paṃcātha siddhaliṃgāni kathayāmi yaśasvini
īśvara uvāca
paṃcātha siddhaliṃgāni kathayāmi yaśasvini ||
yeṣāṃ darśanato devi siddhā yātrā bhavennṛṇām
||1||पंचाथ सिद्धलिंगानि कथयामि यशस्विनि ॥
येषां दर्शनतो देवि सिद्धा यात्रा भवेन्नृणाम्
someśādīśadigbhāge varāroheti yā smṛtā ||
tasyāśca pūrvadigbhāge devaṃ siddheśvaraṃ param ||
abhigamya naro bhaktyā aṇimādikamāpnuyāt
||2||सोमेशादीशदिग्भागे वरारोहेति या स्मृता ॥
तस्याश्च पूर्वदिग्भागे देवं सिद्धेश्वरं परम् ॥
अभिगम्य नरो भक्त्या अणिमादिकमाप्नुयात्
siddhaiḥ pratiṣṭhitaṃ liṃgaṃ dṛṣṭvā bhaktyā tu mānavaḥ ||
mucyate pātakaiḥ sarvaiḥ siddhalokaṃ sa gacchati
||3||सिद्धैः प्रतिष्ठितं लिंगं दृष्ट्वा भक्त्या तु मानवः ॥
मुच्यते पातकैः सर्वैः सिद्धलोकं स गच्छति
vighnāni nāśamāyāṃti tatra kṣetranivāsinām ||
kāmaḥ krodho bhaya lobho rāgo matsara eva ca
||4||विघ्नानि नाशमायांति तत्र क्षेत्रनिवासिनाम् ॥
कामः क्रोधो भय लोभो रागो मत्सर एव च
īrṣyā daṃbhastathā''lasyaṃ nidrā mohastvahaṃkṛtiḥ ||
etāni vighnarūpāṇi siddhervighnakarāṇi tu
||5||ईर्ष्या दंभस्तथाऽऽलस्यं निद्रा मोहस्त्वहंकृतिः ॥
एतानि विघ्नरूपाणि सिद्धेर्विघ्नकराणि तु
tāni nāśaṃ samāyāṃti tatra siddhe śvarārcanāt ||
evaṃ jñātvā tu yatnena tatra yātrāṃ samācaret
||6||तानि नाशं समायांति तत्र सिद्धे श्वरार्चनात् ॥
एवं ज्ञात्वा तु यत्नेन तत्र यात्रां समाचरेत्
ityevaṃ kathitaṃ devi siddheśvaramahodayam ||
sarvakāmapradaṃ nṛṇāṃ śrutaṃ pātakanāśanam
||7||इत्येवं कथितं देवि सिद्धेश्वरमहोदयम् ॥
सर्वकामप्रदं नृणां श्रुतं पातकनाशनम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye siddheśvaramāhātmyavarṇanaṃnāma dvipañcāśattamo'dhyāyaḥ || 52 ||