daśāśvamedhamāhatmyavarṇanam
īśvara uvāca
tato gacchenmahādevi tīrthaṃ trailokyaviśrutam ||
daśāśvamedhikaṃnāma mahāpātakanāśanam
||1||ततो गच्छेन्महादेवि तीर्थं त्रैलोक्यविश्रुतम् ॥
दशाश्वमेधिकंनाम महापातकनाशनम्
vājimedhaḥ purā ceṣṭaṃ daśabhistatra bhāmini ||
bharatena samāgatya matvā kṣetramanuttamam
||2||वाजिमेधः पुरा चेष्टं दशभिस्तत्र भामिनि ॥
भरतेन समागत्य मत्वा क्षेत्रमनुत्तमम्
tatra tṛptaḥ sahasrākṣaḥ somanāthena bhāmini ||
kṛpaṇāḥ khānapānaiśca dakṣiṇābhirdvijātayaḥ
||3||तत्र तृप्तः सहस्राक्षः सोमनाथेन भामिनि ॥
कृपणाः खानपानैश्च दक्षिणाभिर्द्विजातयः
athocustridaśāḥ sarve suprītā bharataṃ nṛpam ||
tuṣṭāstava mahābāho yajñaiḥ saṃtarpitā vayam ||
varaṃ vṛṇīṣva rājeṃdra yatte manasi varttate ||
rājovāca ||
atrāgatya naro bhaktyā yaḥ snānaṃ kurute naraḥ ||
daśānāmaśvamedhānāṃ sa prāpnotu phalaṃ śubham ||
devā ūcuḥ ||
daśānāmaśvamedhānāṃ śraddhayā phalamāpsyati ||
daśāśvamedhikaṃnāma tīrthametanmahītale ||
khyātiṃ yāsyati rājeṃdra nātra kāryā vicāraṇā
||6||अथोचुस्त्रिदशाः सर्वे सुप्रीता भरतं नृपम् ॥
तुष्टास्तव महाबाहो यज्ञैः संतर्पिता वयम् ॥
वरं वृणीष्व राजेंद्र यत्ते मनसि वर्त्तते ॥
राजोवाच ॥
अत्रागत्य नरो भक्त्या यः स्नानं कुरुते नरः ॥
दशानामश्वमेधानां स प्राप्नोतु फलं शुभम् ॥
देवा ऊचुः ॥
दशानामश्वमेधानां श्रद्धया फलमाप्स्यति ॥
दशाश्वमेधिकंनाम तीर्थमेतन्महीतले ॥
ख्यातिं यास्यति राजेंद्र नात्र कार्या विचारणा
īśvara uvāca
tataḥ prabhṛti tattīrthaṃ prakhyātaṃ dharaṇītale ||
daśāśvamedhikamiti sarvapāpapraṇāśanam
||7||ततः प्रभृति तत्तीर्थं प्रख्यातं धरणीतले ॥
दशाश्वमेधिकमिति सर्वपापप्रणाशनम्
aiṃdravāruṇamāśritya gomukhādā''śvamedhikam ||
atrāṃtare mahādevi śivakṣetraṃ vidurbudhāḥ
||8||ऐंद्रवारुणमाश्रित्य गोमुखादाऽऽश्वमेधिकम् ॥
अत्रांतरे महादेवि शिवक्षेत्रं विदुर्बुधाः
sarvapāpaharaṃ divyaṃ svargasopānasaṃnibham ||
sapādakoṭitīrthānāṃ sthānaṃ tatparikīrtitama
||9||सर्वपापहरं दिव्यं स्वर्गसोपानसंनिभम् ॥
सपादकोटितीर्थानां स्थानं तत्परिकीर्तितम
prāṇatyāge kṛte tatra śivaloke ca modate ||
tiryagyonigatāḥ pāpā kīṭapakṣimṛgādayaḥ
||10||प्राणत्यागे कृते तत्र शिवलोके च मोदते ॥
तिर्यग्योनिगताः पापा कीटपक्षिमृगादयः
te'pi yāṃti paraṃ sthānaṃ yatra devo maheśvaraḥ ||
tilodakapradānena mātṛkāḥ paitṛkāstathā
||11||तेऽपि यांति परं स्थानं यत्र देवो महेश्वरः ॥
तिलोदकप्रदानेन मातृकाः पैतृकास्तथा
pitarastasya tṛpyaṃti yāvadābhūtasaṃplavam ||
tatreṣṭā brahmaṇā pūrvamasaṃkhyātā makhottamāḥ
||12||पितरस्तस्य तृप्यंति यावदाभूतसंप्लवम् ॥
तत्रेष्टा ब्रह्मणा पूर्वमसंख्याता मखोत्तमाः
śakraśca devarājatve tatreṣṭvā samavāptavān ||
kārttavīryeṇa tatraiva kṛtaṃ yajñaśataṃ purā
||13||शक्रश्च देवराजत्वे तत्रेष्ट्वा समवाप्तवान् ॥
कार्त्तवीर्येण तत्रैव कृतं यज्ञशतं पुरा
evaṃ tatpravaraṃ sthānaṃ kṣetragarbhāṃtikaṃ priye ||
mṛtānāṃ tatra jaṃtūnāmapunarbhavadāyakam
||14||एवं तत्प्रवरं स्थानं क्षेत्रगर्भांतिकं प्रिये ॥
मृतानां तत्र जंतूनामपुनर्भवदायकम्
vṛṣotsargaṃ tu yastatra kuryādvai bhāvitātmavān ||
yāvaṃti vṛṣaromāṇi tāvatsvarge mahīyate
||15||वृषोत्सर्गं तु यस्तत्र कुर्याद्वै भावितात्मवान् ॥
यावंति वृषरोमाणि तावत्स्वर्गे महीयते
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetra māhātmye daśāśvamedhamāhatmyavarṇanaṃnāma catustriṃśaduttaradviśatatamo'dhyāyaḥ || 234 ||