nyaṃkumatīmāhātmye'gastyāśramagaṃgeśvaramāhātmyavarṇanam
īśvara uvāca
tato gacchenmahādevi punarnyaṃkumatīṃ nadīm ||
tatra kṛtvā gayāśrāddhaṃ goṣpade tīrtha uttame
||1||ततो गच्छेन्महादेवि पुनर्न्यंकुमतीं नदीम् ॥
तत्र कृत्वा गयाश्राद्धं गोष्पदे तीर्थ उत्तमे
tataḥ paśyedvarāhaṃ tu tasmāddharigṛhaṃ vrajet ||
tatra mātṛstu saṃpūjya snātvā sāgarasaṃgame
||2||ततः पश्येद्वराहं तु तस्माद्धरिगृहं व्रजेत् ॥
तत्र मातृस्तु संपूज्य स्नात्वा सागरसंगमे
nyaṃkumatyarṇavopete tataḥ pūrvamanu vrajet ||
agasterāśramaṃ divyaṃ kṣudhāharamitismṛtam
||3||न्यंकुमत्यर्णवोपेते ततः पूर्वमनु व्रजेत् ॥
अगस्तेराश्रमं दिव्यं क्षुधाहरमितिस्मृतम्
yatrelvalaṃ ca vātāpiṃ saṃhṛtya bhagavānmuniḥ ||
muktvā''padbhyo brāhmaṇāṃśca tebhyaḥ sthānaṃ tato dadau
||4||यत्रेल्वलं च वातापिं संहृत्य भगवान्मुनिः ॥
मुक्त्वाऽऽपद्भ्यो ब्राह्मणांश्च तेभ्यः स्थानं ततो ददौ
agastyāśramametaddhi agastipriyamuttamam ||
nyaṃkumatyāstaṭe ramye sarvapātakanāśane
||5||अगस्त्याश्रममेतद्धि अगस्तिप्रियमुत्तमम् ॥
न्यंकुमत्यास्तटे रम्ये सर्वपातकनाशने
devyuvāca
agastineha vātāpiḥ kimarthamupaśāmitaḥ ||
atra vai kiṃprabhāvaśca sa daityo brāhmaṇāṃtakaḥ ||
kimarthaṃ codgato manyuragastestu mahātmanaḥ
||6||अगस्तिनेह वातापिः किमर्थमुपशामितः ॥
अत्र वै किंप्रभावश्च स दैत्यो ब्राह्मणांतकः ॥
किमर्थं चोद्गतो मन्युरगस्तेस्तु महात्मनः
īśvara uvāca
ilvalo nāma daityendra āsīdvai varavarṇini ||
maṇimatyāṃ purā puryāṃ vātāpistasya cānujaḥ
||7||इल्वलो नाम दैत्येन्द्र आसीद्वै वरवर्णिनि ॥
मणिमत्यां पुरा पुर्यां वातापिस्तस्य चानुजः
sa brāhmaṇaṃ tapoyuktamuvāca ditinaṃdanaḥ ||
putra me bhagavannekamiṃdratulyaṃ prayacchatu
||8||स ब्राह्मणं तपोयुक्तमुवाच दितिनंदनः ॥
पुत्र मे भगवन्नेकमिंद्रतुल्यं प्रयच्छतु
tasminsa brāhmaṇo naicchatputraṃ dātuṃ tathāvidham ||
cukrodha ditijastasya brāhmaṇasya tato bhṛśam
||9||तस्मिन्स ब्राह्मणो नैच्छत्पुत्रं दातुं तथाविधम् ॥
चुक्रोध दितिजस्तस्य ब्राह्मणस्य ततो भृशम्
prabhāsakṣetramāsādya sa daityaḥ pāpabuddhimān ||
meṣarūpī ca vātāpiḥ kāmarūpo'bhavatkṣaṇāt
||10||प्रभासक्षेत्रमासाद्य स दैत्यः पापबुद्धिमान् ॥
मेषरूपी च वातापिः कामरूपोऽभवत्क्षणात्
saṃskṛtya bhojayettatra viprānsa ca jighāṃsati ||
samā hvayati taṃ vācā gataṃ caiva tataḥ kṣayam
||11||संस्कृत्य भोजयेत्तत्र विप्रान्स च जिघांसति ॥
समा ह्वयति तं वाचा गतं चैव ततः क्षयम्
sa punardehamāsthāya jīvansma pratyadṛśyata ||
tato vātāpirapi taṃ chāgaṃ kṛtvā susaṃskṛtam ||
brāhmaṇaṃ bhojayitvā tu punareva samāhvayat
||12||स पुनर्देहमास्थाय जीवन्स्म प्रत्यदृश्यत ॥
ततो वातापिरपि तं छागं कृत्वा सुसंस्कृतम् ॥
ब्राह्मणं भोजयित्वा तु पुनरेव समाह्वयत्
sa tasya pārśvaṃ nirbhidya brāhmaṇasya mahātmanaḥ ||
vātāpiḥ prahasaṃstatra niścakrāma dvijodarāt
||13||स तस्य पार्श्वं निर्भिद्य ब्राह्मणस्य महात्मनः ॥
वातापिः प्रहसंस्तत्र निश्चक्राम द्विजोदरात्
evaṃ sa brāhmaṇāndevi bhojayitvā punaḥpunaḥ ||
vinirbhidyodaraṃ teṣāmevaṃ haṃti dvijānbahūn
||14||एवं स ब्राह्मणान्देवि भोजयित्वा पुनःपुनः ॥
विनिर्भिद्योदरं तेषामेवं हंति द्विजान्बहून्
tato vai brāhmaṇāḥ sarve bhayabhītāḥ pradudruvuḥ ||
agasterāśramaṃ jagmuḥ kathayāmāsuragrataḥ
||15||ततो वै ब्राह्मणाः सर्वे भयभीताः प्रदुद्रुवुः ॥
अगस्तेराश्रमं जग्मुः कथयामासुरग्रतः
bhagavañchṛṇu no vākyamasmākaṃ tu bhayāvaham ||
nimaṃtritāḥ sma sarve vā ilvalena vayaṃ prabho
||16||भगवञ्छृणु नो वाक्यमस्माकं तु भयावहम् ॥
निमंत्रिताः स्म सर्वे वा इल्वलेन वयं प्रभो
asmākaṃ mṛtyurūpaṃ tadbhojanaṃ nāsti saṃśayaḥ ||
tadasmānrakṣa bhagavanviṣaṇṇāgatacetasaḥ
||17||अस्माकं मृत्युरूपं तद्भोजनं नास्ति संशयः ॥
तदस्मान्रक्ष भगवन्विषण्णागतचेतसः
tataḥ prabhāsamāsādya yatra tau daityapuṃgavau ||
brahmaghrau pāpaniratau dadarśa sa mahāmuniḥ
||18||ततः प्रभासमासाद्य यत्र तौ दैत्यपुंगवौ ॥
ब्रह्मघ्रौ पापनिरतौ ददर्श स महामुनिः
vātāpiṃ saṃskṛtaṃ dṛṣṭvā meṣarūpaṃ mahāsuram ||
uvāca dehi me bhojyaṃ bubhukṣā mama vartate
||19||वातापिं संस्कृतं दृष्ट्वा मेषरूपं महासुरम् ॥
उवाच देहि मे भोज्यं बुभुक्षा मम वर्तते
ityuktau svāgataṃ tatra cakrāte munaye tadā ||
bhagavanbhojanaṃ tubhyaṃ dāsye'haṃ bahuvistaram ||
kiyanmānastavāhārastāvanmānaṃ pacāmyaham
||20||इत्युक्तौ स्वागतं तत्र चक्राते मुनये तदा ॥
भगवन्भोजनं तुभ्यं दास्येऽहं बहुविस्तरम् ॥
कियन्मानस्तवाहारस्तावन्मानं पचाम्यहम्
agastya uvāca
annaṃ pacasva daityendra kiṃcittṛptirbhaviṣyati ||
evamastviti daityendraḥ pakvamāha mahāmune
||21||अन्नं पचस्व दैत्येन्द्र किंचित्तृप्तिर्भविष्यति ॥
एवमस्त्विति दैत्येन्द्रः पक्वमाह महामुने
āsyatāmāsanamidaṃ bhujyatāṃ svecchayā mune ||
ityukto'ghoramaṃtraṃ sa japankalpāṃtakārakam ||
dhuryāsanamathāsādya niṣasāda mahāmuniḥ
||22||आस्यतामासनमिदं भुज्यतां स्वेच्छया मुने ॥
इत्युक्तोऽघोरमंत्रं स जपन्कल्पांतकारकम् ॥
धुर्यासनमथासाद्य निषसाद महामुनिः
taṃ paryaveṣaddaityeṃdra ilvalaḥ prahasanniva ||
śatahastapramāṇena rāśimannasya so'karot
||23||तं पर्यवेषद्दैत्येंद्र इल्वलः प्रहसन्निव ॥
शतहस्तप्रमाणेन राशिमन्नस्य सोऽकरोत्
tato haṣṭamanā'gastyaḥ prāgrasatkavaladvayam ||
rūpaṃ kṛtvā mahattadvadyadvatsāgaraśoṣaṇe
||24||ततो हष्टमनाऽगस्त्यः प्राग्रसत्कवलद्वयम् ॥
रूपं कृत्वा महत्तद्वद्यद्वत्सागरशोषणे
samastameva tadbhojyaṃ vātāpiṃ bubhuje tataḥ ||
bhuktavatyasuro hvānamakarottasya ilvalaḥ
||25||समस्तमेव तद्भोज्यं वातापिं बुभुजे ततः ॥
भुक्तवत्यसुरो ह्वानमकरोत्तस्य इल्वलः
tato'sau dattavānannamagastyasya mahātmanaḥ ||
bhasmīcakāra sarvaṃ sa tadannaṃ ca sadānavam
||26||ततोऽसौ दत्तवानन्नमगस्त्यस्य महात्मनः ॥
भस्मीचकार सर्वं स तदन्नं च सदानवम्
ilvalaṃ krodhamuṣṭyā tu bhasmīcakre mahāmuniḥ ||
tato hāhāravaṃ kṛtvā sarve daityā nanaṃśire
||27||इल्वलं क्रोधमुष्ट्या तु भस्मीचक्रे महामुनिः ॥
ततो हाहारवं कृत्वा सर्वे दैत्या ननंशिरे
tato'gastyo mahātejā āhūya dvijapuṃgavān ||
tatsthānaṃ ca dadau tebhyo daityrānāṃ dravyapūritam
||28||ततोऽगस्त्यो महातेजा आहूय द्विजपुंगवान् ॥
तत्स्थानं च ददौ तेभ्यो दैत्य्रानां द्रव्यपूरितम्
kṣudhā hṛtā tato devi tatrāgastyasya dānavaiḥ ||
tena kṣudhā haraṃnāma sthānamāsīdvijanmanām
||29||क्षुधा हृता ततो देवि तत्रागस्त्यस्य दानवैः ॥
तेन क्षुधा हरंनाम स्थानमासीद्विजन्मनाम्
tasya paścimabhāge tu nātidūre vyavasthitam ||
gaṃgeśvaramiti khyātaṃ gaṃgayā yatpratiṣṭhitam
||30||तस्य पश्चिमभागे तु नातिदूरे व्यवस्थितम् ॥
गंगेश्वरमिति ख्यातं गंगया यत्प्रतिष्ठितम्
vātāpibhakṣaṇepūrvamagastyena mahātmanā ||
daityasaṃbhakṣaṇotpannasarvapātakaśuddhaye ||
samāhūtā mahādevi gaṃgāpātakanāśinī
||31||वातापिभक्षणेपूर्वमगस्त्येन महात्मना ॥
दैत्यसंभक्षणोत्पन्नसर्वपातकशुद्धये ॥
समाहूता महादेवि गंगापातकनाशिनी
tato devi samā yātā gaṃgā pātakanāśinī ||
śuddhiṃ cakāra tasyarṣestatra sthāne sthitā'bhavat
||32||ततो देवि समा याता गंगा पातकनाशिनी ॥
शुद्धिं चकार तस्यर्षेस्तत्र स्थाने स्थिताऽभवत्
agastyasyā''śrame ramye nṛṇāṃ pāpabhayāpahe ||
tatra gaṃgeśvaraṃ dṛṣṭvā abhakṣyodbhavapātakāt ||
mucyate nātra saṃdehaḥ snānadānajapādinā
||33||अगस्त्यस्याऽऽश्रमे रम्ये नृणां पापभयापहे ॥
तत्र गंगेश्वरं दृष्ट्वा अभक्ष्योद्भवपातकात् ॥
मुच्यते नात्र संदेहः स्नानदानजपादिना
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathameprabhāsakṣetramāhātmye nyaṃkumatīmāhātmye'gastyāśramagaṃgeśvaramāhātmyavarṇanaṃnāma pañcāśītyuttaradviśatatamo'dhyāyaḥ || 285 ||