tato gacchenmahādevi kūpaṃ trailokyaviśrutam
īśvara uvāca
tato gacchenmahādevi kūpaṃ trailokyaviśrutam ||
devikāyāstaṭe ramye huṃkāreṇaiva pūryate
||1||ततो गच्छेन्महादेवि कूपं त्रैलोक्यविश्रुतम् ॥
देविकायास्तटे रम्ये हुंकारेणैव पूर्यते
tato'dhastātpunaryāti salilaṃ tatra bhāmini ||
taṇḍīnāma purā prokto devikātaṭamāsthitaḥ
||2||ततोऽधस्तात्पुनर्याति सलिलं तत्र भामिनि ॥
तण्डीनाम पुरा प्रोक्तो देविकातटमास्थितः
tapastepe mahādevi śivabhaktiparāyaṇaḥ ||
tasyaivaṃ tapyamānasya tasmindeśe varānane
||3||तपस्तेपे महादेवि शिवभक्तिपरायणः ॥
तस्यैवं तप्यमानस्य तस्मिन्देशे वरानने
ājagāma mṛgo vṛddhastaṃ deśamandha dṛkpriye ||
sa papāta mahāgarte agādhe jalavarjite
||4||आजगाम मृगो वृद्धस्तं देशमन्ध दृक्प्रिये ॥
स पपात महागर्ते अगाधे जलवर्जिते
taṃ dṛṣṭvā kṛpayāviṣṭaḥ sa munirmaunamāsthitaḥ ||
huṃkāraṃ kurute tatra bhūyobhūyaśca bhāmini
||5||तं दृष्ट्वा कृपयाविष्टः स मुनिर्मौनमास्थितः ॥
हुंकारं कुरुते तत्र भूयोभूयश्च भामिनि
atha huṃkāraśabdena tasya gartaḥ prapūritaḥ ||
tato mṛgo viniṣkrāṃtaḥ kṛcchreṇa salilātpriye
||6||अथ हुंकारशब्देन तस्य गर्तः प्रपूरितः ॥
ततो मृगो विनिष्क्रांतः कृच्छ्रेण सलिलात्प्रिये
mānuṣaṃ rūpamāśritya tamṛṣiṃ paryapṛcchata ||
vismayaṃ paramaṃ gatvā kāmyadaṃ karmaṇaḥ phalam
||7||मानुषं रूपमाश्रित्य तमृषिं पर्यपृच्छत ॥
विस्मयं परमं गत्वा काम्यदं कर्मणः फलम्
mṛgatve patitaścātra naro bhūtvā vinirgataḥ ||
so'bravīttasya māhātmyaṃ salilasya dvijottamaḥ
||8||मृगत्वे पतितश्चात्र नरो भूत्वा विनिर्गतः ॥
सोऽब्रवीत्तस्य माहात्म्यं सलिलस्य द्विजोत्तमः
ato'haṃ naratāṃ prāpto nānyadastīha kāraṇam ||
tatastatsalilaṃ bhūyaḥ praviṣṭaṃ dharaṇītale
||9||अतोऽहं नरतां प्राप्तो नान्यदस्तीह कारणम् ॥
ततस्तत्सलिलं भूयः प्रविष्टं धरणीतले
tato huṃkṛtavānbhūyaḥ sa ṛṣiḥ kautukānvitaḥ ||
āpūritaḥ punaḥ kūpaḥ salilena purā yathā
||10||ततो हुंकृतवान्भूयः स ऋषिः कौतुकान्वितः ॥
आपूरितः पुनः कूपः सलिलेन पुरा यथा
tataḥ sa kṛtavānsnānaṃ tathā ca pitṛtarpaṇam ||
matvā tīrthavaraṃ tatra tataḥ prāptaḥ parāṃ gatim
||11||ततः स कृतवान्स्नानं तथा च पितृतर्पणम् ॥
मत्वा तीर्थवरं तत्र ततः प्राप्तः परां गतिम्
adyāpi huṃkṛte tasminsalilaughaḥ pravartate ||
tatra gatvā naro bhaktyā api pāparato'pi yaḥ
||12||अद्यापि हुंकृते तस्मिन्सलिलौघः प्रवर्तते ॥
तत्र गत्वा नरो भक्त्या अपि पापरतोऽपि यः
na mānuṣyaṃ punarjanma prāpnoti jagatītale ||
tatra snātvā śucirbhūtvā yaḥ śrāddhaṃ kurute naraḥ
||13||न मानुष्यं पुनर्जन्म प्राप्नोति जगतीतले ॥
तत्र स्नात्वा शुचिर्भूत्वा यः श्राद्धं कुरुते नरः
mucyate sarvapāpebhyaḥ pitṛloke mahīyate ||
kulāni tārayetsapta atītā'nāgatāni ca
||14||मुच्यते सर्वपापेभ्यः पितृलोके महीयते ॥
कुलानि तारयेत्सप्त अतीताऽनागतानि च
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye devikāmāhātmye huṃkārakūpamāhātmyavarṇanaṃnāmaikonacatvāriṃśaduttaratriśatatamo'dhyāyaḥ || 339 ||