gupteśvaramāhātmyavarṇanam
īśvara uvāca
tato gacchenmahādevi devagupteśvaraṃ priye ||
tatra paścimavāyavye yatra somo'karottapaḥ
||1||ततो गच्छेन्महादेवि देवगुप्तेश्वरं प्रिये ॥
तत्र पश्चिमवायव्ये यत्र सोमोऽकरोत्तपः
gupto bhūtvā kuṣṭharogāllajjayādhomukhaḥ sthitaḥ ||
divyaṃ varṣasahasraṃ tu prabhāsakṣetra uttame
||2||गुप्तो भूत्वा कुष्ठरोगाल्लज्जयाधोमुखः स्थितः ॥
दिव्यं वर्षसहस्रं तु प्रभासक्षेत्र उत्तमे
tataḥ pratyakṣatāṃ yātaḥ sarvadevapatiḥ śivaḥ ||
tuṣṭo babhūva caṃdrasya kṣayanāśaṃ tathā'karot
||3||ततः प्रत्यक्षतां यातः सर्वदेवपतिः शिवः ॥
तुष्टो बभूव चंद्रस्य क्षयनाशं तथाऽकरोत्
kṣayarogavinirmuktastato'bhūnmṛgalāṃchanaḥ ||
pratiṣṭhāpya mahāliṃgaṃ surāsuranamaskṛtam
||4||क्षयरोगविनिर्मुक्तस्ततोऽभून्मृगलांछनः ॥
प्रतिष्ठाप्य महालिंगं सुरासुरनमस्कृतम्
guptastepe tapo yasmāttasmādgupteśvaraḥ smṛtaḥ ||
sarvakuṣṭhaharo devo darśanātsparśanādapi
||5||गुप्तस्तेपे तपो यस्मात्तस्माद्गुप्तेश्वरः स्मृतः ॥
सर्वकुष्ठहरो देवो दर्शनात्स्पर्शनादपि
somavāre viśeṣeṇa yastalliṃgaṃ prapūjayet ||
tasyānvaye'pi deveśi kuṣṭhī kaścinna jāyate
||6||सोमवारे विशेषेण यस्तल्लिंगं प्रपूजयेत् ॥
तस्यान्वयेऽपि देवेशि कुष्ठी कश्चिन्न जायते
iti śrīskānde mahā purāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye gupteśvaramāhātmyavarṇanaṃnāma catuṣpañcāśaduttaratriśatatamo 'dhyāyaḥ || 354 ||