rāhvīśvaramāhātmyavarṇanam
īśvara uvāca
tato gacchenmahādevi liṃgaṃ rāhupratiṣṭhitam ||
śanaiścareśvarāddevi vāyavye saṃpratiṣṭhitam
||1||ततो गच्छेन्महादेवि लिंगं राहुप्रतिष्ठितम् ॥
शनैश्चरेश्वराद्देवि वायव्ये संप्रतिष्ठितम्
ajādevyāścottarato dhanuṣāṃ saptake sthitam ||
maṃgalāyāḥ samīpasthaṃ nātidūre vyavasthitam
||2||अजादेव्याश्चोत्तरतो धनुषां सप्तके स्थितम् ॥
मंगलायाः समीपस्थं नातिदूरे व्यवस्थितम्
liṃgaṃ mahāprabhāvaṃ tu saiṃhikeyapratiṣṭhitam ||
tatra varṣasahasraṃ tu vaipracittistapo'karot
||3||लिंगं महाप्रभावं तु सैंहिकेयप्रतिष्ठितम् ॥
तत्र वर्षसहस्रं तु वैप्रचित्तिस्तपोऽकरोत्
svarbhānuḥ sa mahāvīryo vaktrayodhī mahāsurāḥ ||
samārādhya mahādevaṃ divyena tapasā prabhum
||4||स्वर्भानुः स महावीर्यो वक्त्रयोधी महासुराः ॥
समाराध्य महादेवं दिव्येन तपसा प्रभुम्
liṃge'vatārayāmāsa jagaddīpaṃ maheśvaram ||
yaścainaṃ pūjayedbhaktyā naraḥ samyakca paśyati ||
tasya pāpaṃ kṣayaṃ yāti api brahmavadhodbhavam
||5||लिंगेऽवतारयामास जगद्दीपं महेश्वरम् ॥
यश्चैनं पूजयेद्भक्त्या नरः सम्यक्च पश्यति ॥
तस्य पापं क्षयं याति अपि ब्रह्मवधोद्भवम्
nāṃdho na badhiro mūko na rogī na ca nirddhanaḥ ||
kadācijjāyate martyastena dṛṣṭena bhūtale
||6||नांधो न बधिरो मूको न रोगी न च निर्द्धनः ॥
कदाचिज्जायते मर्त्यस्तेन दृष्टेन भूतले
sukhasaubhāgyasaṃpannastadā bhavati rūpavān ||
sarvakāmasamṛddhātmā modate divi devavat
||7||सुखसौभाग्यसंपन्नस्तदा भवति रूपवान् ॥
सर्वकामसमृद्धात्मा मोदते दिवि देववत्
iti te kathitaṃ devi māhātmyaṃ rāhudaivatam ||
śrutvā tu mohaniryāto naro niṣkalmaṣo bhavet
||8||इति ते कथितं देवि माहात्म्यं राहुदैवतम् ॥
श्रुत्वा तु मोहनिर्यातो नरो निष्कल्मषो भवेत्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye rāhvīśvaramāhātmyavarṇanaṃnāma paṃcāśo'dhyāyaḥ || 50 ||