vṛhaspatīśvaramāhātmyavarṇanam
īśvara uvāca
tato gacchenmahādevi devaṃ guruniṣevitam ||
umāyāḥ pūrvadigbhāge siddheśāgneyagocare
||1||ततो गच्छेन्महादेवि देवं गुरुनिषेवितम् ॥
उमायाः पूर्वदिग्भागे सिद्धेशाग्नेयगोचरे
saṃsthitaṃ tu mahalliṃgaṃ devācārya pratiṣṭhitam ||
ārādhya parayā bhaktyā liṃgaṃ varṣasahasrakam
||2||संस्थितं तु महल्लिंगं देवाचार्य प्रतिष्ठितम् ॥
आराध्य परया भक्त्या लिंगं वर्षसहस्रकम्
toṣayāmāsa deveśaṃ bhavaṃ śarvamumāpatim ||
prāptavānakhilānkāmānaprāpyānakṛtātmabhiḥ
||3||तोषयामास देवेशं भवं शर्वमुमापतिम् ॥
प्राप्तवानखिलान्कामानप्राप्यानकृतात्मभिः
devānāṃ caiva pūjyatvaṃ prāpya jñānamathaiśvaram ||
grahatvaṃ ca tathā prāpya modate divi sāṃpratam
||4||देवानां चैव पूज्यत्वं प्राप्य ज्ञानमथैश्वरम् ॥
ग्रहत्वं च तथा प्राप्य मोदते दिवि सांप्रतम्
taṃ dṛṣṭvā mānavo bhaktyā na durgati mavāpnuyāt ||
bṛhaspatikṛtaṃ liṃgaṃ ye paśyaṃti narottamāḥ
||5||तं दृष्ट्वा मानवो भक्त्या न दुर्गति मवाप्नुयात् ॥
बृहस्पतिकृतं लिंगं ये पश्यंति नरोत्तमाः
bṛhaspatikṛtā pīḍā naiva teṣāṃ hi jāyate ||
tatra śuklacaturdaśyāṃ guruvāre tathā priye
||6||बृहस्पतिकृता पीडा नैव तेषां हि जायते ॥
तत्र शुक्लचतुर्दश्यां गुरुवारे तथा प्रिये
saṃpūjya vidhivalliṃgaṃ samyagrājopacārataḥ ||
athavā bhaktibhāvena prāpnuyātparamaṃ padam
||7||संपूज्य विधिवल्लिंगं सम्यग्राजोपचारतः ॥
अथवा भक्तिभावेन प्राप्नुयात्परमं पदम्
snānaṃ palasahasreṇa paṃcāmṛtarasena yaḥ ||
karoti bhaktyā martyo vai mucyate sa ṛṇatrayāt
||8||स्नानं पलसहस्रेण पंचामृतरसेन यः ॥
करोति भक्त्या मर्त्यो वै मुच्यते स ऋणत्रयात्
mātṛkātpaitṛkāddevi tathā gurusamudbhavāt ||
sarvapāpaviśuddhātmā nirdvaṃdvo muktimāpnuyāt
||9||मातृकात्पैतृकाद्देवि तथा गुरुसमुद्भवात् ॥
सर्वपापविशुद्धात्मा निर्द्वंद्वो मुक्तिमाप्नुयात्
evaṃ saṃkṣepataḥ proktaṃ māhātmyaṃ gurudaivatam ||
śṛṇuyādyastu bhāvena tasya prīto gururbhavet
||10||एवं संक्षेपतः प्रोक्तं माहात्म्यं गुरुदैवतम् ॥
शृणुयाद्यस्तु भावेन तस्य प्रीतो गुरुर्भवेत्
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye vṛhaspatīśvaramāhātmyavarṇanaṃnāma saptacatvāriṃśo'dhyāyaḥ || 47 ||