापितं तत्र देवेशि लोमशेन महर्षिणा ॥
गुहामध्ये महालिंगं तपः कृत्वा सुदुश्चरम्
koṭīnāṃ tritayaṃ sārdhamiṃdrādyāḥ svarbhujaḥ priye ||
yadā nāśaṃ gamiṣyaṃti tadā tasya kṣayo dhruvam
||3||कोटीनां त्रितयं सार्धमिंद्राद्याः स्वर्भुजः प्रिये ॥
यदा नाशं गमिष्यंति तदा तस्य क्षयो ध्रुवम्
yāvaṃti deharomāṇi indrāstāvanta eva ca ||
kramādindre vinaṣṭe tu tallomapatanaṃ bhavet
||4||यावंति देहरोमाणि इन्द्रास्तावन्त एव च ॥
क्रमादिन्द्रे विनष्टे तु तल्लोमपतनं भवेत्
evamīśaprasādena cirāyurlomaśo'bhavat ||
brahmāṇaḥ ṣaḍvinaśyanti samagrāyuṣi lomaśe
||5||एवमीशप्रसादेन चिरायुर्लोमशोऽभवत् ॥
ब्रह्माणः षड्विनश्यन्ति समग्रायुषि लोमशे
ya evaṃ pūjayedbhaktyā talliṃgaṃ lomaśārcitam ||
so'pi dīrghāyurāpnoti nirvyādhirnīrujaḥ sukhī
||6||य एवं पूजयेद्भक्त्या तल्लिंगं लोमशार्चितम् ॥
सोऽपि दीर्घायुराप्नोति निर्व्याधिर्नीरुजः सुखी
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye lomaśeśvaramāhātmyavarṇanaṃnāma ṣaṭtriṃśaduttaraśatatamo'dhyāyaḥ || 136 ||