śaṃkhāvarttatīrthamāhātmyavarṇanam
īśvara uvāca
tataḥ paścimato gacchennyaṃkumatyāstaṭe śubhe ||
dakṣiṇāṃ diśamāśritya sthitaṃ tīrthaṃ mahāprabham
||1||ततः पश्चिमतो गच्छेन्न्यंकुमत्यास्तटे शुभे ॥
दक्षिणां दिशमाश्रित्य स्थितं तीर्थं महाप्रभम्
śaṃkhāvarttamitikhyātaṃ yatra citrāṃkitā śilā ||
svayaṃbhūtā mahādevi raktagarbhā suśobhanā
||2||शंखावर्त्तमितिख्यातं यत्र चित्रांकिता शिला ॥
स्वयंभूता महादेवि रक्तगर्भा सुशोभना
chinne tvadyāpi tatraiva suraktaṃ saṃpradṛśyate ||
viṣṇukṣetraṃ hi tatproktaṃ śaṃkho yatra hataḥ purā
||3||छिन्ने त्वद्यापि तत्रैव सुरक्तं संप्रदृश्यते ॥
विष्णुक्षेत्रं हि तत्प्रोक्तं शंखो यत्र हतः पुरा
vedāpahārī deveśi viṣṇunā prabhaviṣṇunā ||
kṛtaṃ śakhodakaṃ tīrthaṃ śaṃkhākāraṃ tu dṛśyate
||4||वेदापहारी देवेशि विष्णुना प्रभविष्णुना ॥
कृतं शखोदकं तीर्थं शंखाकारं तु दृश्यते
tatra snātvā naro devi mucyate brahmahatyayā ||
sapta janmāni vipratvaṃ śūdrasyāpi prajā yate
||5||तत्र स्नात्वा नरो देवि मुच्यते ब्रह्महत्यया ॥
सप्त जन्मानि विप्रत्वं शूद्रस्यापि प्रजा यते
pūrvaṃ tatraiva gatvā ca tato rudragayāṃ vrajet ||
godānaṃ tatra deyaṃ tu samyagyātrāphalepsubhiḥ
||6||पूर्वं तत्रैव गत्वा च ततो रुद्रगयां व्रजेत् ॥
गोदानं तत्र देयं तु सम्यग्यात्राफलेप्सुभिः
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye śaṃkhāvarttatīrthamāhātmyavarṇanaṃnāma pañcatriṃśaduttaratriśata tamo'dhyāyaḥ || 335 ||