mahākālīmāhātmyavarṇanam
īśvara uvāca
tatraiva saṃsthitā devi mahākālīti viśrutā ||
adhaḥ sthite mahāpīṭhe pātālavivarānvite
||1||तत्रैव संस्थिता देवि महाकालीति विश्रुता ॥
अधः स्थिते महापीठे पातालविवरान्विते
sarvaduḥkhapraśamanī sarvaśatrukṣayaṃkarī ||
pūjanīyā vidhānena kṛṣṇāṣṭamyāṃ mahāniśi ||
gandhaiḥ puṣpaistathā dhūpaiḥ kravyairbalibhireva ca
||2||सर्वदुःखप्रशमनी सर्वशत्रुक्षयंकरी ॥
पूजनीया विधानेन कृष्णाष्टम्यां महानिशि ॥
गन्धैः पुष्पैस्तथा धूपैः क्रव्यैर्बलिभिरेव च
phalatṛtīyāṃ nārī ca kuryādvai tatra bhāvitā ||
varṣamekaṃ site pakṣe devīṃ pūjya vidhānataḥ ||
phalāni brāhmaṇe deyānyeva nūnaṃ vidhānataḥ
||3||फलतृतीयां नारी च कुर्याद्वै तत्र भाविता ॥
वर्षमेकं सिते पक्षे देवीं पूज्य विधानतः ॥
फलानि ब्राह्मणे देयान्येव नूनं विधानतः
etāni varjayennakte hyannāni surasundari ||
niṣpāvā āḍhakī mudgā māṣāścaiva kulitthakāḥ
||4||एतानि वर्जयेन्नक्ते ह्यन्नानि सुरसुन्दरि ॥
निष्पावा आढकी मुद्गा माषाश्चैव कुलित्थकाः
masūrā rājamāṣāśca godhūmāstripuṭāstathā ||
caṇakā vartalā vāpi makuṣṭhāścaivamādayaḥ
||5||मसूरा राजमाषाश्च गोधूमास्त्रिपुटास्तथा ॥
चणका वर्तला वापि मकुष्ठाश्चैवमादयः
na bhakṣyāstāvatte devi yāvadgaurīvrataṃ caret ||
tasyāḥ puṇyaphalaṃ vakṣye kathyamānaṃ śṛṇuṣva me
||6||न भक्ष्यास्तावत्ते देवि यावद्गौरीव्रतं चरेत् ॥
तस्याः पुण्यफलं वक्ष्ये कथ्यमानं शृणुष्व मे
dhanaṃ dhānyaṃ gṛhe tasyā na kadācitkṣayaṃ vrajet ||
duḥkhitā durbhagā dīnā sapta janmāni no bhavet
||7||धनं धान्यं गृहे तस्या न कदाचित्क्षयं व्रजेत् ॥
दुःखिता दुर्भगा दीना सप्त जन्मानि नो भवेत्
mahākālīvrataṃ proktaṃ devyā māhātmyasaṃyutam ||
kṛtaṃ pātakanāśāya sarvakāmasamṛddhaye
||8||महाकालीव्रतं प्रोक्तं देव्या माहात्म्यसंयुतम् ॥
कृतं पातकनाशाय सर्वकामसमृद्धये
evaṃ devi samākhyātaṃ mahākālīmahodayam ||
kṣetrapīṭhaṃ mahādevi mantrasiddhipradāyakam
||9||एवं देवि समाख्यातं महाकालीमहोदयम् ॥
क्षेत्रपीठं महादेवि मन्त्रसिद्धिप्रदायकम्
āśvayukchuklapakṣe tu navamyāṃ tatra jāgṛyāt ||
pīṭhe pūjābaliṃ dattvā mantraṃ kāmaṃ japanniśi ||
saumyacittaḥ samāpnoti vāṃchitāṃ siddhimuttamām
||10||आश्वयुक्छुक्लपक्षे तु नवम्यां तत्र जागृयात् ॥
पीठे पूजाबलिं दत्त्वा मन्त्रं कामं जपन्निशि ॥
सौम्यचित्तः समाप्नोति वांछितां सिद्धिमुत्तमाम्
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye mahākālīmāhātmyavarṇanaṃnāma trayastriṃśaduttaraśatatamo'dhyāyaḥ || 133 ||