tato gacchenmahādevi devaṃ siddheśvaraṃ param
īśvara uvāca
tato gacchenmahādevi devaṃ siddheśvaraṃ param ||
tasyaiva paścime bhāge siddhaiḥ saṃsthāpitaṃ purā
||1||ततो गच्छेन्महादेवि देवं सिद्धेश्वरं परम् ॥
तस्यैव पश्चिमे भागे सिद्धैः संस्थापितं पुरा
siddhā nāma surāḥ pūrvaṃ tatrāgatya varānane ||
liṃgaṃ saṃsthāpayāmāsuḥ siddhyarthaṃ sarvavastuṣu
||2||सिद्धा नाम सुराः पूर्वं तत्रागत्य वरानने ॥
लिंगं संस्थापयामासुः सिद्ध्यर्थं सर्ववस्तुषु
tatastuṣṭo mahādevi teṣāṃ dṛṣṭvā tapo mahat ||
aṇimādikamaiśvaryaṃ teṣāṃ sarvaṃ dadau śivaḥ
||3||ततस्तुष्टो महादेवि तेषां दृष्ट्वा तपो महत् ॥
अणिमादिकमैश्वर्यं तेषां सर्वं ददौ शिवः
abravīdatra me nityaṃ sānidhyaṃ ca bhaviṣyati
||4||अब्रवीदत्र मे नित्यं सानिध्यं च भविष्यति
caitre śuklacaturddaśyāṃ yo'tra māṃ pūjayiṣyati ||
sa yāsyati paraṃ sthānaṃ prasādānmama puṇyakṛt
||5||चैत्रे शुक्लचतुर्द्दश्यां योऽत्र मां पूजयिष्यति ॥
स यास्यति परं स्थानं प्रसादान्मम पुण्यकृत्
evamuktvā'tha bhagavāñjagāmādarśanaṃ tataḥ ||
siddhāścaiva tadā''gatya pūjayaṃti maheśvaram
||6||एवमुक्त्वाऽथ भगवाञ्जगामादर्शनं ततः ॥
सिद्धाश्चैव तदाऽऽगत्य पूजयंति महेश्वरम्
yastamārādhayedbhaktyā saṃsiddhiṃ labhate'dbhutām ||
īpsitāṃ ca suraśreṣṭhe tasmāttaṃ pūjayetsadā
||7||यस्तमाराधयेद्भक्त्या संसिद्धिं लभतेऽद्भुताम् ॥
ईप्सितां च सुरश्रेष्ठे तस्मात्तं पूजयेत्सदा
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye siddheśvaramāhātmyavarṇanaṃnāma ṣaṣṭyuttaradviśatatamo'dhyāyaḥ || 260 ||