tato gacchenmahādevi anaṃgeśvaramuttamam
īśvara uvāca
tato gacchenmahādevi anaṃgeśvaramuttamam ||
ratneśvarādagrataḥsthaṃ dhanuṣāntaramāsthitam
||1||ततो गच्छेन्महादेवि अनंगेश्वरमुत्तमम् ॥
रत्नेश्वरादग्रतःस्थं धनुषान्तरमास्थितम्
sthāpitaṃ kāmadevena talliṃgaṃ viṣṇusūnunā ||
jñātvā tadvaiṣṇavaṃ sthānaṃ kalau pātakanāśanam
||2||स्थापितं कामदेवेन तल्लिंगं विष्णुसूनुना ॥
ज्ञात्वा तद्वैष्णवं स्थानं कलौ पातकनाशनम्
taṃ dṛṣṭvā pūjayitvā tu kāmadevasamo bhavet ||
svargavidyādharīṇāṃ ca jāyate cittamohakaḥ
||3||तं दृष्ट्वा पूजयित्वा तु कामदेवसमो भवेत् ॥
स्वर्गविद्याधरीणां च जायते चित्तमोहकः
tasyānvaye'pi na bhavetkurūpo durbhago'pi vā
||4||तस्यान्वयेऽपि न भवेत्कुरूपो दुर्भगोऽपि वा
tatrānaṃgatrayodaśyāṃ vratena varavarṇini ||
viśeṣārādhanaṃ tatra janmasāphalyakāraṇam
||5||तत्रानंगत्रयोदश्यां व्रतेन वरवर्णिनि ॥
विशेषाराधनं तत्र जन्मसाफल्यकारणम्
śayyādānaṃ tu dātavyaṃ tatra viprāya śīline ||
viśeṣādviṣṇubhaktāya samyagyātrāphalaṃ labhet
||6||शय्यादानं तु दातव्यं तत्र विप्राय शीलिने ॥
विशेषाद्विष्णुभक्ताय सम्यग्यात्राफलं लभेत्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsa khaṃḍe prathame prabhāsakṣetramāhātmye ratneśvaramāhātmye'naṃgeśvaramāhātmyavarṇanaṃnāmāṣṭapaṃcāśaduttaraśatatamo'dhyāyaḥ || 158 ||